رواية عوضي الفصل العاشر 10 - بقلم رقية محمد

مر أسبوع وفهد رافض يطلع من المستشفى من غير فطيمة. حالته بدأت تسوء، ومراد ومريم مش عارفين يعملوا حاجة. وفي يوم، فهد دخل الأوضة لقي فطيمة فاقت وماسكة راسها بوجع. فهد جري عليها بلهفة وعياط: حبيبتي، حبيبتي. حمد الله على سلامتك. أنا مش عارف أتكلم. وخدها في حضنه وقعد يشكر ربنا كتير. ونادى بصوت عالي: دكتور، فطيمة فاقت، حبيبتي فاقت. الدكاترة دخلوا. في الوقت ده مراد كان داخل هو ومريم. مريم بفرحة: فطيمة، حمد الله على سلامتك. مراد بفرحة هو الآخر: حمد الله على سلامتك يا فطوم. يلا كده قومي لنا بالسلامة، عاوزين ننام في بيوتنا. فهد ضربه في بطنه: إيه فطوم دي؟ متتعدل. مريم بصت له بغيرة: أنا هخرج أجيب حاجة. مراد: أنا مكنتش أقصد. فهد: امشي من قدامي. فطيمة بخجل: على فكرة... قاطعها: أنتي سايباه يقول لك يا فطوم عادي كده؟ فطيمة: أنت وحشتني على فكرة. بصلها بصدمة. فهد: أنتي بتحبيني صح؟ فطيمة بحب: أنا محبتش غيرك. أنا اتولدت عشانك أنت. فهد بحزن: بس أنا مقدرش أحبك. أنا بحب واحدة تانية.