رواية عوضي الفصل الحادي عشر 11 - بقلم رقية محمد

فهد بحزن: بس أنا مقدرش أحبك، أنا بحب واحدة تانية. فطيمة بصدمة وحزن: إيه؟ فهد: أيوه بحب فطوم قلبي، أنا مقدرش أعيش من غيرك يا قلب الفهد. فطيمة بفرحة: وأنا بحبك قوي... أنا عايزة أروح بيتي. فهد: هخلص الإجراءات وأجيلك. وبعد مرور الساعات، خلص فهد وروحوا البيت. مراد: فهد، أنا عايز أفتحك في موضوع. فهد بتعب: مش النهارده. مراد: لا النهارده... أنا عايز أتقدم لمريم، أنا بحبها والله.

فهد ببرود: أنا كنت عارف، ومكنتش متوقع إنك تبص على أهل بيتي. أنت مرفوض يا أخويا، يا صاحبي اللي بتبص على أهل بيتي. ومريم جايلها عريس بيحبها وشاريها، وجالي من الأول. مع السلامة. مراد بكسرة وحزن: ليه كده؟ أنا بجد حبيتها. أنا معملتش حاجة غلط. أنا... أنا كنت بعتبرك أخويا والله وحبيتها بالغلط. مكنتش أقصد أبص على أهل بيتك، زي ما أنت برضه حبيت فطيمة وأنت مكنتش بتطيقها.

ثم أكمل بعلو صوته: وجوزتها عشان مصلحتك، مش عشان جاية معاك بالحب. وأكمل بسخرية: فطيمة متستهلكش. فطيمة حبتك، وأنت بتخدعها. أنت جوزتها عشان أنت وعماد صحاب يا وس*، وأنت عاندت عماد وقررت تاخدها منه. هو كان بيحبها بصدق، بس أنت... أنت وريته صور ليها وحشة وهو كرهها. أنت خدتها منه عشان تبان إنك هوبا هي وبتاع. بس أنت أو*خ إنسان شوفتو في حياتي. فطيمة متستهلكش. فطيمة كانت هتموت بسببك. فهد بغضب جحيمي: برا، براااا يا و*خ!

مشفش وشك هنا تاني. ونادى على الأمن: طلعوه برا، وميدخلش هنا تاني مفهوم. وطلع الأوضة وهو داخل شاف مريم بتعيط بحرقة: ليه؟ ليه عملت كده؟ أنت حطمت مستقبلي... طيب وفطيمة ذنبها إيه من لعبتك الحقيرة دي؟ بجد أنت أحقر واحد شفته في حياتي. أنا بكرهك، بكرهك. فهد بحزن: ادخلي جوه يا مريم عشان مجيش أكسرك. دخل الأوضة. فطيمة بدموع: تصدق بأي؟ أنا مغفلة. وكملت بضحكة مليانة دموع وساذجة: أنا صدقتك، أنا أمنتَك على نفسي. أنا...

أنا مستهلكش منك كل ده. أنا كنت ضحية لعبتوا القذرة. أنا عملتلك إيه؟ أنا... أنا والله حبيتك بجد. فهد بدموع: والله في الأول بس... بس أنا حبيتك بجد. فطيمة بقسوة: وأنا بكرهك، بكرهك بجد. طلقني. فهد: أنا مش هطلقك. فطيمة: وأنا هخلعك. مسكها فهد بغضب وقال: على جثتي لو خرجتي من هنا. بصت فطيمة حواليها وجريت على طبق الفاكهه: أنت اللي وصلتني لكده يا فهد. فهد بخوف: لا يا فطيمة، هعملك اللي أنت عيزاه.