رواية عريس لقطة الفصل الثامن والعشرون 28 - بقلم حنين عادل

معقول يكون وقع امبارح عند الدلف؟ فارس: اوعي تنسي اللي بتفكري فيه. احم مش بفكر في حاجة يا فاروستي، بس ما يمنعش أن لازم أجيب الخاتم يعني. فارس: أنا أقسمت بالله أن لو ما سمعتي الكلام ما هتشوفي كويس. يوووه، طب والخاتم؟ فارس: هجيب لك غيره. سامعة؟ أي هبل أو جنان من بتاعك مش عايز. في الكلية. سيف رابط منديل على عينيه وبيلعب مع مجموعة بنات. ورنا واقفة مستغربة تصرفاته. بتمشي فتبتعدي من جنبه فبيمسكها. سيف: أكلك منين يا بطة؟

أكلك منين؟ في فرولتين في شفايفك حلوين حلوين. البنات بتضحك. سيف: العب. بيشيل سيف المنديل وبيبوص بيلاقي ماسك رنا. سيف بيسيبها ببرود وبيكمل لعب مع البنات. رنا: السافل. في الكوافير. كنت حاطة ماسك ومغمضة عنيا، وواحدة شغالة في إيدي وواحدة شغالة في رجلي. ماسكات وعملت وساونات ودخلت وتنظيف بشرة ونضفت ضوافر وبردت ومنكرت. كفاية بقى تعبت. سما السكرتيرة: لسه شعرك يا فندم. لا كفاية بقى حرام كده. سما: تعليمات فارس بيه لازم تتنفذ.

ييييه. في المستشفى. الست دلف على سراير جمب بعض. الأول وشه أزرق ودراعه مكسور. الثاني دماغه مفتوحة ورجله مكسورة. الثالث فقدان ذاكرة مؤقت وكدمات. الرابع مناخيره مكسورة ورجله. الخامس ملامح وشه مش باينة وضهره فيه فقرات مكسورة. السادس بقى اللي إيده ورجليه ووشه متدمر مافيش فيه حتة سليمة. (فاكرين فيلم غبي منه فيه لما دخل في السور نصه كان عامل إزاي؟ أهو كده) الدولاب المتحرش: مش عارف ليه أنت كده متوصي بيك كده ليه؟

التانيين إصابات عادية، إنما أنت مافيش فيك حتة سليمة. أوصفهالي بس مع أني شاكة في واحدة لو طلعت هي هاقرقشها بسناني. الدولاب: يا عم هوا أنت فيك حيل؟ دا أنت على ما ترجع طبيعي محتاج سنة. أنت صاحب؟ اقعد اضحك أوي، أخلص أوصفهالي. الدولاب: سكتهم الأول وداني وجعتني من جعيرهم. اااه اااه بنت بنت تعمل فيكم ده كله؟ أخص على الرجالة. يا سلام، ما ضحكت عليك وكرهبتك يا فالح. الدولاب: بس طالع صاغ سليم مافيش كسر.

اااااااه ااااه منك لله ياللي السبب. اااه. الدولاب: بس بقى دماغي وجعتني منكم. إيه ده؟ أنا ماشي. تحت عمارة الدلف. سما: ممكن أعرف حضرتك جايبانا هنا ليه؟ أنتِ قلتي هتشتري حاجة بس ده مش محل خالص. احم، ما أنا... آه، كنت جايبة حاجة أنا وصاحبتي ونسيتها معاها وأنا جاية آخدها. سما: تمام، أنا هاطلع معاكي. فارس بيه أكد عليا ما أسيبكش لوحدك. فارس بيه أكد عليا نينينيني. سما: بتقولي حاجة؟

لا، يلا بسرعة. أكيد ما هما هنا دلوقتي، هما في المستشفى والدولاب أكيد مع أصحابه مش هيسبهم لوحدهم. أنا آسفة يا فارس بس ما أقدرش أسيب الخاتم ده حاجة كبيرة أوي عندي. طلعت الشقة، أول ما زقيت الباب اتفتح، كان مكسور من امبارح. سما: هي بتسيبه مفتوح كده؟ أيوه، بطلي غلبة بقى. دخلت وأنا ببص على الأرض أدور على الخاتم. سما بتشد فيا. إيه؟ سما: بصي كده. طيب. برفع وشي، هيييه، صلاة النبي أحسن.

الدولاب قاعد حاطط رجل على رجل وماسك الخاتم بابتسامة بلهاء. احم، ممكن الخاتم بتاعي؟ ما فكرتش أن بنت بذكائك ده تغلط الغلط ده، بس أنتِ في الآخر بنت. طيب، ممكن بقى تديني الخاتم؟ سيبي إيدي يا بنتي بقا. سما: أصلي خايفة أوي. وايه بقى اللي يخوفك إن شاء الله؟ اللي هايقرب مننا هايبقى النهاردة آخر يوم ليه في الدنيا. الدولاب: جامدة أوي أنتِ يا... حنون. أه، طبعًا جا... يا إيه؟ الدولاب: إيه يا حنون؟ مش اسمك ده ولا إيه؟

حنين اسم جميل شاعري جدًا. قام من على الكرسي وقرب مننا. الدولاب: عايزة الخاتم. طبعًا. الدولاب: خذيه. مد إيده، جيت آخد الخاتم، مسك إيدي وشدني جواه حضنه. أه يا حوستي السودة يا نا، يا ما، أه يا حوستي السودة يا نا. سما طلعت تجري. أه يا واطية. بيحاول يزنقني في الحيطة وأنا قعدت أحسس على أي حاجة تساعدني، لقيت فازة وهوب على دماغه. ما عملتش حاجة، أنت إيه يا بني؟ طاااخ طاااخ. أه يا سافل يا بايظ يا بايظ، ابعد عني.

أضرب فيه بالأقلام ولا نافع. بيحاول يبوسني، افتكرت كلمة فارس: "هاقطعك". أنا هاتقطع دلوقتي يا فارس، عااااااا. ضربته تحت الحزام، أخيرًا بعد عني ومسك رجليه. جبت فازة ضربته ضربتين على راسه. إيه ده؟ دماغك إيه؟ مصفحة؟ الضربة دوخته بس قعدت أحاول أفتح إيده مش راضي يفتحها. لحسن الحظ كنت لابسة كعب، ضغطت على إيده صوت وفتحها، خدت الخاتم وقولت يا فكيك. نزلت جري على السلم، ما عدتش مستحملة صدمات تاني. لقيت سما واقفة تحت البيت.

أه يا واطية، بتبلعيني وتجري. سما: أنا كنت لازم أجيب مساعدة، ما كناش هانقدر عليه. وفين المساعدة دي؟ سما: فارس بيه في السكة. إيه اللي يخربيتك؟ قلت له؟ منك لله يا شيخة، منك لله. سما: أومال مين اللي هايساعدنا يعني؟ أنا لازم أمشي، ده هينفخني، هينفخني. لسه هاقول يا فكيك وهاجري. فارس: حنين. قلعت الجزمة وجريت، أن وقفت مش هايعديها على خير. أنا أجري وهو بيجري ورايا. إن شاء الله تنشك في معاميعك يا سما يا بنت أم سما.

فارس: اقفي أحسن لك. يا سلام يا خويا، عايزني أقف؟ والله أعلم هاتعمل إيه فيا. فارس: بقولك اقفي، هاجيبك هاجيبك. بخبط في واحد. هوا مش دلفه، بس في أخماس في أسداس في وشه. أنا آسفة. هوا: الله، مستعجلة ليه يا طعمة. ليه؟ حد قالك إني جبنة؟ طاااخ طاااخ. فارس اداله بونيتين في وشه، افقده الوعي. وإن كان على العافية، ما فيا ما فيا، بس مالناش في الأذية زيه، زيه. فارس بيمسكني من قفايا: وليكي عين تهزري؟

أهدي يا فاروستي، أهدي يا حبيبي، ما حصلش حاجة، أنا صاغ سليم أهو. فارس: امشي وأنتي ساكتة. طب أهدي بقى يا سطا، طب تصدق بالله، ها تصدق إن شاء الله؟ أنت حنين وعسل ومش هاهون عليك، صح؟ دخلني العربية بشوحه كده زي شيكارة رز. ليه ما قلتش شيكارة بطاطس؟ لأن أنا هاتنفخ دلوقتي. بتفكروا في إيه بس؟ فيه مغزى بردة. أه يا حوستي السودة يا نا. ساق عربيته لحد ما وقف جمب النيل. يبقى هايرميني في النيل صح؟ أه، ما بعرفش أعوم.

نزل من العربية وشدني من العربية بالراحة. فارس: ودي بقى عقوبة إنك كسرتي كلامي. اتخنقت منك، أنتِ طالق. كده طلقتني بسهولة كده؟ فارس: ومش بس كده. إيه؟ هاترميني في النيل؟ فارس: أيوه. لا حرام عليك يا فارس، مش بعرف أعوم، أنا بغرق في شبر ونص ميه. حرام. اشتالني وطشش. بللللوم بللللوم، أنا بغرق. طااااااااخ. فارس ضربني بالقلم. فارس: بتصوتي وبتعيطي ليه؟ هوا أنا لسه عملتلك حاجة؟ اترميت في حضنه وأنا بعيط، وشهاقاتي بتزيد.

وقف العربية. فارس: خلاص خلاص، أهدي، أنا آسف، أنا آسف، القلم وجعك؟ لأ، هنا. فارس: خلاص خلاص، أهدي، بطلي عياط، أنتِ زعلانة عشان بحبك وبخاف عليكي. لأ، عشان رمتني في المية وطلقتني. فارس: إيه؟ إزاي وامتى ده؟ في خيالك ده. أيوه، ما كانش ينفع تعمل كده في خيالي حتى. فارس: خلاص، آسف، مش هاعمل كده في خيالك، بس ما تعيطيش بقى. بيمسك وشي وبيجيب دمعة على إيده. فارس: كده كده تخلفي وعدي ليكي أن عمر ما هخلي دمعة تنزل من عنيكي. بصيتله.

فارس: العيون دي ملهاش تعيط، العيون دي ليها الفرحة والضحكة بس. فارس: لسه زعلانة مني؟ خلاص مش صاف يا لبن. حليب يا قشطة. فارس: يا جماله ووشه أحمر ومناخيره، كده حاجة تجنن. بس بقى يا واد، بتكسف. ساق العربية وهوا بيضحك. أنا آسفة. مسك إيدي بحنية وابتسم. صدق اللي قال الحنية ما بتنشرىش، الحنية طبع وفطرة. الراجل الحنين حاجة تانية. الراجل اللي مش بيستحمل يشوفك مضايقة وقلقانة، الراجل الحنين رزق. فارس: وصلنا. تصبح على خير.

فارس: تصبحي على جنة، عايزك أحلى عروسة. ابتسمت، فضل واقف لحد ما طلعت، وشوّرتله من البلكونة، بعتلي بوسة على إيده، ابتسمت، روحت بعتاله بوسة. مسكها ومسك قلبه. ابتسم بحب ومشي.