رواية عريس لقطة الفصل السابع والعشرون 27 - بقلم حنين عادل

بابا دلفه سابعة، لا كده كتير بقا. وبعدين ده مش دلفه، ده دولاب كامل. ده غيرهم كلهم. بيحاول يفوق فيهم ومصدوم. اتسحبت بخوف وطلعت، رحت موقعة ألفاظه. الدولاب: استني هنا. وقفت. طب أجري، طب أعمل أي حاجة. قرب مني، وأنا عاطية ليه ضهري. الدولاب: انتي مين ومين اللي عمل فيهم كده؟ فكري يا حنين فكري. لفيت ليه. إيه ده؟ هوا فتح بوقه كده ليه بقا؟ الدولاب: أوبا إيه القمر ده؟ إن شاء الله يخليك. الدولاب: إيه الجمال ده كله؟

إن شاء الله يصلح حالك ويجبر خاطرك. الدولاب: إيه اللي حصل هنا؟ إن شاء الله إيه ده؟ مش بيقدر الجمال. الدولاب: بتقولي إيه؟ إيه اللي حصل؟ أنا هقولك، الأوغاد دول خطفوني وكانوا ناوين يعملوا حاجة وحشة، بس اتشاكلوا مع بعض دشدشوا بعض، الحمد لله ربنا مش رايد ليا الأذية. الدولاب: أخص عليهم. لا أخص أخص أخص. لا ألف ألف أخص. إزاي يعملوا كده؟ ينشكوا في إيديهم. احم، ممكن أمشي بقا؟ الدولاب: طب اسمك إيه يا قمر الأول؟ اسمي... اسمي...

سعاد. الدولاب: أحلى سعاد. هوا فيه إيه؟ اللي بنعمله في الناس هايطلع علينا ولا إيه؟ ده مرض كلابي، ده الغمز ده مرض كلابي، لازم تتعالج. بلف وشي وماشية. مسكني من إيدي. الدولاب: طب مستعجلة ليه؟ ممكن أمشي بقا. الدولاب: ما تقعدي معايا شوية. لا، أنا هامشي. جيت أمشي، شدني في حضنه. والدلف بدأوا يصحوا. آه يا حوستي السودة يا نا، آه يا حوستي السودة يا نا.

فضل يتحرش بيا ويحضني جامد. قعدت أحاول أدور على حاجة في شنطتي تساعدني، لقيت جهاز الكهربا، طلعته وتييييييببز. سبته على الأرض بيترعش. يلا يا زبالة، يا دون إسفاخس عليك. نزلت أجري قبل ما الباقيين يصحوا، مع إن أنا متأكدة لو صحوا هيبقوا مدشدشين، مش هيقدروا يقوموا. روحت بيتنا، كان الوقت اتأخر. ببص على تليفوني، في مكالمات كتير من فارس. طب هاقول له إيه؟ أفرحه بيا ولا هيتعصب عليا؟

بس هاقول له إن الدولاب اتحرش بيا وكان عايز حاجات قلة أدب، ده كده هاينفخني. طب هاتعمل إيه يا شكشك؟ رنيت عليه. فارس: كنتي فين يا هانم؟ كنت كنت... أنا ماكنتش أنا... مين اللي قاله إن كنت؟ فارس: كنتي فين يا حنين؟ كنت... كنت هنا بس التليفون كان... كان صامت. فارس: لآخر مرة يا حنين بقولك كنتي فين، أحسن لك بدل ما أجلك. الساعة اللي جبتهالك اللي مربوطة بساعتي ورتني كنتي فين. إيه ده؟ أنت بتراقبني؟

واللهي أنا عملت كده عشانك، أنا جبتلك حقك منهم، ما قدرتش أستحمل اللي هما عملوه فيك ده، قلبي كان فيه نار يا فارس. فارس: وعملتي إيه إن شاء الله؟ حكيت له كل حاجة، باستثناء الدولاب السابع المتحرش. لا أنا ناصحة أوي، ما يغركوش يعني. فارس: .......... فارس، أنا آسفة إن ما قلتلكش، بس إن قلت لك ماكنتش هترضي إني أروح. تيت تيت تيت.

قفل في وشي. لولا الساعة اللي جبهالي ما كنتش اتكشفت. ببص في إيدي، ما فيش ساعات. استنوا استنوا، ساعة إيه؟ فارس ماجبليش ساعات ولا حاجة. آه يا بن الناصحة. وأنا عاملة نفسي بت بتفهم أوي أوي يعني. بس هوا زعلان مني دلوقتي، أعمل إيه عشان أصالحه بقا؟ كنت هلكانة جداً وتعبانة. ساعة ما اترميت على السرير نمت وماعدتش حاسة بحاجة. .................. في الصباح. في الكلية.

سيف بيقرب من رنا اللي كانت واقفة قريب من الكافتيريا حواليها بنات كتير. سيف بيبص لرنا: طب حبة حبة. رنا: نعم؟ سيف بيغير اتجاهه وبيلف لبنت جميلة، لبس وشياكة. طب حَبه حَبه. قلبي شافها طب طبه. ده اللي كان مقفول بالضبة. وترباس ومفيش دخول. تأثير إلهي. شد عقلي وانتباهي. غيرت أنا اتجاهي. واتجنينت مش معقول. طب هي ده اختراع؟ قلبي راح غير مساره. دي جمالها يجيب صداع. كام برج من عقلي طاروا. أيوه يا أم عيون فظاع.

دبت جوه القلب ناره. كان بيغني وبيرقص البنت في نفس الوقت وهوا مبسوط. رنا بتبصله باستغراب. سيف بيمد إيده للبنت: سيف العدوي. البنت: الأغنية دي ليا؟ سيف: طبعاً دي معمولالك انتي مخصوص عشانك عشان الجمال ده كله. البنت: بس صوتك تحفة. سيف: أنا كلي على بعضي تحفة. رنا: 🙄🙄 سيف بيطلع كارت من جيبه. سيف: ممكن نتعشى النهاردة سوا سوا وسهرنا يا ليل للصبح يا ليل وأمانة ما تمشي يا قمر الليل. آه يا محلي الليل ويا حبيبي.

بيمشي سيف من غير ما يكلم رنا ولا كلمة. ورنا واقفة مستغربة ومتضايقة. ................... في أوضة فارس. بيفتح فارس عينيه بيلاقي حنين جنبه. حنين: صباح الفل والياسمين. كنت عايزة أصحيك على حاجة حلوة ومبهجة، مالقيتش أحلى وأبهج مني. فارس: ............. لا حاكم بقولك إيه، مش بحب النكد خالص مالص يا فاروستي، أنت عارفني. فارس: ............. لا كده مش هقدر، كل ده زعل. فارس بيقرب مني وأنا قاعدة على السرير.

آهدي يا فاروستي، آسفة آسفة. فارس: رحتي من مزاجك من غير ما تقولي، افرضي كانوا عملوا فيكي حاجة. فرضي نفسك، واخدة الدنيا بصدرك أوي. مجوز مين هالك؟ أخص عليك، ما شبهتنيش غير بـ هالك. لا بجد زعلانة منك. فارس: كمان ليكي نفس تهزري؟ فاروستي، إنت وعدتني إنك تستحمل جناني، صح ولا لا؟ فارس: صح. طيب خلاص بقا. فارس: واللهي...... يا فارس، كنت بغلي إزاي يشلفطوك كده يا حبيبي. رحت شلفطهم في كل حتة، خدت ليك حقك يا فاروستي.

فارس: واللهي ومش راجل أنا عشان أجيب حقي؟ ده عند أم لطفي اللي بتنور وبتطفي. فارس: نعم؟ ده عند أم لطفي اللي بتنور وبتطفي إنك مش راجل، ده أنت راجل وسيد الرجالة. فارس: هعمل معاكي إيه؟ إنتي لازم تتعاقبي. احم، أهدي بس. بيقرب مني. آه يا حوستي السودة يا نا. ................. في شقة الدلف. الدلف كلهم بيتوجعوا. الدلفه 1: مين ابن الجزمة اللي عمل فينا كده؟ الدلفه 2: مين عشان هاموته؟ أنا رجلي وأيدي مش حاسس بيهم.

الدلفه 3: مش قادر من الوجع. والباقيين لسه غائبين عن الوعي. الدولاب بدأ يصحي. الدلفه 1: انت جيت إمتى يا بني وإيه اللي حصلك؟ ما كنتش معانا. الدولاب: البنت اللي كنتوا خاطفينها كهربتني. الدلفه 2: بنت مين؟ ما خطفناش حد. الدولاب: هيا كانت موجودة وأنتم ملقين على الأرض، وقالت إنكم كنتم خاطفينها واتشاكلتوا مع بعض عليها. الدلفه 3: نعم؟ هيا قالت كده؟ معقول كل اللي حصل لينا ده من بنت؟ الدولاب: اسمها سعاد وبنت قمرين.

الدلفه 1: مش وقته يا عم، اطلب الإسعاف تيجي تاخدنا، أنا حاسس إن إيدي ورجلي متكسرين. بقولك، أوصفلي البنت دي كده. الدلفه 3: آآآآآه، بعد ما تطلب الإسعاف لينا. ................. في اوضة فارس. في إيه يا فارس؟ أهدي. فضلت أرجع لورا لحد ما وقعت وفارس وقع فوقي. فارس قرب من وشي. فارس، ابنك اللي في بطني، أوعى تضرب. طب يهون عليك عشرة شهرين تلاتة كاملين؟ آه يا حوستي السودة يا نا، يا ما آه يا حوستي السودة يا نا.

فجأة بعد عني ووقف وهوا فطسان ضحك. قمت من على الأرض ببص له مستغربة. يعني كل ده بتلعب بأعصابي وبتمثل؟ ماشي، طلقنيييي. فارس: مش لما أبقى أتجوزك الأول. بقولك طلقنييي. فارس: تمام، بس تعالي اتجوزك الأول. احم، ابعد عني يا قليل الأدب. فارس وهوا بيمشي إيده على شفايفها وبيبوّسها: ابعد. آه، ابعد. وفجأة. التليفون بيرن. نزلت من تحت إيده بحركة دائرية لولبية. واللي ساعدني إنه حاطط إيد واحدة لأن دراعه زي ما عارفين مكسور.

فارس بضحك: إنتي قردة. هي هي هي، دمك مش خفيف على فكرة. بيقرب فارس من تليفونه وبيرد عليه، والواضح من الكلام إنها بنت وتقريباً بيتكلموا في حاجة مش فاهماها. ممكن أعرف مين دي يا أستاذ؟ فارس: بنت قمر. ناعم، بتخوني من قبل ما تتجوزيني؟ آه يا واطي. فارس: إيه مجاري بقا؟ حد عنده نظر يخون القمر ده؟ أيوه كده، اظبط. فارس: دي يا ستي السكرتيرة بتاعتي وبتحجز قاعة الفرح. الفرح اللي حضرتك ناسيه إنه بعد بكرة. إيه؟ لا طبعاً مش ناسيه.

فارس: دلوقتي أنا حجزت الكوافير، السكرتيرة هتيجي توديكي النهاردة وبكرة عشان بنت زيك وفاهمة، ومفيش خروج غير الكوافير. اقسم بالله إن كلامي اتكسر وخرجتي ما هيحصل كويس، سامعة؟ ماله ده قلب كده ليه؟ آه تمام، سامعة، بس هاروح إمتى؟ فارس: كمان ساعة وهتجيلك وهتروحوا بالعربية والسواق، وإن كنتي محتاجة تشتري حاجة هتاخديها معاكي، فاهمة؟ طبعاً يا قلبي. فارس: فين خاتم خطوبتنا؟ إيه ده؟ معقول يكون وقع امبارح عند الدلف؟