رواية عريس لقطة الفصل السابع 7 - بقلم حنين عادل

يوه يا ماما هتفضلي تضحكي عليا كل أما أشوفني؟ ماما: ده حتى مقلب طلع من دماغك، الواد طلع جامد أوي. ماتخافيش، هاجيب حقي إن ما وريتك يا فارس. المهم... ماما: إيه؟ أنا هاموت من الجوع، نشف دمي ابن الصفيق وما رضاش يجيب لي أكل. ماما: طيب هاجيب لك، تحبي حضرتك تأكلي إيه؟ محشي وبط. ماما: حاضر من عنيا. أكيد ماما عارفة إني هفتانة، بقا حبيبتي يا ست الكل، إن شاء الله يخليكي ليا يا رب. ماما جت بعد شوية... إيه ده يا حاجة؟

ماما: إيه فول وطعمية؟ يا ماما حرام عليكي، واللهي ما طبختيش. ماما: لا يا بنت المفجوعة، دي مابقتش عيشة بقا. لتتفاجأ بأبو وردة بيسلم عليا. ماما خرجت وأنا أكلت الكباب والكفتة وقعدت أمخمخ لفارس ولازم الرد يكون كبير. فارس: لا يا جدع بجد عجبتك؟ سيف: بجد جنانها ده وإصرارها يخليك تفكر حتى. فارس: ما قولتلِك قبل كده، شيل أنت. سيف: يا عم الله يعينك أنت. فارس: إيه ده دي بترن عليا. سيف: شوفها عاوزة إيه بسرعة. فارس: ربنا يستر.

بيرد فارس على التليفون... فارس: الوووووووووووزززز عامل إيه الوقتي؟ بص يا فارس، الموضوع زاد عن حده وكبر وبهوق وبقينا بنلق فيه. فارس: يعني عايزة إيه يعني؟ عايزاك تقابلني في شارع.... الساعة 8، عايزة أكلمك وأوعدك هابعد عنك وما عدتش هازعجك. فارس: فيه مقالب؟ لا بجد يا فارس، بس عايزة أتكلم معاك شوية قبل ما أبعد عنك. فارس: تمام، هاجي عالوقت. هستناك. قفلوا السكة. سيف: ها إيه الجديد؟

فارس: عايزة تتكلم معايا قبل ما تسيبني في حالي وتحل عني وتعتقني لوجه الله. سيف: تمام يا باشا ربنا يعينك. مع إن قلبي مش مطمن. فارس: ماتقلقش عليا، أخويا أسد وحش كاسر. سيف: ما ده اللي مخوفني طبعًا، خايف على البت طبعًا. فارس: طبيعي، لازم تخاف على البت. لبست الحتة اللي على الحبل وسبت شعري وجهزت، ورايحة للمكان اللي قلت لفارس عليه. وصلت المكان لقيت فارس واقف على عربيته ببدلته القمر اللي بحبها وبرفانه اللي مالي الشارع.

فارس: أوبا إيه ده فستان وميكب وشغل، دا إنتي طلعتي جامدة بقا. أنا جامدة من زمان بس أنت اللي معندكش نظر. فارس: كنتي عايزة إيه؟ بص يا فارس، أنت عملت فيا كتير النهاردة. فارس: عارف، بس تستهلي. كل ده عشان بحبك يا فارس. فارس: بس كان منظرك يهلك ضحك. كنت لابسة جاكت فوق الفستان. بص يا فارس، أنا هابعد عنك وأعمل اللي أنت عاوزه، بس عايزك تعمل حاجة للمرة الأخيرة. فارس: إيه هيا؟ امسك الجاكت ده.

وديتُه الجاكت اللي كنت لابساه، ونعكشت شعري. فارس: 🥺🥺🥺🥺🥺. امسك إيدي. ومسك إيدي وهوا مش فاهم حاجة. الوقتِ بقا خطتي الجهنمية الشريرة. قربت منه جامد وعليت صوتي. بيتحرش بيا السافل الواطي الدون، الحقوني يا ناس. فارس 😳😳 وعلى وضعه يعين أمه ماسك الجاكت وإيدي. وأنا عيط. سبونا في حالنا بقا، حتى شرفنا مستخسرينه فينا يا ظالمة. شخص 1: سيبها يا قليل الأدب، ما عادش رجالة ولا عشان غني يعني تتحرش ببنات الناس.

شخص 2: إحنا لازم نعلمه الأدب ويبقى عبرة لكل حد يعمل كده. فارس 😳😳😳😳😳😳 وعلى وضعه ماسكني زي ما هو، أصل أنا عندي كاريزما جامدة أوي. الناس اتلمت وفارس كان واقف زي الكتكوت المبلول مش فاهم حاجة. ادوني الجاكت وغطوني بيه. واتلموا على فارس وفين يوجعك يا عين أمه. الشعب كله طلع همه فيه والستات باركت فوقه وتعض. وبعد ما هدوا حيله مسكوه من قفاه. وأنا معاهم، أعااااااااااااااااااااااا اااااااااااااااااااااااااايط. وروحنا عالقسم.

أما فارس كان كده. بمعنى أصح لسه مش مستوعب. دخلنا القسم عملنا بلاغ تحرش. وكان معايا أمه، لا إله إلا الله، شهود. الظابط: اسم وسنك وعنوانك. حنين عادل أبو العز (ده اسمي أنا على فكرة) سني 21 سنة، شارع صلاح الدين الأيوبي. الظابط: إيه اللي وداكي المكان ده؟ هوا قالي تعالي. الظابط: وإيه اللي خلاكي تروحي؟

حضرتك فارس ده أجي قعد وطلبني من بابا والمفروض إننا مخطوبين، كنت بكلمه كأي اتنين مخطوبين، قالي نتقابل عشان عايزك في حاجة ضروري، وعشان نيتي حلوة ومحترمة صدقته. ورحت لقيته بي............ الظابط: خلاص، اهدي، اهدي بس، خودي منديل. شكراً يا فندم. الظابط: أنتم بطايقكم (الشهود) ادوه بطايقهم. شفتوا إيه؟ وكالعادة الشعب المصري لو مش شايف ها يألف. شخص 1: كان بيحاول يبوسها غصب. شخص 2: كان بيحاول يحضنها غصب.

ست واقفة: كان ماسك إيدها غصب. أنا. فارس 😳😳 فارس: ممكن يا باشا. الظابط: أنت تخرس خالص، جتكم القرف، مليتوا البلد. قعدني الظابط وجابلي مايه وعصير، أد إيه كيوت ويقدر الجمال، شكله وقع. مضيت عالـ محضر ومشيت بعد ما فارس اتحبس على ذمة التحقيق. أد إيه أنا طيوبة. اللي عرفته بقا إن في مادة في القانون المتحرش بيتسجن 6 شهور وكفالة.

إن أثبتت عليه، آه يا عيني عليك يا فاروسة، هاتقضي 6 شهور بحالهم في السجن، مش قلتلك أنا حنون، لو ضايقتني أخليك مجنون. فارس: يا فندم والله ما عملت حاجة. الظابط: والشهود والبنت اللي كانت منهارة. فارس: طب ممكن أتصل بالمحامي بتاعي. الظابط: مكالمة واحدة. فارس: حاضر. بيكلم فارس المحامي. وبعد ما جه المحامي. المحامي: أنا آسف يا فارس بيه، بس لازم تتنازل عن المحضر، الشهود وكله اتثبت عليك، هتتحول للنيابة وتاخد 6 شهور سجن. فارس 😳😭

هوا تقريبًا مش عارف بيعيط من إيه، من وجع جسمه والعلقة السخنة اللي خدها، ولا على سمعته اللي إن اتعرف إن رجل الأعمال فارس أبو الوفا متحـرش، شغله هيتأثر جدًا، ولا لو اتسجن 6 شهور ظلم. فارس: اهئ هئ هئ هئ، كان يوم أسود ومنيل يوم ما شفتك. ودخل ليقضي أجمل الليالي في بورتو السجن. وزي ما في فارس القمر، في البطلجية العسل برضه اللي في وشهم علامات رائعة وفيهم موس. وها يتعمل عليك حفلة يا فارس يا بني، ما كانش يومك يا حبيبي.

كفاية كده النهاردة وبكرة نكمل، إيه رأيكم في مقلب النهاردة، حنون هتسيبه يتسجن ولا هتبقى قلبها طيب زي طول عمرها، وربنا يكون في عون فارس من اللي هايشوفه، ما كانش يومك يا فاروسة، ما كانش يومك يا بني.