رواية عريس لقطة الفصل السادس 6 - بقلم حنين عادل

فارس بعصبية: حنين سيف: لا الموضوع شكله كبير، احكيلي يا مان إيه اللي حصل؟ فارس: 😤.. هو أنا زودتها أوي؟ لا مزودتهاش، ما هو وقعني في بلاعة. بس هو وقع يا ربي بقا؟ بس يا ترى كويس ولا إيه؟ أه، هو أكيد عرف ودلوقتي بيستحلفلي 😂. ولسه.. نيهاهاهاهاهاها. دي أنا حنون لو ضايقتني أخليك مجنون. نيهاهاهاه نيهاهاه. الانتصار حلو أوي يا جماعة، بس فاروسي فروستي أحلى 🥰. نام يا عقلي بقا نام. بس هو كويس ولا إيه؟

ده أخد السلم، يعين أمه زحقله 😂😂. بس قام بعدها 😂. بس ده أكيد من الخضة صح؟ نام يا عقلي بقا نام. هو اللي بدأ والبادي أظلم 👹. نيهاهاهاههاهاه😂. سيف: ياه، دي بت جامدة جدا بقا 😂. كل ده عملته؟ فارس: دي طلعت عيني ولازم الرد يكون كبير، لازم آخد حقي منها. ده أنا كنت هموت يا جدع 😢. سيف: عايز إيه يعني؟ هتعمل إيه؟ فارس: عايز أعمل لها مقلب يطلع من دماغها، بس إيه... سيف: بس استنى، هي دخلت البيت إزاي؟

فارس: مش عارف، هسأل البواب. في حد غريب دخل ولا إيه؟ سيف: تمام. بس طالما بتحبك، ما تريح نفسك وريحها بقا واتجوزها 😂😂. فارس: انت عايز تخلص مني؟ لما من دلوقتي بتعمل كده، هاكمل حياتي معاها إزاي؟ ده أنا يجيلي جلطة، سكته قلبية. عايزني أكمل حياتي معاها إزاي؟ صباح الخير والعسل والفل عليا. أنا صحيت من النوم، أخدت شاور وواقفة قدام المراية ودققت في ملامحي.

شفايف قمر💋، ضفاير قمر🤭، عيون قتالين💥، وزي القمر🥴. يا نهار أبيض🌞 علي الحلاوة😍، يا نهار أبيض🥳 علي الشقاوة🥰. يا نهار أبيض😎 علي الحلاوة🌞، يا نهار أبيض🥳 علي الشقاوة🌞. إيه ده ده ده؟ أه يا لهوي ده🤭🤭😎. ماما: 😂.. صباح الخير يا مصر. ماما: صباح الخير يا آخرة صبري. انتي اتجننتي ولا إيه؟ 😂.. أنا: إيه يا ماما، بغني. ما غنتش يعني؟ ماما: بتغني؟ 😂😂😂.. أنا: إيه يا ماما، ما تعطلنيش. ورايا شغل.

ماما: طيب يا ختي، روحي شغلك. إياك بس يجي بفايدة 😂.. أنا: أكيد يا ماما، ده بيحبني وبيموت فيا، بس مش عايز يعترف. بس وأنا بحط التاتش بتاعي عشان يعترف🥴. ماما: أكيد يا حبيبتي، هوا إنتي في حد يشوفك وما يحبكيش. اجهزي يا حبيبتي ❤️.. أنا: دمّتي لي مشجعة 😂😂😂. وقفت أعمل الميكب بتاعي وأغير ملامحي الجميلة التحفة القمر🤭. عارفين لو شاف قد إيه أنا بتعب في الميكب ده، هياخدني بالحضن ويطبطب عليا. أه واللهي 😂😂.

لبست عباية من عبايات أمي الشرحة البرحة، بس طبعاً واحدة تانية غير امبارح. أنا في الستايل ما عندييش يا ما ارحميني. إن لبست الطقم ما أكرروش إلا بعد 3 أيام. أه، أومال أنا استايلش أوي😂 ... لبست تنكري الخطير ومشيت في الشارع. وكالعادة بيعدّوني ويمسكوا إيدي كأني ست كبيرة. وأنا إن شاء الله يصلح حالك ويجبر خاطرك وما يرميك في ضيقة 😂😂.. شخص: ادعيلي يا حاجة، أنا أمي متوفية ومن يومها وماحدش بيدعيلي.. أنا: أنا ريلي ريلي اتأثرت 😂😂.

وصلت قصر فارس ودخلت بما إن خلاص بقوا عارفينّي.. وقعدت اشتغل لحد ما وصلت لأوضة فارس🤭. إيه ده؟ فارس موجود قاعد ماسك كتاب ولابس النضارة وبيقرا 🥰🥰🥰. إيه الجمال دي؟ يخربيت كده 😂😂. فارس: انتي مين يا قمر؟ أنا: أنا الخدامة الجديدة يا بيه. استنوا استنوا، إيه ده؟ فارس قالي يا قمر 🥰🤭. قام من مكانه وقرب مني وأنا متيمة في ملامحه. شكل شعره وهو مبهدل كده عسل أوي🤭........ فارس: واسمك إيه بقا؟ أنا: اسمي حن...... اسمي حياة.

فارس: الله، اسم جميل جداً. أنا: حاسة إن فارس متغير سيكا 😢. قرب مني وقالي.. فارس: إنتي عارفة إنك حلوة أوي. أنا: أنا إن شاء الله يسلّح حالك يا بني ويجبر خاطرك. فارس: لا بجد، إنتي قمر خالص. وقرب مني جامد أوي لحد ما زنقني في الحيطة 😢😢.. أنا: في إيه؟ هوا فارس بيعمل كده ليه؟ 😭😭. يارب يكون اللي في دماغي غلط... فارس: بس إيه ده؟ إيه الحلاوة دي؟ إنتي عارفة إنك أجمل حاجة أبدأ بيها يومي. وقرب كان هيبوسني.

أنا: زقيته وطلعت أجري برة الأوضة 😭. هوا فارس بتاع ستات كبيرة ولا إيه؟ 😭 عشان كده مش بيشغل عنده إلا ستات كبيرة بقا. أه يا بختك الأسود يا حنين... فارس بضحك: ولسه يا حياة 😂😂😂. بقّي أنا أضحك عليا منك انتي؟ أنا: لا ماكنتش أتوقع كده. أه يا خاين 😭. ولسه هانزل من على السلم. أخدته كله زحلقة 😭😭. هوا في إيه؟ ها إيه؟ فارس: 😂😂😂. وبيحاول يكتم ضحكته. أنا: أه يا ضهري، أه يا حوستي السودة يا أنا، يا أما. أه يا حوستي السودة يا نا 😭.

فارس: إيه اللي حصل يا حياتي؟ أنا: حياتي 😭. فارس قرب مني وأنا بقول أه يا ضهري، وقام شالني 😢😢. أنا: انت شيلتني ليه؟ فارس: عشان إنتي مش قادرة تقومي. قلت أساعدك. أنا: لا نزلني، شكراً. أنا هامشي أصلي تعبانة. فارس: واللهي ما يحصل، لازم ترتاحي 😂.. أنا: هوا في إيه حضرتك؟ بخوف. فارس: في كل خير 😘😉😉.. 😳😳. حطني على السرير. فارس: ارتاحي شوية، رجلك وجعاكي 🤔. أنا: شوية 😭. قام جاب مرهم. فارس: أنا هدلكهالك 😂.. 😳😳😳😳😳.

وبيقرب مني ويكشف رجلي و... أنا: لقتني بجري زي الرهوان 😂............. فارس وقعد على السرير: ولسه 😂. إن ما وريتك.......... أنا: طلعت أجري وطلعت برة القصر خالص. اخص عليك يا فارس، دي آخرة حبي ليك. ستات كبيرة يا فارس؟ وأنا بقول برضه إزاي واحد حليوة ومثقف وغني ولسه مش مرتبط؟ أتاريه بتاع ستات كبيرة 😭😭................ فارس وهوا بيتكلم في التليفون: اعمل اللي اتفقنا عليه 👹👹. نيهاهاهاهاهاها 😂😂😂😂...................

ماشية لحد ما طلعت على الطريق وواقفة عشان أركب مواصلات. عربية سودا كبيرة وقفت جنبي وطلع واحد عشان يمسكني 😭. بقيت بجري والعربية بتجري جنبي 😭. غيرت اتجاهي والعربية رجعت بضهرها لحد ما اتكعبلت في طوبة وقعت 😭. نزل اتنين عضلات وشالوني وأنا بصرخ لحد ما حطوا حاجة على وشي غبت عن الوعي ...............

صحيت وأنا مش شايفة حاجة قدامي. في حاجة على عينيا وأيدي مربوطين ورجلي. أنا تقريباً قاعدة على كرسي 😭. أنا بخاف من العتمة أوي 😭. قعدت أصرخ، أصرخ. مين هنا وعايزين مني إيه؟ لو فدية أنا أمي مش هتدفع فيا جنيه، دا ما هتصدق تخلص مني. وأبويا مش معاه أساساً فلوس والله. بس تعرفوا خطيبي فارس بيموت فيا وهيدفع. اخطفوه وهيدفع ليا وليه. ولو هتبيعوني أعضاء أنا ماشية ببركة ربنا. كل حاجة عندي بايظة، يعني هتتعبوا نفسكم عالفاضي 😢.

فارس واقف بيكتم في ضحكه... فارس طخّن صوته: ما بس بقا يا ولية، كلتي دماغي 😂. أنا: إنت مين وعايز مني إيه؟ فارس: أنا اللهو الخفي 😂. أنا: هوا اللي بنعمله في الناس هايطلع علينا ولا إيه؟ فارس: اسكتي بقا يا بت 😂. أنا: طب أنا عملت لك إيه وعايز مني إيه؟ فارس وطخّن صوته ومش قادر يكتم ضحكته: إنتي عارفة إنك تسوي 2000000 دولار. أنا: أنا إن شاء الله يخدك يا شيخ، أسوي 2000000 دولار إزاي يا بن الهبلة؟ فارس: لمي لسانك أحسنلك.

أنا: معلش، آسفة. بس إزاي؟ فارس: لو اتقطعتي واتبعتي أعضاء 😂😂😂. أنا: أه، مش تقول كده يا شيخ. أعض..... إيه؟ فارس: أيوة، أعضاء 😂😂😂😂. أنا: أه يا حوستي السودة يا نا، يا أما. أه يا حوستي السودة يا نا. بنتك هاتتباع قطع غيار 😭😭. فارس 😂😂.. أنا ماشية ببركة ربنا. أنا أعضائي بايظة صدقني، مش هتجيب فلوس. أقولك، أنا محوشة ألفين جنيه في البوسطة، خدهم، مش عايزاهم وسبني أمشي 😭. فارس: ألفين جنيه؟

😂😂😂. بقولك 2000000 مليون دولار تقوليلي 2000 جنيه؟ 😂😂😂... أنا: طب أقولك، يا لهو! فك لي عنيا واحنا نتفاهم وأديلك اللي إنت عاوزه 😢. فارس: لا، دكتور التخدير هيجي بالليل ويخلص. ادعي ربنا يغفر لك ويرحمك بقا. ومشي. سمعت صوت رجليه وهو ماشي وفتح الباب وقفل. أنا: إيه ده يا عمو اللهو؟ إنت رايح فين وسايبني 😭😭؟ يا لهو! أه يا نا، بقا دي تبقي آخرتك يا نونو، تتقطعي وتبقي قطع غيار. إنت فين يا ما 😭؟ أه يا حوستي السودة يا نا، يا ما!

أه يا حوستي السودة يا نا 😭😭. فارس بيراقبها من أوضة تانية شايفها على الشاشة وميت من الضحك😂. أنا: إنت فين يا لهو يا خفي؟ طيب أنا جعانة، هاموت وأنا جعانة. أنا عايزة شاورمااااااااا عاااااااا😭😭. فارس: بتفكري في الأكل وإنتي هتموتي😂😂. سمعت صوت حد داخل. أنا: يا لهو يا خفي! أنا جعانة، أكلني طيب قبل ما تموتوني 😭. فارس وهو بيتخن صوته: لا، إحنا عايزينك كده، مش هنأكلك😂😂😂. أنا: طيب يرضيك أموت وأنا جعانة؟ 😭😭. فارس: أه يرضيني 😂😂.

😳😭. سمعت صوت حد بيقول دكتور التخدير وصل 😳😳. واجوا يفكّوني 😭. فارس: يلا يا حلوة، مشوار صغير للأخرة إن شاء الله 😂😂. أنا: 😳😳. يعني خلاص أنا هاموت؟ يا خسارة زهرة شبابي 😭😭. فكوا عنيا أخيراً وأنا كنت بترعش من الخوف. فارس😱😱😱😱😱. أنا: هوا إنت اللي خاطفني؟ فارس: لا، فارس مش اسمي. أنا اسمي اللهو الخفي، والشركة دي تغطية لتجارة الأعضاء. يعني فكرك كل الفلوس اللي عندي دي من الشركة؟ أكيد ليا نشاط تاني.

أنا: 😳. يعني أنا حبيت تاجر أعضاء 😭😱. فارس بضحكة شريرة: إنتي اللي جبتيه لنفسك يا قطة. نيهاهاهاه. أنا: 😭😳. أنا أكيد بحلم. أنا هاغمض عنيا وأصحى. يلا نامي يا بت، ناااااامي ناااامي😭. فارس: ههههههههه. لا، صاحية. أنا: أكيد بتهزر يا فارس، صح؟ صح؟ قول والنبي😭. فارس: يلا، هاتوها. أجوا اتنين دلف خدوني ودخلوني أوضة زي أوضة العمليات. واجي الدكتور وفارس واقف يتفرج ويضحك 😭.

أنا: خلاص يا فارس، أنا آسفة، مشيني وما عدت هاتشوف وشي.يييييي. والنبي والنبي والنبي 😭. فارس: قلتلك سيبيني في حالي وابعدي عني أحسن لك، وإنتي اللي كنت مصممة. اتحملي النتيجة بقا. شوف شغلك يا دكتور 😂. الدكتور اداني حقنة وأنا بعيط ومنهارة وخايفة. بصيت له آخر مرة هاشوفه، حقيقي. ومن الحب ما قتل. وما حسيتش بالدنيا ......... أنا بفتح عنيا. إيه ده؟ أنا موت ولا عايشة؟ طب دخلت الجنة ولا النار؟

ببص حواليا لقيتني على سريري. معقولة كل ده بحلم 😂؟ قمت أرقص. ماموتش! أيوه أنا ماموتش! مموتش! أيوه أنا ماموتش 😂. ماما: إيه يا هبلة، فوقتي. أنا: فوقت ليه؟ إيه اللي حصل؟ ماما: لا، فارس بيقول لاقاكي واقعة مغمي عليكي قدام بيته، فجابك هنا بعد ما جابلك الدكتور وقال ما بتأكليش كويس وده ضعف. أنا: هوا قالك كده؟ 🤬🤬. ماما: أيوة 🤨. ليه؟ إيه اللي حصل؟ لقيت تليفوني بيرن. رقم غريب🤨. أنا: الو......... صوت: أيوة مين؟

أنا: أنا اللهو الخفي 😂. أي رأيك بقا؟ أنا: أستاذ 🤬. معلش بقا، بس حبيت أعلمك الأدب. بس بجد اتبسطت أوي. 😡. صوت: باي باي يا قطة. أنا: رزعت التليفون في الأرض 😡 بعصبية. ماما: في إيه؟ إيه اللي حصل؟ أنا: حكيت لماما كل اللي حصل. ماما: لا، ده زودها أوي 😂😂😂. أنا: بردة بتضحكي يا ماما؟ 😡. ماشي يا فارس، واللهي إن ما وريتك ده، أنا كنت هموت من الخضة 😭. سيف: 😂 تقلنا العيار أوي، قدرنا يارب على فعل الخير وابعدنا يارب عن أذية الغير 😂.

فارس: تستاهل عشان تعرف بتلعب مع مين 😂. سيف: بس أكيد هاتعمل حاجة ترد بيها. إنتوا هتقضوها مقالب ولا إيه؟ 😂 ما تتجوزها وتريح نفسك وتريحها. فارس: بعينها 😂. سيف: بس دمها خفيف جداً واللهي😂. فارس: خلاص اتجوزها إنت بقي 😂. سيف: لا يا عم، أنا مالي 😂. وبس كده، كفاية بقا النهاردة. رأيكم قبل أي حاجة بقا يا شباب؟ كومنتات مشجعة بقا وهل فعلاً فارس تقل العيار ولا إيه؟ انتظروا البارت الجاي. ولسه اللي جاي تقيل مع كاتبة الجيل😂.