رواية عصافير الغرام الفصل الثاني والعشرون 22 - بقلم تسنيم محمود

أيهم ببساطة: بصي يعني إنك تشيلي قلبك من مكانه ومتحنيش أبدًا للي قصادك وتمسكي رأسه تكسريها وخلاص على كده. عدي بصدمة: إنت بتعلم البت إيه؟ بتعلمها تبقى زيك؟ تمشي تقتل في الناس كده من غير وعي ولا إدراك ولا حساب. أيهم بضحك: وهي تطول تبقى زيي يالا؟ همس مش مستوعبة اللي بيقول. عدي: همس... همس: ___ عدي: الله يخرب بيتك، البنت هتروح من إيدينا. أيهم ضحك: تحب أفوقهالك أنا؟! عدي بغيظ: لا شكرًا لخدمات سعادتك. جاب ميه ورش على وشها بخفة عشان علاها تستيقظ من الغيبوبة. أيهم بسخرية: يا حنين...! همس اتحركت بهدوء دخلت الأوضة ونامت على السرير مش مصدقة من الصدمة: ده إيديه مغسولة بالدم... استغفر الله العظيم رب العرش العظيم... ربنا يهديه ويصلح حاله وحال الأمة أجمعين. مسكت تلفونها شافت رسالة من رقم غريب فتحتها مقدرتش تصدق اللي عينيها شيفاه. دموعها نزلت كالشلالات. ظلت تدقق النظر في الصورة ولكن لا تستطيع التصديق.