رواية عشق احفاد الجوهري الفصل الأول 1 - بقلم اية المهدي

في حي من الأحياء المتوسطة في مدينة العاشر من رمضان تشرق الشمس بأشعتها الذهبية على الجميع ليدلف يوما جديدا ومشرق. تستقيظ سلمى على صوت أختها. سلمى: أعاااااااااا في أي البيت بيولع أعااااا. حور: ههههههههههه هموت والله ههههههههه لاء مش بيولع ده أنا كالعادة بصحيكي يا هانم علشان الجامعة. سلمي: طب وربنا ما أن سايبكي يا كلب البحر انتي أنا هاروح أقول لبابا.

حور: روحي قوليله وأنا هاقوله إنك جيبتي إندومي إنتي وأحمد إمبارح وكلتوا من غيري ولا يكونش أنا مش إختكوا ولاقيني على باب جامع😭. أحمد: لا وإنتي الصادقة لاقينك عند المحطة ههههههه. حور وسلمى: لا تعليق. حور: طب يلا يا أستاذ علشان تروح شغلك هنتاخر. سلمي: شغل إيه يا بنتي هو ده بتاع شغل ده بيروح بس يقعد ويجي يألف علينا هنا ولا يكونش بطل يعني 😂😂. حور: بس يا بت عيب أخوكي الكبير. أحمد: شفتي حبيبت أخوها العاقلة.

حور: ده أكيد الأطفال هي اللي بتعلمه إنت آخرك تتفرج بس يا حبيبي كابتن بالاسم فقط بقولك إيه ما تسيبك من التدريب وتعال أعلمك حاجة أحسن منها حتى تنفعك يا حمودة. سلمي: اتفق شكلك بقى وحش يا نصة. أحمد: أنا ماشي اتاخرت😠. حور وسلمى: مع السلامة والقلب داعيلك. الأب محمد: صباح الخير على بناتي الحلوين. حور: صباح الخير يا بابا. سلمي: صباح الخير يا بوب😂.

الأب: يا بنتي أنا أبوكي مش أخوكي بتجيبي الكلام ده منين قعدتك مع أخوكي كتير هتجنني. سلمي: لا وإنت الصادق يا حاج أنا اللي هاجننه 😂 إنتوا تعرفوا تعيشوا من غيري ده أنا بونبوناية البيت والله إنتوا بس مش بتقدورا 😂😂. حور: طب يلا يا بونبوناية البيت افطري علشان هنتاخر على الجامعة. والد حور: حور يا بنتي عايزاكِ في موضوع. حور: خير يا بابا في إيه.

سلمي: أوبا أنا عرفت الدخلة دي يبقى عريس يا حج صح يلا يا بابا أنا عن نفسي موافقة أهو حتى نفرح ونلبس فستان سورايه ونرقص وكمان ترحمني كل يوم تصحيني بالميه يرضيك يا بابا كده. حور: إنتي مالك إنتي توافقي ولا لاء يا باردة. الأب: بس خلوني أكمل كلامي حور ده ابن صاحبي وهو شغال مهندس ومسافر برة إنتي إيه رأيك يا بنتي الشاب نازل كمان أسبوع. حور: يا بابا والله مش بفكر في الارتباط دلوقتي.

سلمي: لا بابا البت دي كدابة هي بس تلاقيها مستنية بطل من أبطال الروايات زي آدم الكيلاني كده. الأب وحور: 🤨. سلمي بخوف من نظراتهم: أنا بقول إني اتاخرت والجري نص الجدعنة أجرى يا مجدي🏃‍♀️. الأب وحور بضحك على هذة المشاغبة: هههههههههه. الأب: ها يا بنتي فكري طيب تاني. حور: فكرت يا بابا ومش مستعدة. الأب: يا حبيبتي إنتي غيرها ومش كل الناس حياتهم بتبقى واحد. حور: حاضر يا بابا هحاول بس بلاش حكاية العريس ده دلوقتي.

الأب: ماشي يا بنتي أنا يهمني سعادتك إنتي وأخواتك. حور: هروح أشوف المجنونة دي جهزت ولا لسه هنتاخر على الجامعة. الأب: ماشي يا حبيبتي خلي بالكوا من نفسكوا. حور: حاضر يا بابا. 💗💗💗💗💗💗💗. علي الناحية الأخرى 💗. في قصر عائلة الجوهري. كان الجميع على سفرة الإفطار. الجد سليمان: قصي هي مليكة مش اتكلمت فيديو امبارح برضه. قصي: لا والله يا بابا قالتلي مشغولة في المعرض. الجد: معرفش يا ابني حاسس إنه في حاجة وأنها متغيرة.

أمال: أيوة وأنا كمان حاسة إنه فيها حاجة. سراج: يا جماعة متخافوش إنتوا عارفين مليكة لو في حاجة هتقول وكمان معاها أسيل. باسل: كلام سراج صح يا بابا متخافوش مليكة شجاعة ومش يتخاف عليها. الجد: طيب يا ابني ربنا يطمنا هو سليم لسه منزلش ولا إيه. سليم: أنا اهو يا جدي وألقى التحية للجميع. وبعد مرور بعض الدقائق نزل عز الدين وألقى التحية للجميع. الجد بسخرية: ما لسه بدري يا عز.

عز الدين بمشاكسة: والله يا جدي عمال أقولهم لسه بدري الجامعة مش هتطير محدش سامعني. الجد بغضب: امال هي كانت جامعة أبوك وأنا مش عارف. عز الدين بخوف: أبدًا يا جدي ده أنا بهزر. حسام بهمس لعز: متهزرش مع جدك تاني إنت مش شايف شوية وهيقوم يعلقك خلينا نفطر بسرعة ونخلع. وليد: إنتوا بتقولوا إيه علوا صوتكوا. حسام: لا أبدًا يا عمي بقول لعز يخلص علشان نمشي. سليم بجدية: خلصوا فطاركم وأخدكم معايا هوصلكوا للجامعة.

حسام وعز بخوف: ليلتنا فل. سراج: سليم إحنا عندنا انهاردة صفقة مع شركة الدمنهوري والكل لازم يحضر. سليم: الاجتماع الساعة 11. سراج: مظبوط. سليم: طيب هو سيف فين. سراج: أكيد راح الشركة. سليم: طيب يلا بينا يلا يا حسام إنت وعز قدامي. حسام وعز بدون معارضة: حاضر. وقبل أن يتجهوا للخارج تحدثت زهرة شقيقة سليم. زهرة: أبيه سليم لو سمحت ممكن أطلب طلب. سليم بحنية لشقيقته: قولي يا حبيبتي عايزة إيه.

زهرة: هو يعني بصراحة كانوا عاملين رحلة في الجامعة وكنت حابة أروح صحابي كلهم رايحين. سليم بجدية: زهرة إنتي عارفه إنه إحنا لينا أعداء كتير غير كده مينفعش تخرجي لوحدك. زهرة ببكاء: يا أبيه. الجد: زهرة اسمعي كلام أخوكي هنبقى نعوضها ونطلع كلنا مع بعض أنا مش هخاطر بحد فيكم كلهم مستنين كده. زهرة بحزن: حاضر يا جدو. ذهب الجميع لأعمالهم. 🌹🌹🌹🌹🌹🌹🌹🌹🌹🌹🌹🌹🌹 على الناحيه الأخرى في المستشفى.

أسيل: طمني يا دكتور مليكة أخبارها إيه المفروض تكون فقت. الدكتور: مخبيش عليكي يا آنسة أسيل حالة الآنسة مليكة عدت الخطر لكن الغيبوبة طولت مقدرش أحدد هتفوق منها إمتى يمكن أسبوع شهر سنة. أسيل بانهيار: يعني إيه ارجوك يا دكتور اعمل حاجة ده جدو يروح فيها ارجوك يا دكتور. الدكتور: إحنا عملنا اللي علينا يا بنتي الباقي على ربنا عن إذنك. أسيل بدموع: يا ربي اتصرف إزاي أقول لجدو والعيلة إيه.

وبعد مرور من التفكير طلبت أسيل رقم شخص ما. الشخص: الو أسيل أخبارك إيه وأخبار الكل عندك إيه. أسيل بدموع: الحقني يا إسلام أنا واقعة في مشكلة. إسلام بخوف: مالك يا أسيل في إيه. أسيل: تعال مستشفى........... وأنا هفهمك كل حاجة. وبعد مرور الوقت وصل إسلام للمستشفى وقابل أسيل. إسلام: قوليلي بقا مالك.

أسيل: إسلام مليكة حد دخل عليها وهي في المعرض بالليل وخبطها بسكينة واتخبطت في رأسها معرفش دي محاولة سرقة ولا قتل متعمد بس مليكة دلوقتي دخلت في غيبوبة مش عارفة اتصرف إزاي أنا من ساعة ما مليكة دخلت المستشفى بكلم العيلة كل يوم بصوت مليكة بس حاسة ابتدوا يشكوا اعمل إيه قولي. إسلام: أسيل لازم الكل يعرف هيعرفوا في النهاية ويمكن وجودهم جنب مليكة يخليها تتحسن أسرع.

أسيل بخوف: إنت بتقول إيه ده كان جدو يروح فيها إنت متعرفش مليكة بالنسبالهم إيه وخصوصًا جدو لا لا مقدرش أقولهم. إسلام: طب اهدي وتعال نروح أي مكان بعيد عن المستشفى وتشربي حاجة تهدي أعصابك. أسيل بحزن: لا مش عايزة أروح مكان خليني جنب مليكة. إسلام بإصرار: أسيل اسمعي كلام أخوكي يلا. وذهبت أسيل مع إسلام. 🌹🌹🌹🌹🌹🌹🌹🌹🌹🌹🌹🌹 في الجامعة.

حور: أميرة حبيبتي إزيك واحشاني بقالك كام يوم مش بتنزلي الجامعة ولا بتردي على تليفونك أنا زعلانة منك. أميرة: 😭😭😭😭. حور بخضة على صديقتها: أميرة مالك يا حبيبتي. أميرة ببكاء وتهتهة: هما عا ي زين. حور: طب اهدي تعالي نروح أي كافيه نشرب حاجة. بعد مرور الوقت وصل إسلام وأسيل للكافيه. إسلام: أسيل تشربي إيه. أسيل: مش عايزة حاجة. إسلام: هاطلبلك لمون ماشي. عند حور وأميرة وصلوا للكافيه. حور: هاطلبلك لمون وتهدي وتقولي مالك.

بعد مرور بعض الدقائق جاء النادل بطلب حور لطاولتهم. عند إسلام وآسيل. إسلام: كنا بنقول إيه ب......... أسيل باستغراب: سكت ليه مالك. إسلام: لا رد. أسيل: يا ابني مالك تنحت كده ليه إسلام رد. إسلام: 😮😲. أسيل: إنت مركز على إيه كده لما أشوف. لفت أسيل وجهها للجهة الأخرى ليسقط منها كوب الليمون. أسيل بصدمة: مستحيل ده مش حقيقي. : يا ترى أسيل وإسلام اتصدموا ليه؟