رواية عشق احفاد الجوهري الفصل الثاني 2 - بقلم اية المهدي

أسيل وإسلام: مستحيل مين دي إسلام: هو أنا لو مكنتش شوفت مليكة في المستشفى كنت قولت هي دي، كأنها تؤامها. أسيل: لازم أتكلم معاها وأعرف هي مين. إسلام: تعالي هنا يا مجنونة، تكلمي مين انتي؟ اتجننتي؟ هتروحي تقولي لها إيه؟ "سوري أصلك شبه بنت عمي اللي في غيبوبة". أسيل: إسلام، انت بتتريق عليا؟ إسلام: لأ مباتريقش، بس فكري قبل أي خطوة عشان مش ترجعي تندمي. أسيل: طب إحنا لازم نعرف هي مين واسمها إيه وعايشة فين ومع مين.

إسلام: إيه يا بنتي، انتي هتحققي في حياتها؟ إسلام: أسيل، بتفكري في إيه بالظبط؟ أسيل: تعالي نخرج وهاقولك، بس الأول نعرف بيتها. إسلام: يلا، لما نشوف آخرتها. *** عند حور وأميرة: حور: ها مالك بقا؟ وبقالك كام يوم مبتجيش الجامعة؟ احكيلي مالك يا حبيبتي. أميرة: أهلي يا حور عايزين يجوزوني وأنا مش حابة أتجوز دلوقتي. حور: تصدقي بابا كان فاتح معايا الحوار ده الصبح وقولتله لأ. هما الأهل كلهم كده.

أميرة: يا ريت يا حور يفكروا زي باباكي، بس لما قولت لأ زعقوا. وكمان اليومين دول مش خلوني أنزل الجامعة، قالوا يا الجامعة يا الجواز. ولو رفضت مش هاكمل تعليمي. حور: طب اهدي واشربي لمون، وكل حاجة هتتحل. أميرة: حاضر. *** شركات الجوهري: سليم: الاجتماع كان ممتاز النهارده، إن شاء الله ناخد الصفقة دي لأنها مهمة لشركات الجوهري. سراج: طبعاً هنكسبها يا سليم، العقرب عمره ما يخسر أبداً. وكمان كل الشركات تتمنى تتعاقد معانا.

سليم: آه إن شاء الله، أنا واثق إننا هناخدها. سليم بغضب: فين سيف يا سراج؟ مش حضر الاجتماع معانا ليه؟ إحنا بنهزر ولا إيه؟ سراج: اهدا يا سليم، تلاقيه وراه حاجة وزمانه جاي. سليم بغضب شديد: لما يجي خليه يجي مكتبي. سراج: حاضر، أنا هاتصل بيه أشوفه فين. سراج: ربنا يستر، وميتحولش. الله يخربيتك يا سيف، شكلك ناوي تعمل مصيبة النهاردة. *** في قصر عائلة الجوهري: الجد سلمان: مالك يا وليد يا بني؟

وليد بحزن: والله يا بابا، حالة مالك كل يوم بتسوق. مبيتكلمش مع حد وعلى طول جوه أوضته. والست والدته ولا كأنه ابنها عمل حادثة ومبقاش يمشي بسبب أنها مش فاضية، الحفلات والموضة أهم من ابنها. الولد بقى عنيف جداً يا بابا، حتى إخواته مبقاش يتكلم معاهم. أنا خايف يجراله حاجة. الجد بحزن على حفيده: متقلقش يا بني، ربنا قادر على كل شيء، ومالك هيخف ويقوم على رجله تاني. وليد بأمل: يا رب يا بابا، يا رب. رؤي: بتتكلموا في إيه من غيري؟

الجد: تعالي يا شقية، تعالي. رؤي: جدو حبيبي قلبي، تعرف يا جدو لو مكنتش جدو كنت اتجوزتك. ده صحابي في الجامعة بيعاكسوك. وليد بضحك: يخربيتك يا رؤي، عيب يا بنت الكلام ده. إيه اتجوزك ويعاكسوك دي؟ شكل القعدة مع أخوكي وعز جننتك. عز الدين: لا وانت الصادق يا عمي، دي مجنونة لوحدها. إحنا مالنا؟ انتوا كل حاجة تحطوها عليا أنا والغلبان ده؟ ولا عشان مالناش ولا غريب ولا حبيب يدافع عننا. وليد: إيه يا بني، انت مش هتعقل خالص؟

إيه اللي انت بتقوله ده؟ ده شكل واحد في جامعة وهييخرج. حسام: جري إيه يا عمي؟ مالك بعز حبيبي؟ كلكوا على الواد. تعالي يا بني نشوف حد تاني، أصل الناس دول أعداء الكلام والمرح، وإحنا ناس فرفوشة مالناش في النكد. إحنا. الجد: امشي يا حيوان منك ليه من قدامي حالا، عليه العوض ومنه العوض. شهاب: إيه مالك يا بابا بتزعق ليه؟ انت يا أهبل منك ليه؟ قلتوا إيه لجدكوا؟ حسام وعز: إيه في إيه يا جدعان؟

وربنا ما قولنا حاجة، إحنا بنقول أعداء الكلام والفرفشة. كده غلطنا. شهاب: ابدأ، يلا يا حيوان منك ليه بره. حسام وعز بحزن مصطنع: يلا يا بني نمشي بكرامتنا أحسن. شهاب ووليد بغضب: برة يا يلا انت وهو. عز: اجري يا بني، الجري نص الجدعنة. الجد بضحك: مافيش فايدة فيهم. *** أسيل: بصراحة فكرت في حاجة كده، معرفش هي صح ولا لأ، بس ارجوك متقطعش كلامي. أنا بفكر نجيب البنت دي مكان مليكة. إسلام بغضب: لأ، انتي اتجننتي رسمي.

أسيل: اهدا بس واسمعني، صدقني جدي مش هيتحمل الصدمة ولا أي حد من العيلة. انت متعرفش مليكة عندهم إيه. ارجوك افهمني، لازم نعمل كده. إسلام: طب وانتي متأكدة إن البنت هتوافق؟ أسيل: أنا هديها أي مبلغ تطلبه. إسلام: أسيل، مش كل حاجة بالفلوس على فكرة. أسيل: طيب نشوف هي عايزة إيه وبعد كده نتكلم. انت معاك عنوانها صح؟ إسلام: آه معايا العنوان، بس هنروح لها دلوقتي. أسيل: آه يا إسلام، مافيش وقت. يلا بينا. ***

حور: أنا جيت يا بشر يا ناس يا اللي هنا. سلمي: نعمل إيه يعني؟ نطبلك مثلاً؟ حور: بت انتي، انتي بتجري شكل وخلاص؟ افهم بس متغاظة مني ليه؟ مالك بس يا حبيبتي. سلمي بغضب: في إني يا هانم جهزت الأكل وغسلت المواعين وعملت كل حاجة. حور: يا راجل احلفي! وجهزتي الغدا كمان؟ إيه الهنا ده؟ سلمي: شوفتي عملت إنجاز أهو عشان متقوليش إني فاشلة. ويلا يا هانم روحي حطي الأكل وهتغسلي المواعين بعد الأكل. وأياكي تطلبي مني حاجة.

حور بصدمة: انتي يا بت هبلة؟ بلعة راديو؟ لأ ميغرركيش، أنا وربنا أجن منك. فلمي الدور كده وامشي بقا من وشي، عصبتيني. سلمي: حور حبيبتي، خليكي كول يا ماما. ده حال الأخوات الأيام دي. وبعدين بيقولك بالطول، بما إني أطول منك وكده، فأتكلم براحتي. حور: انتي قصدك إن أنا أوزع؟ حور بفخر: لأ يا ماما، أنا طولي ١٥٦، قمر أنا والله. انتوا بس مش مقدرين. سلمي بضحك: المفروض كانوا يسموكي شبرونص. حور بغضب: أنا شبرونص يا عمود النور يا هبلة.

سلمي: اهدا بس يا عمي، بورعي. حور: وكمان بورعي يا قليلة الأدب! لازم أوريكي. سلمي بجري: استني بس، جرس الباب بيضرب. شوفي مين وابقي تعالي كملي. حور: تصدقي أروح أشوف مين الأول وأرجعك يا حبيبتي. حور: حاضر جاية جاية. مين؟ حور بصدمة: انتي.