رواية عشق أحفاد هواره الفصل الأول 1 - بقلم دنيا السيد

في فيلا كبيرة تشبه القصر، تستيقظ نور بعد نوم مضطرب وكوابيس ما زالت تلازمها منذ 4 سنوات. تفتح عينيها وتقف في شرفتها تنظر إلى السماء بعيون باردة وخالية من الحياة، مثل ذلك البيت الغريب الذي تعيش فيه. وتقول: "ليه مشيتوا كلكم وسبتوني لوحدي؟ طب كنتوا خدوني معاكم."

ثم تتنهد بتعب وتأخذ حمامها كحال كل يوم. وتخرج بمنشفة تلفها حول جسدها المتناسق وأخرى على رأسها تجفف شعرها. ثم تذهب إلى غرفة الملابس، غرفة كبيرة تشبه المول ممتلئة بالملابس، ولكن أكثرها سوداء. وترتدي جيب سوداء بعد الركبة بقليل وقميص أسود، وترفع شعرها على هيئة ذيل حصان ولا تضع أي مساحيق تجميل. وترتدي حذاءها الأسود كحال ثيابها. وتأخذ هاتفها وحقيبة يدها والجاكت الأسود الخاص بالجيبة. وتزل إلى أسفل حيث غرفة الطعام، فتجد جدها وأباها وكل ما تبقى لها من عائلتها يجلسون على رأس طاولة الطعام يتناولون فطارهم في صمت. فتقترب منهم.

نور: صباح الجمال على أجمل جدو في الكون. وتضع بوسة على خديه. الجد: يا صباح الورد والعسل على أجمل نور في الدنيا. يلا يا حبيبة جدو افطري قبل ما تمشي. نور: معلش يا جدو مش هقدر. فيه اجتماع مهم النهارده في الشركة غير معادي مع العملاء بتوع شركة Kus وعندي شغل متراكم بسبب سفري لإيطاليا ولازم أمشي. الجد بحزم: نور ارحمي نفسك يا حبيبتي، أنتِ لسه راجعة امبارح من السفر وكان أسبوع شغل برضه مش كده يا نور؟

الحياة مش بشغل يا حبيبة قلبي. وأنا قلت كلمة، تفطري يعني تفطري. نور بابتسامة خفيفة: حاضر يا قلبي، هفطر بس متزعلش. هو أنا عندي كام يوسف يعني؟ ثم جلست تتناول فطارها بسرعة بعض الشيء، ثم قامت مسرعة. نور: يلا بقى يا جميل، أسيبك بقى. ومتنساش تاخد دواك قبل ما تروح النادي. بسلام. قالت آخر كلماتها وانطلقت قبل أن يجيبها الجد بابتسامة: ربنا يسعدك يا بنتي ويريح بالك ويرزقك بأبن الحلال اللي يعوضك عن كل اللي شفتيه.

نور تنزل من سيارتها أمام الشركة وتقف بكل شموخ وثقة. ثم تدخل تحت نظرات الموظفين والعمال، فمنهم من ينظر بفخر لتلك الفتاة التي استطاعت أن تصل لما هي عليه من مكان وجعلت لها سمعتها واسمها في السوق. فتصعد إلى الأسنسير لتصل إلى مكتبها في الطابق الأخير. فتستقبلها سكرتيرتها الخاصة وفاء بابتسامة. وفاء: صباح الخير يا فندم. نور: صباح الخير يا وفاء. ها، جدولي إيه النهارده؟

وفاء: جدول النهاردة مضاعف يا فندم. فيه اجتماع كمان ساعة مع كل الموظفين لمناقشة المستجدات في الأسبوع اللي فات. وبعد كده فيه شوية ملفات محتاجة أمضة حضرتك واجتماع الساعة 11 مع شركة Kus. وفيه معاد من شركة النجار الساعة 12 والشركة الألمانية بعتت لحضرتك الفاكسات ومستنين الرد. والساعة 3 فيه معاد مع الباشمهندس صقر الهواري بخصوص صفقة المنتجات السياحية في شرم. بس كده يا فندم.

نور بجدية: تمام يا وفاء، ابعتيلي القهوة بتاعتي وخلي جاسر يجيلي حالا. وابعتيلي غرام. وفاء: تحت أمرك يا فندم. بس الباشمهندسة غرام لسه مجتش. نور بتأفف من تلك المجنونة: تمام، ابعتيلي جاسر. وفاء: تمام يا فندم. دخلت نور إلى مكتبها الفخم الذي يكسوه اللون الأسود في رصاصي ذات التراث العصري. تجلس على الكرسي بأهمال وتضع الجاكت في المكان المخصص. وتحدث نفسها: نور: من أولها صداع. أنا لسه مبدئتش.

يقطع حديثها طرق على الباب فتأذن له بالدخول. نور: ادخل. جاسر: حمدلله على السلامة يا باشمهندسة. حضرتك طلبتيني. نور: الله يسلمك يا جاسر، اتفضل اقعد. يجلس جاسر أمامها وينتظر أن تتحدث. نور بجدية: إيه أخبار صفقة شركة النجار؟ جاسر: كله تمام يا باشمهندسة. التصاميم خلصت وباقي حضرتك تشوفيها وتعرضيها على العملاء. نور: تمام. الشركة الألمانية بعتت الفاكسات ومنتظرين الرد. خديهم من وفاء وشوف إيه المطلوب وعرفني.

جاسر: تحت أمرك يا فندم. نور: حاجة تانية؟ نور: ابعتيلي التصاميم والاجتماع كمان نص ساعة مع الموظفين. تقدر تتفضل. جاسر: تمام، بعد إذنك. يلتفت جاسر لكي يخرج. تسبقه وفاء بالطرق وتدخل. تقدم القهوة وتضع الملفات أمام نور وتخرج هي وجاسر. تبدأ نور بالاندماج في الملفات التي أمامها وتشرب قهوتها السادة. وأثناء ذلك تقتحم غرام المكتب. فتتحدث نور وهي ما زالت تنظر فيما بين يديها. نور: مش هتتعلمي تخبطي على الباب زي البني آدمين؟

ولا دي حاجة صعبة؟ وتنهي كلامها بالنظر إليها. غرام بابتسامة: أنتِ تعرفي عني كده. وبعدين يا ستي أنا عجباني كده. لو مش عاجبك، ألغي رحلتي. 😂 نور بنفاد صبر: غرام، أنا مش في حالك خالص. إحنا لسه على الصبح وعندي شغل لفوق دماغي. يلا على شغلك وابعتيلي آخر التصاميم اللي طلبتها منك علشان الاجتماع. يلا. غرام بتذمر: حرام كده. أنتِ وحشاني وملحقتش أقعد معاكي امبارح. يدوبك جبتك من المطار وإنتي روحتي نمتي.

نور: نخلص شغلنا وبعدين نقعد مع بعض براحتنا. يلا يا غرام على مكتبك. غرام بتذمر طفولي: آآآه حاضر. وتخرج وهي تتمتم بكلمات غير مفهومة. نور بابتسامة: مجنونة.

في مكان آخر، بإحدى الفلل الفخمة، يستيقظ بطلنا من نومه ويأخذ حمامه. ثم يخرج إلى غرفة ملابسه ويرتدي بدلته السوداء ويرتدي ساعة يده ويرفع شعره بطريقته المعتادة ويرتدي جزمته السوداء. ويضع عطره المميز وينظر لنفسه نظرة رضا. ثم يخرج من غرفته إلى الأسفل فيجد كلاً من حمزة ووليد ومازن وفهد ونيرة وياسمين يجلسون على طاولة الطعام ويتناولون فطارهم. صقر بنبرة صارمة: صباح الخير. الجميع: صباح النور.

ثم يجلس صقر ويبدأ بتناول طعامه في صمت تام. فيكسر هذا الصمت حمزة قائلاً: جدو اتصل وبيقولنا نرجع كلنا النهاردة. صقر: تمام، بعد ما نخلص شغل في الشركة هنسافر. فهد بجمود: أنا عندي شغل مش مسافر. ثم غادر ولم يعطِ أحد فرصة للرد. صقر بتنهيدة: تمام. معادنا مع شركة التهامي الساعة 3. على الساعة 5 هنتحرك من هنا. ثم وقف وغادر هو الآخر. مازن بتأفف: عيلة تشل. عاملين زي الإنسان الآلي. سديتوا نفسي. اوعوا كدا من وشي، أنا ماشي.

حمزة بضحك: معلش يا بيضة متزعليش. اقعد كمل طفح. ياسمين بابتسامة: اقعد يا مازن، كمل فطارك وخليك في حالك. هما كلموك ولا إيه؟ جوه جنبك؟ مازن: هما دول بيتكلموا؟ دول بيخوفوا بس علشان ربنا مديهم شوية عضلات زي البغلين دول. وشاور على حمزة ووليد. بيستقو علينا. اوعى أنا ماشي رايح شغلي بدل بيت الرعب ده. حمزة ووليد بغضب: مين دا اللي بغل يا حُلوف؟ فركد مازن اللي خارج وخلفه وليد وحمزة. نيرة وياسمين بضحك: أحسن، يستاهل.

حمزة: سيبوه، خليه يمشي. لما نرجع البلد هنربيه. وليد بابتسامة شر: ودي مش أي تربية. 😂😂😂 حمزة يضحك بصوته كله: طب يلا علشان صقر ميعلقناش. وليد بخوف مصطنع: يلا يا بني، أنا مش مستغني عن عمري. وخرجت ياسمين ونيرة وذهبوا مع حمزة ووليد إلى الشركة. في الشركة، يدخل صقر بطلة خاطفة للأنفاس وهو يستمع إلى همهمات الموظفين من حوله وهو يقلب نظره بينهم بلا مبالاة. نسمة سكرتيرته الخاصة: صباح الخير يا صقر باشا.

صقر بجمود: صباح النور. ابعتيلي القهوة بتاعتي وجدول النهاردة على مكتبي. وألغي أي مواعيد بعد تلاتة. نسمة بنظرة حالمة: تحت أمرك يا فندم. تأمر بحاجة تانية؟ صقر بحدة: لأ. وركزي في شغلك يا آنسة. ويتركها ويدخل مكتبه صافعاً الباب خلفه. تنتفض نسمة والموظفين من حولها برعب وتتمتم بخوف: أستر يا رب. شكله مش طايق نفسه. أما أروح أعمله القهوة بدل ما يطلع ياكلني.

صقر جالس على كرسيه وظهره للمكتب وينظر من زجاج الشركة إلىلاشيء. وفجأة يدخل عليه شخص. الشخص: عم الناس. منور الدنياااا.