رواية عشق الأدهم الفصل العشرون 20 - بقلم فرح القصاص

ادهم بعصبيه: انت ايه اللي جابك هنا. عمرو بندم: أنا عارف إن عمرك ما هتسامحني، وده حقك بعد كل اللي عملته فيك وفي قمر، بس صدقني أنا ندمان على كل حاجة. وبيركز على رقبته وبيوطي رأسه: أنا آسف يا أدهم، أنا آسف جدًا، أنا جيت أعتذر منك قبل ما أروح أسلم نفسي. ادهم بيتصنع البرود: تمام، اعتذرت صح؟ يبقى يالا روح سلم نفسك. قمر: أدهم، أنت بتعمل إيه ده؟ مهما كان أخوك برضه. ادهم: لو سمحت يا قمر، متتدخليش، أنا عارف بعمل إيه.

عمرو: أدهم معاه حق، أنا أذيتكم كتير، لي حق ميثقش فيا تاني. ادهم: استنى. قمر: فرحت. ادهم: مش أنت لوحدك اللي عملت كل ده، أكيد حد تاني كان بيساعدك، لو حابب فعلاً أسامحك، قولي هو مين. عمرو بدون تردد: مازن صاحبك. ادهم: مازن. وضحك ضحكة بسيطة مش متفاجئ: أذن كان أخويا بيتأمر عليا، عادي أتوقعها من أي حد تاني. ودخل وسابهم. قمر: صدقني يا أدهم، شوية وهيروق. ادهم: قمرررررر. عمرو: روحي يا قمر. *** مرام: نور، أنتِ بتعيطي؟

نور حضنتها. مرام: مالك يا نور؟ نور بعياط: أنا عملت حاجات وحشة أوي في حياتي وكنت بأذي الكل، أنا بجد كنت وحشة لدرجة دي. مرام: فيكِ إيه؟ نور: قمر سامحتني، وأدهم سامحني عشان قمر، مع إن كنت بحاول أأذيهم بكل الطرق، أنا لو كنت مكانهم مكنتش سمحت نفسي أبداً، بجد أنا مشفتش حد طيب بالطريقة دي زي قمر. مرام: فعلاً قمر طلعت طيبة أوي، ومش بتشيل من حد ولا بتحاول تأذي حد، بالعكس بتحب الكل وبتسامح حتي اللي حاولوا يقت*لوها.

نور: بس ربنا أخد حقها وعاقبني. مرام: عاقبك إزاي؟ نور: أنا كنت تعبانة بقالي فترة ومقولتش لحد، وروحت عملت تحاليل وطلعت النهارده. مرام: فيها إيه التحاليل؟ نور: أنا عندي سرطان. مرام بصدمة: أنتِ بتكلمي بجد؟ نور بتمسح دمعها: أيوا. مرام حضنتها جامد وفضلت تعيط. *** قمر: إيه اللي أنت عامله ده؟ أخوك مهما كان. ادهم: كان لازم أعقبه، مينفعش أسمحه كدا. قمر: بس مش بطريقة دي، يعني يروح يسلم نفسه. ادهم بيحاوطها من ضهرها

وبيرجع شعرها على جنب: ممكن كفاية كلام في المواضيع دي ونركز شوية لينا. قمر بتنظر له من المراية وبتسم: امممم، ممكن. ادهم بيوزع قبلات على رقبتها. قمر بتغمض عينيها لدقائق. قمر: عارف. ادهم وهو مازال بيقب*لها: اممم. قمر: لحظت إن أذان بيحب نور. ادهم: بجد؟ قمر: أيوا، الاتنين كانوا بيبصوا على بعض زي اتنين بيحبوا بعض. ادهم: مش قولنا منتكلمش؟ مش هنتكلم في المواضيع دي ونركز لينا شوية. قمر بضحك: أيوا.

ادهم: أنتِ كل ما بتضحكي بحس الدنيا كلها بتضحكلي. قمر بتحاوط إيدها حوالين رقبته: امم، ومن إمتى بقيت رومانسي كدا؟ ادهم: من ساعة ما شوفتك. قمر: اه يكداب. ادهم: أنا كداب؟ قمر بتمسك المخدة بتضر*بها بيها بهزار وبتجري: أيوا. وفضلوا يهزروا مع بعض ويقطعهم رنة تلفون. ادهم: الو. ظابط: أستاذ أدهم معايا. ادهم: أيوا، مين؟ ظابط: أنا الظابط اللي ماسك القضية بتاعتك. ادهم: أيوا، في حاجة حصلت؟

ظابط: أنا مسكت الخاطف، اسمه أيمن، واعترف إنه هو خطف المدام بس بأوامر من واحد اسمه مازن. ادهم: وعرفتو تمسكوه؟ ظابط: للأسف، احنا ملحقناش الطيارة، ركب فيها. ادهم: يعني هرب؟ ظابط: أيوا، بس الطيارة انفجرت وكل اللي في الطيارة اتوفى. ادهم: هو ما*ت كدا؟ الظابط: أيوا. ادهم: ربنا يرحمه ويسمحه، وشكراً لتعبك معايا. الظابط: ده واجبي. قمر: في إيه؟ مين اللي ما*ت؟ ادهم: ............ قمر: ما*ت مو*تة وحشة أوي، ربنا يرحمه.

ادهم: ربنا يرحمه. *** بعد مرور 8 شهور *** قمر بصو*يت: اااااعععععاااااا مش قادر يا أدهم. ادهم: يا قمر خلاص وصلنا أهو. عمرو: أنا هروح أنا للدكتور. ادهم: دكتورههه. نرمين: هو ده وقته يا أدهم. الدكتورة: لو سمحتوا، كله يطلع بره. قمر: أنا خايفة أوي. ادهم: متخافيش، أنا جنبك. الدكتورة: لو سمحت يا أستاذ أدهم. هدي: يا ابني، رايح جاي ترتني أكتر. ادهم: هما طولوا أوي كدا ليه؟ أذان: مش بتولد، أكيد لازم يتأخروا.

أسر: أنا هروح أشوف الممرضة أقولهم اتأخروا كدا ليه. أذان بصوت منخفض وبغمزة: يعم يا أسر، مش وقته خالص، لما نطمن على قمر، ابقى روح شوف حبيبة القلب. أسر: ششش، بس يا عم. ادهم: لا لا، أكيد في حاجة عشان اتأخـ... وقطعهم صوت طفل. خرجت الدكتورة. الدكتورة: ألف مبروك، جالكم بنوته. ادهم كان هيطير من الفرحة. ادهم: طب وقمر عاملة إيه؟ الدكتورة: المدام كويسة، هننقلها على غرفة تانية. الممرضة (مي) : مين أستاذ أدهم؟ ادهم: أيوا، أنا.

الممرضة: المدام عايزاك. ادهم دخل على طول. أذان خبطه أسر في كتفه. أسر: في إيه؟ أذان: روح اتلحلح كدا يا ابني. أسر: احم، بعد إذنك، ممكن ثانية من وقتك. مي: اتفضل. أسر: أنتِ فكراني أنا اللي... مي بإبتسامة: حضرتك اللي أنقذتني من الشباب اللي كانت بتجري ورايا. أسر: أيوا. مي: معرفتش أشكرك المرة اللي فاتت، بس ينفع دلوقتي؟ شكراً جداً. أسر: لحظة بس، أنا مجتش عشان تشكريني. مي: أومال؟

أسر: أنا كنت باجي كل يوم المستشفى عشان أشوفك، وأنا بصراحة معجب بيكي، أو بمعنى أصح حبيتك. مي بخجل: احمم، إيه اللي أنت بتقوله ده يا أستاذ؟ أسر: أنا حبيتك بجد. مي خجلت واتكسفت معرفتش ترد. أسر: أنا عايز رقم باباكي. مي: ليه؟ أسر: هتعرفي. مي: أيوا، ليه برضو؟ أسر: بعد إذنك. أخد التليفون وسجل الرقم. مي أخدت التليفون ومشيت على طول. أذان: عملت إيه؟ أسر: سبتني ومشيت. أذان: يبقى وقعت. ادهم بيقبل رأسها: حمد الله على السلامة.

قمر بإبتسامة: الله يسلمك. ادهم: بصي، شبهك أوي. قمر بضحك: لا، أحلى. ادهم بحب: هو في أحلى منك؟ قمر: امم، هنسميها إيه؟ ادهم: هازال. *** بعد مرور شهر *** قمر: ها؟ افتح عيني. ادهم: لا، لسه. قمر: يووه، يله يا أدهم. ادهم: الصبر، الصبر. قمر: ها، افتح كدا. ادهم: أيوا. بتفتح وبتتفاجأ. ادهم: إيه رأيك؟ قمر بفرحة: كل ده عشاني أنا؟ ادهم: أنا عندي أغلى منك. قمر بتعيط وبتحضنه جامد. ادهم بيبادلها الحضن. ادهم: مقولتيش إيه رأيك؟

قمر بضحك وبتمسح دمعها: حلو أوي أوي أوي، بجد. ادهم بيركز على رقبتها وبيمسك إيدها. ادهم بحب: يمكن هتستغربي من كلامي، بس أنا بحبك من وإنتي لسه طفلة بتظفيرتين. أنا كنت بحلم اليوم اللي كنت هقولك فيه إني بحبك، بس عرفت إنك كنتي معجبة بشخص، ومن هنا قلبي اتحطم، مش اتكسر. ولمة من هنا خبيت مشاعري، بس دلوقتي أقدر أقولك ومخبيش تاني، أنا بحبك يا قمر. وبيُشيلها وبيلف بيها وبصوت عالي: بحبكككككككككككككككك.

قمر بضحك: أدهم خلاص، نزلني، دوخت. ادهم نزلها. قمر: أنا كمان. ادهم: أنتِ كمان إيه؟ قمر: بحبك يا بارد 😂❤️.