رواية عشق الأدهم الفصل الخامس 5 - بقلم فرح القصاص

قمر صحيت على حد بيرجع شعرها لوره وبيلمس وجهها بهدوء وبيقرّب منها. قمر بخضه ضربته بالبوكس وجريت فتحت النور. قمر: انت! أدهم بوجع: اااااه.. انتي غبيه. قمر بضحك: اللله ده انت اللي خوفتني. أدهم: أنا الغلطان كنت بصحيكي تاكلي عشان مأكلتيش حاجة من الصبح. قمر: طب حد بيصحي حد كدا؟ وبعدين انت قولتلي إنك هتتأخر، ففكرت حد تاني. أدهم بيقرّب منها وقمر كانت بترجع لوره لحد ما خبطت في الحيطة.

أدهم بيسند إيد على الحيطة وإيده التانية بيلمس وجه قمر. أدهم: امم يعني أنا اللي طلعت غلطان في الآخر. قمر بتوتر: ا اايوا. قمر بتبعد: الأكل زمانه برد وأنا هموت من الجوع. أدهم بينظر ليها وهي بتاكل زي الأطفال. قمر: مش هتاكل؟ ولا أقولك جبلك أنت أكل لوحدك عشان الأكل ده يدوب يكفيني. أدهم: كل ده ويدوب يكفيكي؟ قمر: بتحسدني يعني؟ أدهم: لا طبعاً أنا أقدر. *** مرام: يعني اتجوز وعاش حياته وباعكنور؟

نور بثقه: لأ مبعنيش ده، هو لسه هيموت عليا بس أنا قولت أطنشه شوية. مرام: وأثقة أوي كدا ليه؟ متنسيش إن قمر صاحبته وحب طفولته. نور بعصبيه: بس هو نسيها خلاص من زمان وبيحبني أنا. مرام: وليه ميكونش كان بيضحك عليكي وكان بيحاول ينساها بيكي؟ نور بغضب: اطلعي بره يا مرام، سبيني لوحدي. مرام بصتلها بشفقة ومشيت. نور: معقول مرام تكون صح؟ يعني كان واخدني تسلية.

نور بشر: لو طلع كلام مرام حقيقي والله لهخليه يندم على اليوم اللي قابلني فيه. *** أدهم: أحلى كوباية آيس كوفي لأحلى قمر. قمر باستغراب: شكراً. أدهم: مالك بتبصلي كدا ليه؟ قمر: مستغرباك، حاسة إن أدهم بتاع زمان هو اللي قاعد معايا دلوقتي. أدهم: يعني بتحبي أنهي واحد؟ قمر: أكيد بتاع زمان. وقاطعها رن تليفونها. أدهم بيشوف مين. قمر: مين؟ أدهم وشه بيتغير: أسر. قمر: بجد؟ طب هاته. أدهم بعصبيه: فيه واحد محترم بيرن في الوقت ده؟

قمر: مش يمكن يكون في حاجة؟ أصلًا مش هيرن دلوقتي غير لما يبقى في حاجة. أدهم بيرمي الكوبايات بعصبية. قمر اتخضت ورجعت لوره. أدهم بعصبية شديدة: مبررات، مبررات، كل شوية تطلعي مبرر. قمر بزعيق: أنا مش فاهمة فيها إيه، لما يتصل دلوقتي أو في أي وقت. أدهم: فيها إنك متجوزة. قمر بصوت عالي: نفس الكلمة كل شوية، أنا زهقت. لولا بابا أنا ما كنت اتجوزت واحد زيك. أدهم بيضربها بالقلم بقوة لدرجة قمر وقعت على الأرض ونزفت.