رواية عشق الأدهم الفصل الرابع 4 - بقلم فرح القصاص

أدهم بيصلها وملامح وشه اتغيرت تماما. أسر كان بيسلم على قمر. أدهم كان بينظر لقمر بنظرة حادة وبيضغط على إيده بعصبية. أسر: طب ينفع عشان مسافر متعزمينيش؟ والله خنتوا صداقتنا يا شباب. قمر: والله يبني جت مرة واحدة وسألت عليك قالولنا إنك مسافر ومش راجع دلوقتي. أسر: كنت عاملها مفاجأة بس أنا اتفاجأت. قمر بضحك: أي خدمة. قمر وأسر كانوا بيتكلموا وبيهزروا وأدهم كان بينظر ليهم بنظرات غضب. نرمين لاحظت أدهم وفهمت إنه غيران على قمر.

نرمين ندهت على أسر. نرمين: يله يا جماعة نسيب العرايس مع بعض بقى مينفعش. هدي: أيوا معاكي حق نبقى نجلهم تاني إن شاء الله. قمر: إيه يماما انتوا لحقتوا تقعدوا؟ إبراهيم: هنجيلكم تاني يا حبيبتي. قمر: طب سيبوا أسر شوية هو لسه جاي ملحقش يقعد معانا. أدهم بتسرع بيحاوط إيده حوالين وسط قمر وبيضغط بقوة وبينظرلها بغضب. قمر خافت من نظراته. أدهم بابتسامة مزيفة: زمان أسر تعبان من السفر وعايز يرتاح مش كده يا قمر؟

قمر بوجع بتهز رأسها بمعنى أيوا. أسر بإحراج: أيوا صح يا قمر وقت تاني بقى نقعد مع بعض. وسلموا عليهم ومشوا. أدهم بعصبية: انتي إزاي يا هانم تسلمي عليه وتهزري معاه كمان؟ إيه نسيتي إنك متجوزة دلوقتي؟ قمر مردتش عليه وسابته وراحت تمشي. أدهم شدها بقوة ليّه وبيتكلم بعصبية شديدة. أدهم: أناااا مش كلللل مررره اكلمكككك مترديشششش وتسبينييييي و تمشيييي. قمر زقته: هو كل شوية زعيق وعصبية؟ أنا زهقت.

أدهم: ممكن كل ثانية كمان لو أسلوبك ده متغيرش إنتي دلوقتي متجوزة يعني معاملتك ف بيت أهلك حاجة وهنا حاجة تانية. قمر: ده أسلوبي ومش هغيره ده إذا كان عجبك. أدهم بيزنقها في الحيطة وقرب منها. أدهم: اتقي شري يا قمر أنا لحد دلوقتي ماسك نفسي. بيقطعهم رنة تليفونه. أدهم بيسيبها وبيروح يرد على التليفون. قمر حطت إيدها على قلبها اللي كان هيخرج من كتر الخوف. أدهم طول في مكلمته. قمر باستغراب: هو بيكلم مين كل ده؟

أدهم: أنا خارج عايزة حاجة؟ قمر: لا. أدهم: متأكدة؟ قمر: قولت لا. أدهم: يعني مش جعانة؟ قمر: يووووهه قولت لا لا مش عايزة حاجة. أدهم: تمام براحتك بس أنا هتأخر. قمر: بره؟ قمر: ياريت متجيش أحسن. أدهم: بتقولي حاجة؟ قمر: مبقولش. أدهم: اقفلي الباب قبل ما تنامي. قمر: ماشي. اللي يشوفه من شوية ميشوفهوش دلوقتي. قمر: أنا هفضل لابسة لبس البيت ده. طب أنا جعانة أوي. يارتني ركنت غروري شوية وقولتله يجيب أكل معاه. هعمل إيه دلوقتي.

قعدت وكانت بتتفرج على التليفزيون وغرقت في نوم. قمر صحيت على حد بيرجع شعرها لورا وبيلمس وجهها بهدوء وبيقرُب منها.