رواية عشق الأدهم الفصل السابع 7 - بقلم فرح القصاص

ادهم بينظر خلفه بيشوف مين بيلاقي قمر. ادهم: كنتي فين؟ قمر: ........ ادهم مسك ايدها وبيتكلم بعصبيه: دي عاشر مره أقولك لما أكلمك تردي. قمر ببرود: أفندم. نعم. عايزه إيه؟ ادهم: كنتي فين؟ قمر: ملكش دعوه. ادهم بغضب: لو متكلمتيش عدل قسم بالله.. قمر بتقاطعه. قمر بتحدي: متحلفش. مش هتقدر تعمل حاجة. ادهم: بلاش تستفزيني يا قمر وقوليلي كنتي فين. أنا مش خروف قاعد معاكي. قمر: كنت مع أسر.

ادهم وبيجز على سنانه: آه. وطب والهنا كانت بتعمل إيه مع الـ بـ ـيـ ـا أسر؟ قمر: في الصيدلية. كنت بجيب حاجة توقف النز*يف. ادهم بيهدى: طب ومستنتنيش ليه؟ قمر: أنا تعبانة وعايزة أنام. ممكن كفاية شغل المحققات ده. ادهم بيلاحظ لبسها. كانت لابسة فستان قصير شوية وفرده شعرها. ادهم بغيره وعصبيه: انتي إزاي نازلة كدا؟ قمر: عادي. أنا بلبس كدا على طول. فيها إيه؟ ادهم: الدلع اللي أهلك مدلعلَك ده مش عندي أنا.

قمر: انت كمان هتتحكم في لبسي؟ وبعدين انت واخدني كدا. ادهم: كنتي في بيت أهلك. أما دلوقتي انتي مراتي وفي بيتي. قمر بتاخد نفس عميق: أوووف. عايز إيه دلوقتي؟ مش فاهمة. ادهم: لبسك يتعدل. وأسر تتكلمي معاه بحدود. ولمّا تيجي تخرجي تقوليلي الأول. وكلامي يتسمع. قمر: طب ومش عايزني برموت تحكم كمان؟ ادهم بيضحك جامد: ياريت والله. قمر بتوه في ضحكته وغمزته. ادهم: خشي غيري وتعالي عشان ناكل. قمر: ماشي. *** نور: متأكدة إن ده المكان؟

مرام: أيوا هو. أنا فضلت مراقبة من الشغل لحد ما مشي روح. نور: كمان غير مكانه. وبتكمل بتضحك على أساس إني مش هعرف أوصله. مرام: طب وانتي هتعملي إيه أما تروحي؟ نور بشر: هتشوفي بعينك هعمل إيه. مرام: شكلك مش مريحني. *** قمر بتكلم نفسها: نفسي أعرف هو بيتحول فجأة ويهدى فجأة بيعملها إزاي دي. والله هيجنني. أقسم بالله المفروض أنا دلوقتي مش بكلمه. طب إزاي كلمته؟ وكمان هطلع آكل معاه ولا إني حاجة حصلت. ولا ضربني ولا أي حاجة.

ادهم بييجي من وراها. ادهم: انتي ملبوسة؟ بتكلمي نفسك؟ قمر بتقلب وشها. ادهم: آه. انتي كدا مخصماني ومش بتكلميني يعني؟ قمر بتهز رأسه بمعني: آه. ادهم: خلاص خليكي. أنا هطلع آكل لوحدي. أنا ميت من الجوع أصلا. قمر بتبصله: انت هتاكله كله؟ ادهم بخبث: احتمال. أصل أنا جي واقع خالص. ميت من الجوع. قمر بتقوم. ادهم: راحة فين؟ قمر: هاكل. أحسن تخلصه كله. منتا بتمسكني من نقطة ضعفي. بيقاطعهم رن جرس الباب. قمر بتروح تفتح.

قمر بستغراب: أيوا. عايزة حاجة؟ نور بدلع: هو أدهوم هنا؟ قمر: أدهوم؟ نور: أيوا. موجود. قمر بقرف: آه. عايزة ليه؟ ادهم: مين يا قمـ.. نور بدلع وبتجري تحضنه: أدهومي وحشتني. قمر اتصدمت وبصتله بغيظ.