رواية عشق الادهم الفصل الحادي عشر 11 - بقلم ميساء عنتر

أدهم دخل البيت لقي صوت أغاني عالي وعشق واقفة ترقص وتتنطط على الكنبة والأرض. بص لقي المكان فوضى من اللي عاملاه. بصلها وكمل بغضب: "عششششق انتي بتعملي إيه؟ عشق بضحك: "تعالي تعالي" وشدته وقعدت ترقص حواليه وهو ضحك على هبلها. أدهم: "عشق حبيبتي انتي سخنة ولا فيكي إيه؟ اهدي كدا واركزي." عشق بضحك: "ارقص معايا ي حبيبي يلا." وشدته وفضلت ترقص معاه وهو رقص معاها بحب وضحك لطفلته الوحيدة برغم كل حاجة عملتها.

خلصوا رقص وعشق جابت كوتشينة ولعبوا وكله لب ومسليات كتيرة. وأخيرًا ناموا في حضن بعض. مصطفى: "ريماس أنا ماشي بقي. جدي طلبني في الصعيد." ريماس: "مصطفى إحنا هنعلن جوازنا امتى ي حبيبي؟ مصطفى: "والله ي حبيبي معتز بيتجوز بعدين هبقى أقول لجدي. يلا بقي سلام." وباسها بخفة ومشي. ريماس: "ربنا يستر ي مصطفى. أنا بوثق فيك والله بس بحس إنك لعبي ساعات." مهاب: "هند هننننننند انتي فين؟ انتي ي بت انتي فينن؟

هند: "ي نعم عاوز مني إيه ي مهاب بيه." مهاب: "والنبي بلاش ال انتي بتعمليه دا. إيه حال لو كنتي عدلة شوية." هند بعصبية: "احترم نفسك ي مهاب. انت لو عاجبك الوضع أوي كدا طلقني أو مكنتش تتجوزني من الأول. بلاش إهانة بقي حرام عليك. مش يمكن اللي بتعمله فيا دا يترد في اختك." مهاب بزعيق: "صوتك ميعلاش عليا يروووحمك سااامعة. وسيرة اختي متجيش على لسانك يبت انتي فاهمة ولا لأ."

هند بصتله وانفجرت في العياط ودخلت أوضتها وقفل الباب على نفسها. مهاب بتنهيدة: "مكنش ينفع أقولها كدا. خلاص هي غلطت واللي حصل حصل." في الصعيد. الجد: "الفرح الخميس إن شاء الله ي ولدي." أشرف: "بسرعة أكده ي بوي." معتز: "أنا موافق ي جدي ال تشوفه. إن شاء الله يوم الخميس الدخلة." الجد: "إن شاء الله ي حبيبي. ألف مبروك ي ولدي." أشرف: "مين جاي الفرح ي بوي؟ قصد يعني."

الجد بمقاطعة: "عشق وأدهم جايين ومهاب وهند كمان ومصطفى كلمتهم كلهم." معتز بتنهيدة: "ماشي ي جدي. عن إذنك بقي أنا طالع شوية." أشرف/الجد: "مع السلامة ي ولدي." يوم الفرح كلهم وصلوا البلد.