رواية عشق الادهم الفصل الثاني عشر 12 - بقلم ميساء عنتر

يوم الفرح، كلهم وصلوا البلد. وبعد السلامات، كل واحد أخد مراته وطلعوا أوضة يرتاحوا لحد بالليل. في أوضة أدهم وعشق: "ااه تعبت أوي يا أدهم، اليوم كان متعب بطريقة فظيعة." "معلش يا عشقي، قومي غيري وتعالي ننام شوية على نقدر بالليل." وغمزلها. عشق بصتله باستغراب: "هه، انت بتقول إيه وبتغمز ليه؟ مش فاهمة يا أدهم." "مش مهم يا قلب أدهم، يلا قومي بسرعة بقى على ما أغير."

عشق قامت أخدت هدوم ودخلت الحمام. خدت دش ولبست وطلعت. لقت أدهم راقد، راحت قربت منه ودخلت في حضنه ونامت. وهو شدد على حضنها ونام. *** في أوضة مهاب وهند: هند دخلت خدت دش واتوضت وطلعت. صلت وغيرت هدومها لبجامة رقيقة وراحت على السرير بهدوء ونامت من غير أي كلام. مهاب بضيق: "والله إيه ده بقى؟ إن شاء الله، متهيقلي إننا متجوزين ولا إيه؟ "لو سمحت اطفي النور عشان عيني وجعتني." مهاب قرب منها ونام جنبها:

"حقك عليا، أنا آسف. مكنش ينفع أقول الكلام ده." "مهاب من فضلك." مهاب قاطعها وهو بيبوس شفايفها برقة، وهي بادلته. بعد عنها وسند رأسه على رأسها: "حقك عليا يا قلب مهاب، أنا آسف. أنا عارف إنك غلطتي بس مش لازم أفكرك كل شوية." "مش هتقولي كده تاني؟ "لأ لأ. يارب أموت لو زعلتك مني تاني." "بعد الشر عليك، متقولش كده تاني." "صافي لبن." "حليب يا قشطة." مهاب خدها في حضنه وناموا. ***

مصطفى قاعد في أوضته يفكر إزاي هيتعامل مع هند. يا ترى مهاب لمسها وعرف ولا لأ؟ سؤال وسؤال في دماغه، عايز يعرف الإجابات. اتنهد وقام غير ونام. ..... بالليل: كلهم صحيوا ولبسوا ونزلوا تحت. أدهم ومهاب ومصطفى ومعتز راحوا عند الرجالة. عشق وهند دخلوا عند الحريم. وفتحوا شباك صغير عشان الهوا. وبدأت الأغاني الصعيدي تشتغل. ومصطفى قام وشد أدهم ومعتز ومهاب والشباب كلهم قاموا رقصوا بالعصيان شعبي وكانوا فرحانين لأخوهم معتز.

والبنات شدوا عشق واتحزمت ورقصت ببراعة قدامهم. وفضلوا كلهم يرقصوا لحد ما الفرح خلص. ومعتز دخل أخد عروسته وطلع. وكل واحد خد مراته وطلع. في أوضة أدهم: "بقي بترقصي قدامهم يا عشق." "هه، لأ لأ." "بطلي كدب يابت. بترقصي قدامهم ليه؟ ما ترقصي قدام جوزك." "ادهم عيب كده، ابعد." "وحياتك لأ، انتي راقصالي والله ما هسيبك النهارده." "يالهوووي، ادهم. يقولوا عليا إيه بس لو سمعوا صوت أغاني."

"خلاص، لما نرجع بيتنا. احنا هنرجع بكرة كده كده." وغمز. عشق زقته ودخلت الحمام. *** في أوضة معتز: "احم، قومي يا فرح غيري واتوضي عشان نصلي." فرح قامت وشالت الميكب اللي كانت حطاه ولبست إسدال وطلعت. "ما شاء الله." "أنا خلصت، يلا نصلي." معتز خدها وصلى بيها وقال دعاء المتجوزين وشالها. *** في أوضة مهاب: "ياااه يا مهاب، الفرح كان جميل أوي أوي." "آه والله يا حبيبي، كان جميل فعلاً."

هند دخلت غيرت هدومها ولبست قميص أبيض قطني وطلعت. شوية وسمعت صوت ضرب نار. قامت مسكت في مهاب بخوف: "هو في إيه؟ إيه الصوت ده؟ "تعالي أقولك إيه الصوت ده." وقرب منها.