رواية عشق الادهم الفصل الخامس 5 - بقلم ميساء عنتر

معتز: أنا عاوز أعرف هي بنت ولا لا. عشق بصتله بصدمة وخوف، وبصت لأدهم برجاء. أدهم بعصبية: أنت اتجننت يا معتز؟ معتز بزعيق: لأ، أكبر دليل أنها غلطت. توترك ده، بص لها كده، أنت مش شايف؟ وكمل كلامه للدكتورة: شوفيها من فضلك. الدكتورة دخلت عشق أوضة الكشف، وبدأت تكشف عليها وطلعت. معتز: خير يا دكتورة؟ الدكتورة بجدية: الآنسة بنت، الحمد لله. أدهم بص لها بصدمة، هو ومعتز. عشق بدموع: شكراً يا دكتورة، تعبناكِ.

وسابتهم وطلعت تجري وهي بتعيط. أدهم: عجبك اللي عملته ده يا معتز؟ معتز بندم: آسف يا أدهم، والله. أدهم سابه وجرى ورا عشق: عشق! عشق وقفت وبصتله وهي بتعيط، ومخدتش بالها من العربية اللي جاية عليها. أدهم جري عليها وهو بيصرخ باسمها، وشدها عليه، والعربية خبطتهم الاتنين، ووقع وهي فوقه بتنزف. معتز طلع لقاهم بالشكل ده. الممرضين جم، أخدوهم، والاتنين دخلوا العمليات. بعد ساعة، طلع الدكتور من عند عشق. معتز بلهفة: خير يا دكتور؟

الدكتور: للأسف مقدرناش ننقذ الجنين، هي ساعة وهتفوق، هتتنقل أوضة عادية دلوقتي، عن إذنك. معتز باستغراب: يا دكتور لحظة، الدكتورة هنا كانت بتقول من شوية إنها آنسة، إزاي بقي جنين وحمل؟ الدكتور: أكيد هي غلطانة، ابقَ شوفها. معتز سابه وراح أوضة الدكتورة ودخل: عشق أختي كانت حامل؟ الدكتورة بتوتر: اا اا... معتز بزعيق: آه ولا لأ؟ الدكتورة: آه. معتز سابها ومشي وهو هيتجنن، إزاي حصل ده؟ *** في البيت.

الجد لأبو عشق: أدهم طالب إيد عشق للجواز. أشرف: أكيد موافق، أدهم ده ابننا، مربينه على أيدينا. معتز من وراه: أنا مش موافق. الجد: ليه؟ أشرف: إيه يا ابني؟ أدهم شاب كويس. معتز بسخرية: هو كويس، بس بنتنا هي اللي مش كويسة. أشرف: أنت بتقول إيه؟ معتز: عشق عملت حادثة هي وأدهم، والدكتور طلع قال إنه سقط الواد. الجد بصدمة: إيه؟ أشرف بهدوء: أدهم عامل إيه؟ معتز: لسه في العمليات. أشرف قام وقف: خدني عندها يا معتز.

الجد قام معاهم، وراحوا كلهم على المستشفى. كل ده كان سامعه هند ومصطفى. هند بدموع: يا لهوي. مصطفى بسخرية: إيه ده، بنات العيلة كلهم شمال ولا إيه؟ هند بصتله بدموع: أنت بتقول إيه؟ مصطفى: إيه؟ غلطت؟ مانتي زيك زيها، الفرق بس إنك مش حامل. هند بعياط: اتجوزني والنبي يا مصطفى. مصطفى: أنا مسافر يا هند، راجع كليتي، لما أتخرج نبقى نشوف الموضوع ده. هند بصراخ: نعم؟ لأ، لأ. مصطفى بزعيق: ده اللي عندي. وسابها ومشي. ***

وصلوا المستشفى، طلعوا، لقوا أدهم دخل العناية. دخلوا أوضة عشق، لقوها قاعدة بتعيط بانهيار. معتز قرب منها.