رواية عشق الاحمد الفصل الأول 1 - بقلم حنين كرماني

كنت ماشية زي كل يوم على الجامعة، لقيته قدامي. فجأة اتلخبطت ومشاعري اتلخبطت. كنت عاوزة أجري عليه وأحضنه، بس مقدرتش. أنا عشق، 22 سنة في طب، ناقصلي سنتين وأخلص. طولي متوسط ووزني مناسب، بشرتي قمحاوية، عيوني بني، شعري أسود، ولابسة الخمار. مواصفاتي مواصفات بنت عادية، مش ملكة جمال، بس مجنونة وهبلة وطفلة. واللي بتكلم عليه ده حب عمري، ومشفتوش بقالي 5 سنين. من ساعة ما قلتله إني بحبه، بعد عني من غير ما يرد. ورجع بعد المدة دي كلها عشان يلخبطلي كياني، وأنا كنت بحاول أنساه. وهو بيكون جاري، واسمه محمد. هو عنده 27 سنة. نرجع بقى تاني. مشيت ولا كأني شفته ورحت حضرت محاضراتي وروحت على البيت. وطبعًا دخلت بجنوني وهبلي. لقيت ماما بتقولي: "تعالي سلمي على الضيوف يا عشق". ودخلت انصدمت لما شفته.