رواية عشق الاحمد الفصل الثاني 2 - بقلم حنين كرماني

دخلت واتصدمت لما لقيته قاعد هو ومامته. قلت عادي جايين يسلموا. رحت سلمت على مامته. عشق: ازيك يا أستاذ محمد؟ محمد: بخير طول ما انتي بخير. مامت محمد (ماجدة): بسم الله ما شاء الله ياحبيبتي كبرتي وبقيتي قمر. ابتسمت ليها وقلت: ده من ذوق حضرتك يا طنط. وبعدها قعدنا واتكلمنا شوية. وعرفت إنه اشتغل في شركة كبيرة لهندسة البترول. وكملنا كلام لغاية ما ماما جت وقالتلنا إن العشا جاهز. قمنا واتعشينا وكنا قاعدين قصاد بعض. ملحوظة: بابايا وباباه متوفيين. وعايشة أنا وأمي لوحدنا بعد وفاة بابايا. نرجع تاني. اتعشينا وقمت دخلت الأكل. وماما قعدت معاهم بره. وأنا عملت عصير وخرجت فاكهة. وجالي تليفون من صحبتي ودخلت أكلمها. عشق: حازم حازم. هنا: بسيوني بسيوني. عشق: عاملة إيه يا كلبة البحر؟ والله وحشاني كتيييير. هنا: وانتي والله. إيه الأخبار عندك؟ عشق: اسكتي روحت لقيت زفت الطين عندنا هو وأمه. هنا: بتهزري؟ وعملتي إيه؟ عشق: لأ مبهزرش. بصي هقفل دلوقتي ولما يمشوا هبقى أحكيلك. هنا: تمام يا قلبي. باي. عشق: باي. وقفت معاها وخرجت. لقيت ماما بتقولي الخبر اللي صدمني. ماما (فاطمة): تعالي يا حبيبتي اقعدي. محمد طالب إيدك وقلتله إنك أكيد موافقة. عشق: بس أنا مش موافقة.