رواية عشق الاحمد الفصل التاسع 9 - بقلم حنين كرماني

عشق: في إيه، إيه اللي بيحصل جوة. الممرضة: المريض اللي جوة قلبه وقف. عشق: إييييه. هنا: أهدي يا حبيبتي، إن شاء الله خير. وظلوا يحاولون إرجاع النبض، لكن استسلم هو. وفجأة دخل عشق والنبض رجع مرة أخرى. عشق: الحمد لله، أحمدك يارب. هنا: الحمد لله، يلا بقى نطمنا عليه، يلا نروح عشان سامي سماجة جاي وأمي هتشلوحني. عشق: ربنا يكون في عونك مع سماجة. ثم ذهبوا وأخذوا أغراضهم. ثم اتصلت عشق على والدتها. عشق: ألو يا ماما.

فاطمة: ألو يا آخرة صبري، إنتي فين ومبترديش ليه. عشق: معلش يا ماما، التليفون كان في الشنطة ومسمعتوش. فاطمة: طب إنتي فين دلوقتي. عشق: ماهو أنا بكلم حضرتك عشان أستأذن إني هروح مع هنا البيت عشان في عريس جايلها. فاطمة: آه، ماهي صفاء قالت لي وأنا راحة كمان شوية. عشق: تمام يا ماما، هسبقك أنا. فاطمة: تمام يا حبيبتي، مع السلامة. عشق: مع السلامة. ثم ذهبوا إلى منزل هنا ودقوا الباب. واستلمتهم صفاء بالشبشب.

صفاء: أيوة بقى، اتأخرتي عشان متلحقيش تجهزي وتطفشي العريس، صح. عشق: طب أنا مالي، هي هتطفش العريس، أنا مالي. صفاء: ماهو إنتي هتطفشيه معاها، عشر دقايق والاقيكوا جاهزين، يلا. أسرعوا إلى الداخل. ثم ارتدت هنا فستان سماوي رقيق به ورود بيضاء، وفوقه حجاب أبيض وجزمة كعب بيضاء. ووضعت كحل وملمع شفاه فقط. وارتدت عشق فستان منت وخمار أبيض، ووضعت كحل فقط.

ثم أتت فاطمة وجلسوا بعض الوقت. ثم رن جرس الباب وفتحت صفاء. وذهبت البنات إلى المطبخ. وبعد القليل من الوقت خرجوا البنات بالفاكهة والعصير. وعندما خرجوا صدمت كلا منهما. عشق وهنا بصوت هامس وصدمة: محمد.