رواية عشق الاحمد الفصل الثالث عشر 13 - بقلم حنين كرماني

فاطمة: جربي فترة الخطوبة وبعدين احكمي. عشق: ماشي يا ماما اللي تشوفيه. دخلت عشق إلى غرفتها وظلت تبكي. قامت بالاتصال على هنا وحكت لها ما حدث. أغلقت معها وأخبرت فاطمة راندا والدة عدى. ثم أتوا إلى المنزل وخرجت عشق إليهم. راندا: والله متعرفيش أنا فرحت قد إيه بموافقتكوا دي. وعشان كده إيه رأيكوا تكون خطوبة مع كتب كتاب عشان يكونوا على راحتهم. حلت الصدمة على وجه كل من عشق وعدي. لم يقدر عدى على التحدث كي لا يحرج أمه.

جلسوا بعض الوقت. راندا: أنا همشي أنا بقى. وانت يا عدى اقعد مع هنا شوية. وإن شاء الله الخطوبة وكتب الكتاب يكونوا كمان 3 أيام. فاطمة: إن شاء الله. عدي: معلش يا جماعة اعذروني أنا عندي شغل ومش هقدر أقعد. نخليها مرة تانية. فاطمة: تمام يا حبيبي ولا يهمك. ذهب عدى وراندا. دخلت عشق بسرعة إلى غرفتها وظلت تبكي. قامت بالاتصال على هنا. عشق ببكاء: الو. هنا: مالك يا قلبي، في إيه بتعيطي ليه؟

عشق: خلاص يا هنا حددوا الخطوبة مع كتب الكتاب كمان 3 أيام. هنا: طب أهدى بس، طب هو انتي بجد مش عاوزاه عشان الدراسة وكده ولا عشان أحمد؟ عشق: أيوه يا هنا، أنا مش عاوزاه عشان أحمد. بحبه يا هنا، بحبه والله. هنا: طب أهدى يا قلبي، والله هتفرج إن شاء الله. عشق: يا رب يا هنا. أنا هقفل سلام. هنا: سلام يا هنا. عند عدى، قام بالاتصال على أحمد. عدي: الحقني يا أحمد، خلاص كل حاجة راحت. أحمد: في إيه يا ابني؟ عدي: هتجوز يا أحمد، هتجوز.

أحمد: ألف مبروك يا حبيبي. عدي: ألف مبروك إيه يا بأف وجنى. أحمد: طب بص أنا في الشغل بكرة تيجي بدري وتحكي لي. عدي: تمام سلام. ناموا أبطالنا. تاني يوم استيقظ عدى وارتدى ملابسه وذهب إلى أحمد وأخبره بكل شيء. أحمد: اسمها إيه؟ يمكن ليكوا حظ. عدي: هو ده وقته. أحمد: أه. عدي: اسمها عشق. أحمد بانتباه: عشق؟ عدي: أه. أحمد: معاك صورة ليها. عدي: أه. أحمد: طب وريني. رأى أحمد الصورة. أحمد: مش معقول.