رواية عشق الاسد الفصل التاسع 9 - بقلم جنى احمد

أسد وسيف اتصدموا لما شافوا عشق. وحد مسكها من شعرها جامد. أسد بغضب وزعيق: انت مين وازاي دخلت وازاي تعمل كده؟ ما ادالهوش فرصة وراح نازل فيه ضرب لحد ما الراجل مبقاش فيه حتة سليمة. أسد مسكه من شعره وطلّع رقبته فوق: ها هتقول انت مين ومين بعتك ولا تموت دلوقتي؟ الراجل بخوف وألم: هقول واللهي هقول. اللي باعتني يبقى... أسد بغضب: اخلص يلا انت انت هتهت! الراجل بخوف: حاضر حاضر. اللي باعتني يبقى مراد الجارحي.

أسد بصدمة: انت بتقول ايه؟ وهوه كان عايز مني ايه وليه اتهجمت على مراتي؟ الراجل بخوف: هو عايز ينتقم منك على موت أمنية وقالي أساومك بمراتك. أسد بغضب وصوت جهوري: جمااااااااااااااااااال! واحد من الحراس جه وقال له: أمرك يا باشا. أسد بغضب: تاخدلي الكلب ده وتربيه في المخزن. أمره يا باشا. وأخده ومشي بيه على المخزن. عشق بدموع: ا... أس..د أنا خا..يفة أوي. أسد

خدها في حضنه وطبطب عليها: شششش بس يا قلبي. أوعي تخافي طول ما أنا موجود. عشق استكانت في حضنه. أسد حس بانتظام أنفاسها، فبص عليها لقاها نامت. شالها وحطها على السرير برفق. وكل ده وسيف باصص عليهم بهدوء. أسد فهم نظراته وأخده معاه تحت. سيف بتساؤل: أسد مين مراد ده ومين أمنية وليه عايز ينتقم؟

أسد أخد نفس وبدأ يحكيله: أمنية دي تبقى مراتي الأولانية. مكنتش بحبها بس كنت بحترمها. كان جواز صالونات. حملت مني، كنت فرحان إن هيكون عندي طفل. جه يوم الولادة وأمنية ماتت وهي بتولد جنة بنتي. ومراد ده يبقى أخوها. وهو مفكر إني قتلت أمنية وعايز ينتقم مني ويوجعني في مراتي. فهمت؟ سيف: الحاجة الوحيدة اللي فهمتها إن عمري مهخلي حد يقرب من عشق. أسد ابتسم له بهدوء: ولا أنا. سيف قام: طب استأذن أنا يا صاحبي.

أسد باستغراب: إيه يا بني متبات هنا. الأوض كتير. سيف: لا مش دلوقتي. لما عشق تسامحني. يلا سلام عليكم. أسد: وعليكم السلام. أسد قام بعد ما سيف مشي وراح عشان يشوف جنة. لاقاها نايمة في هدوء. باسها من جبينها وخرج. راح عند عشق وحضنها من ضهرها ونام وهو بيقول إن مفيش حد هيقرب منه تاني. تاني يوم الصبح. عشق صحيت وكانت حاسة بصداع. لاقت نفسها على الأرض في أوضة ضلمة. عشق بخوف: ا..نا فين؟ حد يساعدني. الحقوني!

بشر: محدش هيلحقك من هنا.