رواية عشق الاسر الفصل الخامس عشر 15 - بقلم ناردين خليل

ألف سلامة عليك. قولي بقي ياسيدي إيه اللي حصل؟ عماد: أوليفيا، عمة حلا لسه عايشة. طول الوقت ده وهي مغمى عليها، بس احنا افتكرناها ماتت زي ما إحنا كنا عارفين. كانت بتكره عمتها دي أوي. أوليفيا: وبعدين؟ عماد بتعب: خطفوني وأنا برة البيت. طول المدة دي... آآآه. أوليفيا: خد وقتك واتكلم براحة. عماد: حلا في مصيبة دلوقتي. لو ماتجوزتش ابن طنط هدى، صاحبته عمتها، كانوا هايقتلوني. بمعنى إنهم خدوني أسير ليهم. أنا هربت منهم بأعجوبة.

أوليفيا بصدمة: إيه اللي انت بتقوله ده؟ وتتجوز مين؟ هما اتجننوا؟ عماد: لازم نقف جنبها ونحاول نمنعهم بأي طريقة. وأكمل بحزن والدموع تملأ عينيه: لو عرفوا مكانها... أوليفيا بدموع: لازم أقول لحلا. اتصلت أوليفيا على حلا ولكن الهاتف كان مغلق. أوليفيا: موبايلها مغلق. عماد: أنا لازم أروح. ماينفعش أفضل معاكي كتير. أوليفيا: لا خليك أنت تعبان. عماد: لا أنا بقيت أحسن. حاول أن يقوم لكن دون جدوى.

أوليفيا: خليك يا عماد، مش هتقدر تقوم. عماد: ماما!! أمي يا أوليفيا بالله عليك. عايز أطمنها عليا. أوليفيا: حاضر. عماد: الو يا ماما، وحشتيني. والدة عماد: هو انت كل ده عند الست أوليفيا؟ آآه، ماهي واكلة بعقلك حلاوة يا وله. بتعمل عندها إيه يا حيوان طول الفترة دي ها؟ انطق. بتعمل عندها إيه؟ عماد: يا ماما مش اللي في بالك. أنا ماكنتش عند أوليفيا. هحكيلك لما أجي. بس والنبي يا ماما أنا تعبان.

تعالي عند أوليفيا بالعربية عشان أروح، أنا مش قادر. والدة عماد: إيه اللي حصل لك؟ حصل لك إيه يا حبيبي. عماد: والنبي يا ماما عشان خاطري. أنا مش قادر أتكلم. هقولك بعدين. والدة عماد: طب ساعة بالكتير وأكون وصلت. عماد: اتفضلي يا أوليفيا، شكراً. أوليفيا: العفو. عند حلا. حلا: آآه يا ناني... الشغل كان كتير النهاردة. رن الهاتف. حلا: مش وقتك دلوقتي يا أوليفيا. أغلقت حلا الهاتف. حلا: أما أروح أناملي شوية. بعد ساعة.

والدة عماد: مالك يا حبيبي؟ إيه اللي عمل فيك كده؟ وشك ماله متخربش كده ليه؟ وكنت فين طول المدة دي؟ عماد: هقولك بعدين يا ماما، بس مش دلوقتي بالله عليكي. والدة عماد: انتي عملتي في ابني إيه يا مفترية؟ حرام عليكي. انتي السبب. انتي من ساعة ما دخلتي حياته وانتِ بتعرضيه للمشاكل. روحي يا شيخة منك لله. عماد بغضب: خلاااص... خلاص يا ماما. ماقولتلك مش هي السبب. انتي ليه بتكرهيها؟ هي عملتلك إيه يعني؟ والدة عماد: انت بتزعقلي عشانها؟

عماد: لا... عشان زودتيها. حاول عماد أن يقوم لكن لم يستطيع وساعدته أوليفيا على الوقوف. أوليفيا: ميرسي يا طنط على كلامك الحلو. ذهبت والدته خارج القصر، وجلست أوليفيا على الأريكة وهي خائفة على صديقتها. في اليوم التالي. في الجامعة. دخلت حلا الجامعة وتفاجئت بما رأته.