رواية عشق الاسر الفصل الثالث عشر 13 - بقلم ناردين خليل

وحشتني.... اسر: م... ملك!! قام اسر من على كرسيه وركضت ملك عليه وحضنته. ملك ببكاء: وحشتني اووووى يا اسر. اسر بدموع: وانتي أكتر يا ملك والله... أنا عمري ما قدرت أنساكي، كنتي على طول في بالي.... مش قادر أصدق إن اللحظة دي جت أخيراً... اللحظة اللي شوفتك فيها اتحققت..... مش عارف أقولك إيه والله. دخلت أوليفيا ووجدت اسر يحضن فتاة غريبة. أوليفيا: آسفة شكلي جيت في وقت غلط.... اسر بتوبيخ: هو مش في باب ولا أي يا آنسة...

ولا هما اخترعوا الباب للزينة؟ أوليفيا بدموع: أنا آسفة.... ذهبت أوليفيا وهي تبكي. ملك: حرام عليك يا اسر... ليه عملت كدة، دي شكلها بنوتة غلبانة. اسر: مهما حصل لازم تعرف غلطها عشان ما تكررهوش.... معرفش أنا هي عايزاني في إيه دي كمان .... لا وتدخل مكتبي من غير ما تخبط ياسلاااام. ملك: خلاص بقي يا اسر... لسه عصبي زي ما أنت ما اتغيرتش من ساعة ما أنت سافرت. اسر: وحشتيني أوي بجد مش عارف أقول إيه. ملك بضحك: مفاجأة مش كدة.

اسر قبل يدها. اسر: واحلى مفاجأة ♥️. ملك: يا رومانسي أنت. اسر: إيه اللي رجعك... إنتي مش كنتي هتكملي باقي دراستك برة؟ ملك: تصدق وتؤمن بالله... أنا غلطانة إني رجعت. يعني أنا رجعت مصر عشان تقولي إيه اللي رجعك! ..... ماشي يا دكتور اسر مردودةالك. اسر: يا بت مش قصدي.... قصدي إنك كنتي هاتكملي دراستك برة، ما كملتيش ليه!؟ ملك: عادي ياسيدي.... حظي طلع هنا. اسر: طلعتي إيه بقي؟ ملك: بلا فخر ولا تكبر.... جراحة. اسر: قسم إيه؟

ملك: قسم ....... اسر: طب أشطا بقي.... أنا اللي هادرسلك مادة ال.............. ملك بصدمة: بتهزر.... يعني أنا أقولك إيه يا اسر ولا يا دكتور؟ اسر: وقت المحاضرة دكتور... غير كدة اسر عادي. ملك: تمام يا... دكتور. اسر: بس ثانية واحدة... إنتي ما جيتيش هنا من زمان ليه؟ ملك: أصلي حولت... عشان أبقي جنبك... أومال ياسين وياسمين عاملين إيه... نفسي أشوفهم. اسر: في القصر.... تبقي تيجي معايا وتشوفيهم بعد شغلي. ملك: امممم.... ماشية.

أوليفيا بدموع: هو أنا عملت إيه يعني عشان يزعقلي بالطريقة دي؟! ...... هو أصلاً بني آدم..... أوووف. مهرا: الجميل زعلان. أوليفيا وهي تمسح دموعها: ما فيش حاجة يا مهرا.... ما تشغليش بالك. مهرا: لا فيه... قولي مالك مش أنا صاحبتك. أوليفيا: خلاص يا مهرا ما فيش حاجة. لارين: ها......... حلا: شكل وشنا فقرا. أوليفيا بضحك: يلا على المحاضرة 😂. مهرا: أيوه كدة فرفشي ونعنشي ولعلشي. أوليفيا: إيه لعلشي دي؟ مهرا: ما تركزيش معايا 😅.

دخلت أوليفيا المدرج وتفاجأت بملك تجلس مكانها. أوليفيا: لو سمحت دا مكاني. ملك: بجد ... آسفة ما كنتش أعرف... مش إنتي ال......... بعتذرلك نيابة عن دكتور اسر هو ما يقصدش يزعقلك. أوليفيا: دكتور... باين أوي... الحضن بيقول إنه الدكتور بتاعك مش حاجة تانية. ملك بأنتباه: تقصدي إيه! الدكتور: يلا كل واحد على مكانه وبسرعة. ذهبت ملك وجلست في مكان آخر. عند حلا. حلا وهي تدخل من الباب: أنا آسفة يا دكتور على التأخير.

الدكتور: اتفضلي اقعدي واخر مرة وماتتكررش. حلا: شكراً يا دكتور. ذهبت حلا إلى مقعدها و................. بوووووووووووم. ضحك الكل عليها. حلا بخجل: إيه ده. حلا وقفت ولقت زمارة تحتها. الدكتور: بسسس.... مين الحيوان اللي عمل كدة. نظر الجميع إلى مروان. مروان: إنتوا بتبصولي كدة ليه.... أنا ما عملتش حاجة. الدكتور: اطلع برة يا أستاذ مروان.... عشان تبقى تكررها تاني بعد كدة. مروان: يا دكتور أنا ما عملتش حاجة....

إيه اللي يثبت إني عملت كدة... أنا مش متحرك من هنا غير لما تجيبولي دليل باللي عملته. الدكتور: بس الكل شاهد. مروان: ما يهمنيش... دا مش دليل أصلاً. الدكتور: طب خليك ولو حصلت تاني اعرف إنك مفصول. بنت لحلا: مش قولتلك مش هايسيبك. نظرت له حلا ثم نظر إليها وابتسم وغمز. حلا في ذهنها: ربنا ياخدك يا مروان......... بعد انتهاء الكلية. مهرا: إيه دا... هي مين اللي مع دكتور اسر دي؟ هاااااه لا وبتركب معاه العربية كمان. ذهبت أوليفيا.

مهرا: إيه دا... أوليفيااا استنيني. مهرا: الجميل غيران ولا إيه. أوليفيا: غيرانة؟ ... هه واغير ليه يعني... ربنا يخليهم لبعض. مهرا: الجميل بيغيييير. أوليفيا: مش غيرانة أنا واغير عليه ليه يعني؟! .... شايفة إني بحبه... مهرا بضحك: صراحة... مش أنا بس. نظرت لها أوليفيا بحدة. مهرا: احم .. خلاص خلاص. لارين: حلا... حلا: لالارين: هو إيه اللي لا هو أنا لسه نطقت. حلا: مش عارفة بس إيه حاجة هتقولي عليها لا.

لارين: بس يا به يا عبيطة انتي ... ركزي معايا. هو ليه عماد بقي يغيب من الجامعة... مش ملاحظة إنه بقاله كتير مابيجيش. حلا: لا واللي مجنني أكتر بقي... إن موبايله مقفول. لارين: طب تيجي نعدي عليه دلوقتي. حلا: لا أنا مش هعرف. لارين: تصدقي ولا أنا.... بابا هايقلق عليا. حلا: وأنا ورايا مذاكرة بالهبل. لارين: طب خلاص بقي مش مهم. بعد ٣ ساعات. أوليفيا: نانا أنا نازلة. نانا: خدي بالك من نفسك يا حبيبتي وماتتأخريش ماشي يا أوليفيا.

قبلتها أوليفيا من رأسها. أوليفيا: عيوني يا نانا. نانا: تسلملي عيونك يا قمر. بعد نصف ساعة. ياسين وهو يجري. ياسين: استاذة اوليفياا. أوليفيا: ياسين... إنت بتعمل إيه هنا؟ ياسين: إحنا خارجين. شوفتي بقي... مش قولت لحضرتك إني عمري ماهنساكي. أوليفيا: ولا أنا نسيتك. شوفت بقياومال فين اسر. شاور ياسين عليه. ياسين: أهو هناك مع أختي. إحنا كنا بنتمشي شوية. تعالي تعالي. أوليفيا: أجي فين بس.......... مسك ياسين يدها وذهبوا إلى اسر.

اسر: إيه يا أستاذ ياسين.... حضرتك كل مرة هاتمشي وتسيبني من غير استئذاني. ياسمين: هي دي البنوتة اللي إنت قولتلي عليها. ياسين: يبـ. ياسمين: دي قمورة خالث 🥺. أوليفيا: إنتي اللي قمر يا روحي. ياسمين: اسمك اوليفيا صح.... الله عليكي يا بت يا ياسو يا أم ذاكرة قوية. أوليفيا بضحك: وإنتي اسمك إيه؟ ياسمين: ياسمينا. أوليفيا: اسمك حلو أوي يا ياسمين. عاشت الأسماء يا قمر. أوليفيا لاسر: إخواتك قمر أوي. أكملت في سرها: أحلى منك.

اسر: ربنا يخلي.......... ملك: خلصتي. ملك: أيوه يلا. اشتريت اللي أنا عايزاه.... أووه هاي. أوليفيا: هاي... آسفة على الإزعاج.... جيت في وقت غلط. ملك: لا استني.... دكتور اسر عايز يقولك على حاجة. أوليفيا: اممم بجد. ما أنا كنت واقفة من بدري ما قلتلها. اسر: أنا..... نظر إلى ملك. اسر: أنا كنت عايز أقول لحضرتك.... إنتي فعلاً جيتي في وقت... وتقدرى تمشي دلوقت. أوليفيا بحدة: حضرتك ما كنتش محتاج تقول الكلام دا....

كده كده كنت ماشية. ذهبت أوليفيا. ياسين: إيه اللي إنت قولته دا يا اسر... إنت كسرت بخاطرها على فكرة. ملك: يلا نروح يا اسر. اسر: ليه بس. ملك: لو سمحت أنا عايزة أروح.... أصلي اتقفلت. ركبت ملك السيارة. نظرت ياسمين لاسر بغضب ثم ركبت السيارة وكذلك ياسين. اسر: بجد!! .... كل دا عشان واحدة...... ركب اسر السيارة ولكن اتجه لطريق آخر. ملك: إنت رايح فين....................................... اسر أنا بكلمك. اسر: هاتعرفي دلوقتي.

ذهب اسر وراء أوليفيا. نظر اسر من النافذة. اسر: آنسة... تاكسي. ضحكت أوليفيا ولكن لم تنظر له. اسر: محتاجة مساعدة يا فندم. ركن اسر السيارة ونزل منها. اسر: أوليفيا... استني. أوليفيا: نعم.... مش حضرتك كنت عايزني أمشي... أديني مشيت اهو بتيجي ورايا ليه بقي. اسر: إنتي صدقتي... دا أنا كنت بهزر معاكي. أوليفيا: امممم بتهزر. اسر: على العموم... أنا آسف. أوليفيا: يا شيخ طب لما تطلعها من قلبك ابقي قولها.

كانت ستذهب ولكنه امسك بيدها. اسر: شيخ..؟! طب يا ستي متشكري. أوليفيا بخجل: طب ممكن تسيب إيدي لو سمحت. اسر: مش هاسيبها غير لما توقفي تكلميني. أوليفيا بخجل أكثر: طب لو سمحت إيدي ماينفعش كدة. تركها اسر. اسر: آسف.... ممكن تقبلي اعتذاري.... لو سمحت. أنا أول مرة أعتذر لحد أصلاً. ابتسمت أوليفيا: واشمعنى أول شخص يبقى أنا... ها. اسر يحاول تغيير الموضوع. اسر: مسامحاني؟ .... أوليفيا: مش أوي يعني.... اسر: احم.... طب بصي بقي....

أنا عايز أقولك على حاجة بس ماينفعش هنا. أوليفيا: لا هنا وأنا مش متحركة من مكاني. اسر: طب بصي بقي يا آنسة أوليفيا..... أنا عايز أقولك. أقولك... يا ربي. عايز أقولك على حاجة بس خايف. أوليفيا: خايف من إيه؟ اسر: خايف لترفضيني. أوليفيا: وارفض ليه؟ اسر: احم.... عشان... عشان أنا بحبك...... أوليفيا بخجل: بت إيه..... اسر: زي ما سمعتي كدة.... أنا حبيتك من أول يوم شوفتك فيه.... بس كنت بحاول أخفي دا...

عشان كدة بعاملك بالطريقة دي.... وبجد أنا آسف. امسك اسر يدها واقترب منها. اسر: بحبك من كل قلبي.... واتمنى تقبليني. وأوعدك... إني عمري ماهزعلك مني تاني أبداً. ها أحطك في قلبي مش في عيني والله. خجلت أوليفيا واحمر وجهها. أوليفيا بخجل: أنا أنا.......... اسر: احم... أنا آسف. كنت بتمرن على دور بس مش أكتر. تركت يدها. أوليفيا: إنت إزاي كدة. ذهبت وتركه. ضحك اسر عليها ثم ركب السيارة. ملك: حسيت الكلام من قلبك. اسر: مين أنا....

ملك: لا أمي يا اسر. اسر بحزن: الله يرحمها. ملك بدموع: ما تفكرنيش بقي. ياسمين بغمز: بس شكلك بتحبها 😉. اسر: بس يا لمضة. في اليوم التالي. في قصر أوليفيا. أوليفيا: عماد... يالهوي إيه اللي عمل فيك كدة. أغمى على عماد.