رواية عشق الفهد الفصل التاسع 9 - بقلم زولة وحيدة

عشق: أنا هتجوز واحد كان زميلي في الجامعة. فهد بغضب: انتي اتجننتي ولا إيه؟ عايزة تربي بنتي مع راجل تاني؟ عشق: آه، ولو مش هتطلقني هرفع عليك قضية طلاق. فهد مسكها من إيدها بقوة. فهد: انتي ملكي أنا وبس ومش هطلقك. وأخدها معاه برا الأوضة. عشق بغضب: فهد سيبني. فهد كان ماسكها وطالع برا القصر، بس تالين كانت داخلة وشافتهم. تالين: ماما، إمتى هنروح ناكل آيس كريم؟ فهد وقف وفك إيد عشق. فهد شال تالين وفضل يبوسها. فهد: أنا هاخدك.

تالين: ماما قالت ممنوع أروح مع حد ما أعرفوش. فهد: أنا مش حد، أنا... عشق: آه، ده مش حد، ده عمو. فهد بص على عشق. عشق أخدت منه تالين. عشق: إحنا هنروح بيتنا نرتاح، ومن هناك هنروح ناكل آيس كريم. تالين: موافقة. فهد: عشق، أنا عايز أكلمك. عشق: ... فهد مسكها من إيدها. فهد: أرجوكي. عشق: تالين، روحي لفؤاد. تالين: حاضر. فهد أخد عشق على أوضتهم. عشق انبهرت، الأوضة كلها فيها صورها. عشق: انت حاطط صوري ليه؟ فهد: لأني بحبك.

عشق بسخرية: بتحبني؟ فهد: آه والله بحبك. عشق: لو كنت بتحبني ما كنتش هتعذبني، ولا كنت هتفكر ترفع إيدك عليا في يوم. فهد: آسف، أنا كنت غبي ومش مقدر النعمة اللي معايا، وعرفت ده بعد ما انتي سبتيني. عشق: للأسف الاعتذار مش بيفيد، أنا اتعذبت أوي معاك. فهد بدموع: أنا هعمل اللي انتي عايزاه، بس أرجوكي متسيبنيش يا عشق، أنا مش هقدر أعيش من غيرك انتي وبنتي.

عشق بجمود: مش بنتك دي يا فهد، دي بنتي أنا وبس، وما تفكرش في يوم إنها تناديك بابا، انت ما بتستحقش حد يقولك بابا، لأنك هتكون أب سيء. فهد: أنا والله اتغيرت، آه، أنا كنت جوز سيء، ويمكن كمان كنت هكون أب سيء، بس أنا والله اتغيرت يا عشق، اديني فرصة أخيرة. عشق: لأ. واتجهت على الباب. فهد مسكها من إيدها. فهد بدموع: أرجوكي. عشق بعدت إيده. عشق: لأ يا فهد، انت اللي زيك مش بيستاهلوا فرص. وطلعت من الأوضة بسرعة وعيونها كانت مدمعة.

عشق وهي بتمسح دموعها: لأ، هو يستاهل كدا وأكتر، ما تصدقيش دموعه. فؤاد كان طالع وهو شايل تالين. فؤاد: عشق، في إيه؟ انتي بتبكي ليه؟ عشق: مفيش يا فؤاد، خلينا نروح الفيلا، أنا حاسة إني مخنوقة هنا. فؤاد: طب يلا. معتز: انتوا هتقعدوا هنا؟ عشق: بس... معتز: عشق، اقعدي عشان خاطري، أنا عايز أكون قريب من حفيدتي. رانيا: آه يا عشق، إحنا ما صدقنا إن انتوا رجعتوا، بجد وحشتوني. فهد طلع وهو بيمسح دموعه وطلع برا القصر.

فؤاد باستغراب: ماله ده؟ أول مرة أشوفه بيبكي. عشق: بجد أول مرة. فؤاد: آه... هو انتوا اتكلمتوا؟ عشق: آه. معتز: يا عشق، فهد اتغير بجد، انتي لازم تسامحيه، أنا مش هجبرك ترجعي له، الموضوع ده يخصك انتي بس، سامحيه. عشق: أنا مسامحاه، بس مش هقدر أعيش معاه بنفس البيت، أنا خايفة بنتي تتعلق فيه. رانيا: بس دي بنته هو كمان يا عشق. عشق: لأ يا مرات عمي، دي بنتي أنا لوحدي، لأني أنا اللي تعبت فيها لوحدي.

فؤاد: عشق، أنا معاكي إن فهد غلط معاكي كتير، بس ده مش معناه إنك تاخدي منه بنت. عشق: أنا مش عايزة أتكلم في الموضوع ده. وأخدت تالين من فؤاد. فؤاد: مش هنروح الفيلا يا عشق؟ انتي روحي على أوضة فهد وأنا هقول له ميجيش على أوضتكم. عشق أخدت تالين وراحت. في المساء، عشق صحت لقت تالين مش موجودة جنبها. عشق بخوف: تالين. بس ملقتش رد. عشق طلعت برا فتشت القصر كله ملقتهاش. عشق: فؤاد، شوفت تالين؟ فؤاد باستغراب: لأ.

عشق سألت معتز ورانيا، بس برضو ماشافوهاش. فؤاد: هي كانت معاكي في الأوضة صح؟ عشق بدموع: آه، وكانت نايمة. فؤاد: طب اهدي، أنا هتصرف.