رواية عشق الفهد الفصل الثالث 3 - بقلم ليل محمد

منصور بعصبية: أنا قلت كلمتي هتكسرها ولا إيه؟ عيسي بخوف: لا يا بوي كلمتك واجبة. حازم كان قاعد ساكت ومستمع لحديثهم ومحبش يدخل. حازم: على خيرة الله. فهد كان بيخبط على الباب. منصور: ادخل. فهد: جدي حضرتك كنت عايزني؟ منصور: أيوه يا ولدي، دخّلتك على بنت عمك الخميس الجاي. فهد بفرحة داخلية: ممكن تجوزها رحيم يا جدي، اشمعنى أنا؟ منصور: لا، رحيم دخلته على كريمة معاك، هما مكتوبين لبعض من زمان. فهد بجدية: حاضر يا جدي، اللي تشوفه.

منصور ابتسم على حفيده اللي حافظه. منصور: كل واحد يطلع ينام، عندنا شغل بكرة. رحيم كان ماشي براحة ورايح على غرفة ما. رحيم فتح باب الأوضة ودخل، كانت كريمة قاعدة جوه. شهقت بخفة لما دخل. رحيم: بنوتي عاملة إيه دلوقتي؟ كريمة انفجرت في العياط: بتوجع أوي. رحيم جري عليها واخدها في حضنه: ششش بس يا روحي، متعيطيش، معلش هتخف. كريمة: أنت كل شهر بتقولي كده، وأنا بستحمل وجعها على طول.

رحيم بهدوء: معلش يا روحي، مش قلنا إنك بقيتي كبيرة وإنها لازم تنزلك؟ كريمة: أدام هتوجعني كده مش عايزاها. رحيم: لا يا بنوتي، غلط، هي لو مجتلكيش مش هتعرفي تجيبي نونو صغير. كريمة: يعني هي لما تجيلي أنا هيبقى عندي نونو؟ رحيم: مش بالضبط أوي، بس هي حاجة زي كده. كريمة: ماشي، هستحمل وخلاص. رحيم طلعلها من جلابيته شوكولاتة وعطاها لها: بنوتي. كريمة: هممم. رحيم ابتسم

على الطفلة اللي في حضنه: لو مجتلكيش قوليلي علشان لازم تكشفي، ماشي؟ كريمة بكسوف: حاضر. باسها من خدها ونيمها وبعدين خرج وراح الأوضة بتاعته. الصبح الساعة ٤:٠٠ الفجر. كانت عائشة على سجادة الصلاة بتصلي وبتدعي لامها وبتعيط، بس بتكتم شهقاتها علشان شمس وقمر ميصحوش. بعد ما خلصت غيرت هدومها لجلبية بيتي ونزلت تحت، كان الكل نايم. دخلت المطبخ ونظفته وبدأت تعمل فطار للبيت كله زي ما اتعودت تعمل.

كانت بتبتسم بحب وهي بتعمل كل حاجة وبتسمي فيها. ناس بدأت تصحي والخدامين صحيوا واتفاجئوا باللي هي عملته. أخدت طبق فيه عيش وطبق فيه لبن ورز ومايه وطلعت على السطح. عائشة: تعالي يا صغنونة، أنا سامعة صوتك من بليل وكنت عايزة أجلك، سامحيني. أخدت القطة الصغيرة على رجليها وبدأت تشربها لبن وتلاعبها، وفيه عيون وراها بتراقبها بحب. حطت الرز والمايه للحمام اللي فوق على السطح واتجمعوا كلهم حواليها.

أكلت القطة عيش بلبن علشان لسه صغيرة وهي بتضحك معاها. جريت منها وقامت علشان تجيبها، لسه بتلف لقت فهد في وشها، شهقت بخضة. عائشة: الله يسامحك، خضتني، مش تقول إنك هنا. فهد: طالعة تأكلي الحمام اللي بأكله في مكاني اللي بحبه وتتخضي مني؟ عائشة: مكنتش أعرف، ده بالصدفة. فهد: مش مهم يا عروستي، شيلي الخضة ليوم الخميس. عائشة بصدمة: عروستي؟