رواية عشق الفهد الفصل الثاني 2 - بقلم ليل محمد

عائشة بجمود: أصل إيه يا عيسى بيه؟ عيسى قام وقف بصدمة وخوف من اللي جاي. والكل بص لعائشة بحب لأنها شبه أمها بشكل كبير جداً. عيسى بتوتر: حمد لله على سلامتك يا بنتي. عائشة: بنتك! بقالي كتير مسمعتش الكلمة دي من ٧ أو ٨ سنين تقريباً. عيسى بيبص ليها بنظرات توعد. منصور: أهلاً يا بنيتي كيفك؟ عائشة بإبتسامة: أهلاً بيك يا جدي. أذيك انت عامل إيه واذي صحتك؟ بقيت قمر لما كبرت. منصور بضحكة: هتفضلي شبهها في كل حاجة.

عائشة نبرتها قلبت لحزن: الله يرحمها. نورة بتزغرط: بسم الله ما شاء الله ربنا حارسك وصاينك يا بتي. قمر يا ناس. عائشة ابتسمت ليها وحضنتها. قمر بتدخل: نعم؟ وأنا أبقى إيه إن شاء الله؟ عائشة ابتسمت ليها وأخدت قمر في حضنها. اللي شمس جري عليه هو كمان. عائشة: إزي حضرتك يا عمي؟ حازم ابتسم ليها: الحمد لله يا بنت أخويا. نورتي. عائشة: لا أنا مش مطولة. أنا جاية آخد أخواتي وأمشي علطول. منصور: بتقولي إيه يا بنيتي؟

بس مش هتمشي من هنا تاني. كفاية الغربة اللي أبوكي غربالك. بص لعيسى بنظرة حزن على الماضي. عيسى بتدخل: عن إذنكم يا جماعة أتكلم مع بنتي بس شوية. سحب عائشة من إيدها بعنف ودخلها لغرفته بالقصر. رماها على الأرض بعنف: نعم يا روح أمك جاية ليه؟ عائشة بشدة: إيه هتمنعني عنهم؟ عيسى بزعيق: مش هاخدهم فاهمة؟ ابعدي! أنا مش عايزك أبداً. كفاية اللي عملتيه فيا أمك. عائشة بحدة: أمي أمي دي اللي خنتها مع صاحبتها اللي قتلتها قدام عيني.

عيسى: كتك القرف وانتي بتفكريني بيها. عائشة: سواد قلبك نساك ده كله؟ ونسيت ابنك اللي من لحمك ودمك؟ عيسى ضربها بكف خلى دم ينزل من بوقها. عيسى: اخرسي اخرسي. فضل يضرب فيها بكل قوته. وهما سمعين أنينها بس مش واخدين بالهم. فهد نزل على صوت أنين بيتوجع: إيه ده يا أمي؟ إيه الصوت ده؟ نورة: مفيش يا ابني. مفيش حاجة. محدش سمع. فهد: إزاي بس؟ حد بيتوجع. شمس: عائشة عائشة بابا بيضربها تاني. منصور: إيه؟ بيضربها ليه أصلاً؟

يمد إيده عليها. كلهم جريوا على غرفة عيسى. وفهد فتح الباب بسرعة. بصلها فهد بتأمل. هي دي؟ هي اللي كانت معاه من زمان؟ فات العمر ولسه زي ما هي متغيرتش. منصور بحدة: عيسى إيه اللي بتعمله ده؟ يا خسارة تربيتي فيك. ضربه بالكف قدامهم كلهم. عائشة كانت على الأرض بتنزف من كل جسدها. وبتبص لعيسى بنظرات توعد وحزن.

عائشة وهي بتقوم تقف: متنساش اللي بتعمله فيا ده. هرد هولك الكف عشرة. متنسانيش يا عيسى بيه. افتكرني كويس. زي ما انت بتقول إني شبهها، فـ أنا بقولك أهو. أيوه أنا عائشة بنت مليكة المصراوي. شبهها في كل حاجة. وزي ما كسرتها هكسرك الضعف. الكل كان واقف مصدوم من قوة عائشة وشكلها وهي بتتكلم. فهد قرب من عائشة وحط على كتفها العباية بتاعته على هدومها متقطعة من الضرب. منصور: يا خسارة يا عيسى. تعال ورايا على المكتب.

حازم: نورة خدي بنت أخويا وخليها تغير هدومها وتتعالج وتقعد في أحلى أوضة في القصر. عائشة كانت بتبص لفهد بحزن وإحراج إنها كده قدامه. فهد مشي بحزن على حالها وطلع غرفته. عائشة بعد ما غيرت هدومها قعدت على السرير. ونورة بتسرح شعرها. لقت حد مطلع راسه من ورا الباب. نورة بإبتسامة: تعالي يا ملك. متخافيش. دخلت ملك بفرحة وابتسامة. عائشة: مين القمر دي يا مرات عمي؟ نورة: دي ملك بنتي. عائشة: أهلاً بيكي يا ملك.

ملك بفرحة مسكت إيديها: أهلاً بيكي انتي. انتي جميلة أوي. عائشة ضحكت: ما انتي قمر بردوا. قمر: بعد إذنكم احترموا وجودي. كلهم ضحكوا على الصغيرة. اللي أخدتها عائشة في حضنها بضحك. بتبوسها في كل مكان في وشها. فضلت نورة وعائشة يتكلموا شوية. وبعدين خرجوا وسابوا عائشة وشمس وقمر يناموا. منصور بحدة: عيسى بنتك هتتجوز فهد ابن عمها علشان تفضل وسطنا. عيسى بصدمة: لا مش هينفع. دي بالذات لأ.