رواية عشق الفهد الفصل الخامس 5 - بقلم منة احمد

عشق: الحقوني حرامي! ..... : بس اسكتي. بتصوتي ليه؟ حرامي مين؟ عشق: انت! ..... : أنتي مجنونة؟ أنا مش حرامي. عشق: امال انت مين بقى؟ ....... : أنا فهد العمراني. عشق: أيوه يعني عايز إيه؟ وانت دخلت إزاي من الفيلا اللي برة؟ فهد: فيلا؟ أنا أدخل في أي حتة أنا عايزها. عشق: مغرور. فهد: بت اتعدلي! أنا اللي خطفك. عشق بتمثيل: ياماما خوفتني. فهد بخبث: مش عيب تتكلمي كده مع جوزك المستقبلي؟ عشق: أنا أتكلم براحتي مع أي حد.

ثم استوعبت ما تفوه به: جوزي مين؟ انت أهبل؟ فهد اتعصب ومسك شعرها: لا بقولك إيه اتعدلي كده واحترمي نفسك. أه هتبقي مراتي وهخليكي تكرهي حياتك. عشق بألم: في المشمش على جثتي! أنت واحد متخلف وحقير. لو آخر واحد في العالم مش هتجوز واحد حقير زيك. فهد بقسوة وعصبية وهو يفك حزام بنطلونه ويلفه على إيده، يدفعها على الأرض: وأنا بقى هوريكي الحقير ده هيعمل إيه.

وقبل أن تتحدث عشق، نزل عليها بالحزام وقعد يضرب فيها. وعشق بتصوت لحد ما أغمي عليها من كتر الضرب. وسابها زي ما هي ومشي. عند منه وفريدة، راحت لها فريدة. فريدة: مفيش جديد؟ منه بعياط: لا. فريدة هي كمان عيطت وأخدت منه في حضنها وقعدوا يعيطوا. دخل عليهم زين: إيه فقرة البكاء دي؟ نسوان نكد. نظروا له فريدة ومنه وفي صوت واحد قالوا: بس يا بارد. وبصوا لبعض هما الاتنين وضحكوا، وبعد كده عيطوا.

زين: طب أنا عايز أعرف انتوا بتعيطوا ولا بتضحكوا؟ فهموني. وبعدين بت يا نونو مين العسل اللي بتعيط معاكي دي؟ تعرفي عليها برضه؟ ده أنا حتى ابن عمك حبيبك. نظرت له منه باحتقار: غور ياض من هنا. زين: لا مش ماشي غير لما تعرفيني على العسل ده. خجلت فريدة منه. زين: لا وكمان بتتكسف؟ يخرابي على الفرولة اللي طلعت. منه خلعت الشبشب بتاعها ورمته بيه: ولا غور في داهية. زين وهو يتفادى الشبشب: مجتش فيا. ضحكت عليهم فريدة. زين: مش عاجبك؟

طلقني. فريدة بضحك: يلهوي ده انت مصيبة. زين: يلهوي على الغمزات ياخربي على الجمال. منه بغضب: ولا اتعدل بدل ما أعدلك. زين بخوف مصطنع: حاضر يا معلم. منه: ناس مبجيش إلا بالعين البني. فريدة بضحك: مسيطرة. منه: همشيك مسيطرة. منه بحزن: موصلتوش لحاجة. زين بحزن: هنلاقيها متقلقيش. فريدة بحزن: إن شاء الله هترجع. منه: يا رب. فريدة: طب أنا هروح بقى عشان متأخرش. منه: ماشي يا قلبي خلي بالك من نفسك. ولما توصلي كلميني.

زين: تعالي أوصلك. فريدة: لا شكراً. أنا معايا السواق. ومشت فريدة. وهي نازلة قبلت سيف على السلم. فريدة: عامل إيه يا أستاذ؟ سيف باستغراب: الحمد لله. فريدة: أنا صاحبة عشق اللي وصلتها قبل كده. سيف: آه افتكرتك يا... فريدة: فريدة. اسمي فريدة. مفيش أخبار عن عشق؟ سيف بحزن وغضب: لا. هرجعها وهندم اللي عمل كده. فريدة بحزن: إن شاء الله هترجع بالسلامة. رن هاتف فريدة. فريدة: أنا لازم أمشي عشان السواق وصل.

سيف: ماشي. خلي بالك من نفسك. فريدة بابتسامة: حاضر. وابقى طمني لو وصلت لحاجة. مشت فريدة. وطلع سيف يرتاح ويغير هدومه لأنه من ساعة ما أخته اتخطفت وهو مش بينام ولا بياكل كويس وعامل يدور عليها. سيف دخل البيت وبص عليه بحزن. وقد إيه هي كانت عاملة صوت وبهجة للبيت. سيف: وحشتيني أوي يا أغلى ما ليا. هرجعك وهيندموا على اللي عملوه. ودخل ياخد شور ويريح شوية. عند عشق. فاقت عشق بألم: آآآه مش قادرة. كأن قطر عدى عليا.

نظرت عشق للعلامات اللي في جسمها وهدومها اللي اقطعت من الضرب. عشق بدموع من الوجع وعلى حالها: ده أكيد مش إنسان. فينك يا سيف؟ وحشتني. والله ده واحد متخلف وحقير وحيوان مش إنسان. وقال إيه هيتجوزه قال؟ ده على جثتي لو آخر واحد في العالم مش هتجوزه واحد متخلف. حاولت عشق أن تقف ولكن تألمت. عشق: آآآه. ربنا يشلك يا رب. تتشكي في إيدك يا بعيد. حاولت مرة أخرى وقامت. راحت دخلت أوضة ودخلت الحمام وملت البانيو ماء دافئ وقعدت فيه.

وعلى الناحية الأخرى قد استمع فهد لكل ما قالته. فهو مركب كاميرات تصور صوت وصورة في الفيلا ما عدا الأوض. مركب كاميرات فيها بس مركب ميكروفونات. فهد بغيظ: البت دي عايزة اللي يقطع لها لسانها. هوريكي أيام سودة. وهدفعك انتي وأخوكي تمن اللي هو عمله واللي أبوكي عمله زمان. عند عشق. لفت نفسها بالبوطة وطلعت. عشق: ياربي أعمل إيه؟ الهدوم اتقطعت ومبلولة. عشق فتحت الدولاب لقت هدوم بنات. عشق: أحيه!

ده طلع بيجيب بنات هنا وجايب لهم هدوم كمان. أخدت عشق شورت وتيشيرت أزرق نص كم على الكمر. ولبستهم وأخدت إسدال. عشق: لقيت إسدال كويس. واتوضت وصلت ودعت إن ربنا يخرجها من هذه المشكلة وأن يعيدها إلى أخوها ويخلصها من هذا الفهد. خلصت وخلعت الإسدال. عشق: أما أروح أشوف حاجة آكلها وأنا هفتانة كده. خرجت عشق من الأوضة وراحت تدور على المطبخ. عشق: الواحد يتوه في الفيلا دي بجد. وبعد مدة لقته.

عشق: أخيراً لقيتك. يا رب بس ألاقي حاجة آكلها بعد التعب ده كله. فتحت عشق التلاجة لقت فيها جبنة وكل ما يشتهيه الإنسان. عشق: يا حلوة يا حلوة. أخرجت عشق بانيه وجابت مكرونة. عشق: النهاردة الشيف عشق هتعمل لكم مكرونة بالصوص وبانيه.