رواية عشق الفهد الفصل الرابع والعشرون 24 - بقلم منة احمد

وخلال اليومين فهد كان مهتم جدا بعشق وعشق كانت مستغربة جدا اهتمامه وأسلوبه معاها اللي اتغير. جه يوم خروج عشق. عشق قامت من النوم لقت نفسها في حضن فهد وهو نايم. عشق فضلت تتأمله وشها وحطت إيديها على وشو وبقت تمشيها على وشو وعلى شعره.

عشق: مش عارفة أنت فاكرني ولا لأ، فاكر عشقك ولا لأ. بس أنا فكراك يا فهدودي. آه الأول مكنتش عارفاك بس كنت حاسة إنه أنت ولما عشت معاك اتأكدت إنك أنت فهدودي زمان. سبتني ومشيت وأنا فضلت مستنياك بس اتأخرت أوي وراجع في كره في عيونك بس أنا بحبك أوي. بسته من خده. عشق: فههههد، فههههههه‍ههههد. فهد صحي. فهد: إيه في إيه. عشق: عايزة أخش الحمام آخد شور. فهد قام وشالها. عشق شهقت: إيه ده. فهد: هدخلك الحمام. ودخلها الحمام.

فهد بخبث: أساعدك. عشق: برررره.. وندلي الممرضة. فهد: طب ما أنا أولى وموجود وبعدين ده أنا زي جوزك حتى. عشق: فههههد. فهد بضحك: خلاص حاضر. فهد مشي. عشق: قليل الأدب. فهد كان طالع بس لف وشه ليها وبصلها وقال: وسافل كمان. تخبي أوراقك. عشق: فههههد برررره. فهد خرج وهو بيضحك. فهد: فاكرك يا عشقي وأنا بعشقك فوق العشق عشقين. (آه فهد كان صحي وقت ما عشق صحت بس عمل نفسه نايم) فهد راح نادى ممرضة. والممرضة دخلت لعشق.

ربع ساعة وعشق ندهت على فهد. عشق: فهههههههههههههههد ياااا فههههد. فهد دخلها. فهد: نعم. عشق بصتله بحزن وبصت لرجلها. فهد لاحظ ده وراح شالها. فهد: عارفة لو قولتيلي أنزلك هرميكي في البانيو ده. فهد للممرضة: روحي أنتِ وهاتي الفطار. الممرضة خرجت. فهد: متجيبي بوسة. عشق ضربته على كتفه: بطل قلة أدب. فهد ضحك بكل صوته: مقدرش. وخرج بيها من الحمام. وراح بيها عند السرير. عشق: أيوه ياسطا اقف نزلني. فهد: يسطا. فهد نزلها.

عشق: عايزة أخرج من المستشفى دي اتخنقت منها.. صحيح أسيل جت انهارده تكشف وهتمشي معانا عشان فوفه عزمانة كلنا على الغدا. فهد: تمام. فهد دخل الحمام أخد شور وغير هدومه. كان معاه هدوم كان جايبها من الفيلا. لبس شورت جينز وتيشيرت أبيض نص كم. وخرج. وكانت الممرضة داخلة ومعاها الفطار. الممرضة بصت لفهد بإعجاب وتنحت له. عشق لاحظت ده. عشق بغيره: خديلو صورتين أحسن. الممرضة اتحرجت. الممرضة بإحراج: الفطار. عشق: حطي واتفضلي.

فهد لاحظ غيرتها وفرح أوي. والممرضة خرجت وهي محرجة. فهد: يلا عشان تفطري. عشق: مش عايزة مليش نفس. فهد: لا ويلا عشان تاخدي دواكي. عشق: يوووه بقا كل شوية دوا دوا طعمه وحش أصلا. فهد أخد الفطار وراح قعد جنب عشق وحطه على الترابيزة وقعد يأكل عشق. عشق: خلاص كفاية شبعت. فهد قام وجاب الدوا وميه. فهد: خدي. عشق أخدته بعبوس وقرف من إيده. وأخدته وشربت ميه. عشق: يوععع مر. فهد: معلش ياختي. عشق: عايزة شوكولاتة. فهد: حاضر هجيب لك.

عشق: وسبسي ومصاصة. فهد ضحك في نفسه وقال: طفلة. عند أسيل. مروة: أنتِ يا زفت قومي يلا. أسيل: سبيني أنام. مروة: قومي يا زفتها. أسيل: يا ستي أنا واحدة مريضة المفروض تسبوني أنام براحتي. مروة: المفروض عند المكوجي. ويلا خلصي عشان تروحي المستشفى عشان الكشف. أسيل بتذكر: آه صحيح فكرتيني. وكمان فوفه عزمانة على الغدا كلنا وعازماكي وعايزة تتعرف عليكي. مروة: فوفه مين.

أسيل: مرات عم عشق طيبة أوي وعازمة على الغدا عشان عشق هتخرج النهاردة. مروة: تمام كويس وعايزة كمان أشوف عشق. أسيل: أنا هخلي مازن يوصلني المستشفى وهروح مع عشق. وأنتِ تعالي مع مازن لما يرجع من الكلية. مروة: ماشي. مروة خرجت وراحت المطبخ. أسيل قامت ومشيت وهي بتعرج وبتتسند على الحيطة ودخلت الحمام. وخرجت من الحمام أدت فرضها. ولبست دريس أحمر وحزام أسود وطرحة سودة. وخرجت وهي ماشية براحة وبالعافية. مازن: عجّزتي بدري يا سو.

أسيل: بس يااض ده أنا لسه شباب. مازن: يا شيخة اتنيلي ده أنتِ مش قادرة تمشي حتى. أسيل راحت قعدت على كرسي على السفرة. أسيل: كب غور. مروة: يلا عشان متتأخريش يا حبيبي عشان شغلك. راحوا فطروا. مازن: استعنا على الشقا بالله. وراح شال أسيل. مازن بمرح: هو أنتِ بتاكلي إيه يخربيتك تقيلة أوي. أسيل: نننننن. ظريف أنت اللي فافو. نزل بيها وحطها في العربية وركب وساق العربية. ووصلوا المستشفى. ونزلو. ومازن شالها. ودخلوا المستشفى.

مازن: فين أوضة الكشف بتاعت الدكتور ده. أسيل: امشي وأنا هشورلك. مازن مشي. أسيل: هي دي. مازن مشي وراح خبط على الأوضة. الدكتور ببرود: اتفضل. مازن دخل باسيل. مازن حط أسيل على الكرسي وقعد. أسيل: أهلاً يا تلاجة. مازن: بس يا بت عيب. مازن للدكتور: معلش دماغها تعبانة. الدكتور: تمام. مازن: كان في كشف ليها انهارده. الدكتور: آه اتفضلي على السرير اقعدي وارفعي رجلك. أسيل قامت ومازن ساندها عشان تقعد على السرير.

والدكتور راح شاف رجلها وغيرلها على الجرح. الدكتور: الورم خف شوية ورجلها بتتحسن. هكتبلها على شوية أدوية ومرهم تدهن منه على الورم مرتين في اليوم. ويريت متمشيش كتير. مازن: تمام. ومازن أخد منه الرشتة. أسيل: روح أنت يا مازن عشان متتأخرش على الكلية وأنا هروح مع عشق. ومتتأخرش عشان الغدا تعالي بدري. مازن: ماشي طب هتمشي إزاي لأوضة عشق. أسيل: متقلقش هخلي ممرضة تسندني. روح أنت بس عشان متتأخرش. مازن: ماشي خلي بالك من نفسك.

مازن مشي. أسيل للدكتور: أما أنت اسمك إيه يا أخينه. الدكتور: أخينه. في بنت دخلت عليهم وكانت لابسة فستان قصير لقبل الركب (باين القماش مكفاش) البنت (سها) بدلع: دكتور أسر عامل إيه وحشني أوي. أسيل بصتلها بقرف. أسر ببرود وعدم اهتمام: الحمد لله. سها بصت لأسيل بتكبر من فوق لتحت. سها: هو أنتِ مشغولة ولا إيه. أسر ببرود: آه. أسيل بصتله بقرف. أسر ببرود: محتاجة حاجة جاية لي.

سها بدلع: مفيش كنت هنا بزور واحدة صحبتي. هنا وقولت أجي أسلم عليك وأشرب معاك قهوة. أسيل: أنتِ جاية بقميص نوم لي نسيتي تغيري قبل ما تنزلي. سها بصت لأسيل بقرف وتكبر. أسيل: بصي عدل يا حلتها بدل ما أعدلك. سها: يععع بيئة مش عارفة بيدخلوا الناس البيئة دي المستشفى المحترمة دي إزاي. أسيل: بيئة مين يا عنيا ده أنتِ كلك صناعي يا معفنة... علبة المكياج الغالية النضيفة بتعمل من الرخيص المعفن حاجة. سها: أنتِ واحدة متخلفة وبيئة.

أسيل: تعالي وأنا أوريكي البيئة دي ممكن تعمل فيكي إيه. أسيل قامت من على السرير ونزلت وكانت هتقع بس أسر لحقها قبل ما تقع ووقعت في حضنه. أسر تاه في رموش عيونها. أسيل بخجل: احم احم. أسر بعد عنها. أسر ببرود: سها مشغولة دلوقتي تقدري تتفضلي. سها خرجت بغضب وغيظ. أسيل: احم ممكن تندلي ممرضة توديني أوضة عشق. أسر: تمام. استوووووووووت.

أسر الفيومي: 30 سنة بارد برود. بس قمر عيونه زرق وشعره بني غامق وجسمه رياضي. دكتور شاطر ومشهور وعنده شركة أدوية. أسر خرج وسابها وبعتلها ممرضة. الممرضة ساندت أسيل وودتها أوضة عشق. ودخلت أسيل وهي بتعرج: عجّزت بدري بدري يا عشق. آه ياني ياما آه على شبابك اللي راح يا لوزة. عشق بضحك: مالك يا بت الدكتور قالك إيه صحيح.

أسيل: يخربيت بروده بجد غلس وبارد ديب فريزر بس قمر يخربيت عيونه الزرق قمررررر. آآآآآآآآآآعععع وكله كوم والبت المقشفة دي كوم تاني. أسر كان واقف وسمعها. .... : مقشفة. أسيل بدون استيعاب: آه بت معفنة كده كلها صناعي وحاطة اتنين كيلو دقيق على وشها ولابسة قميص نوم. عشق فضلت تضحك. أسيل استوعبت الصوت. أسيل: يا رب ما يكون اللي في بالي صح. ....... : لا صح. أسيل لفت وشها ليه وشافته. أسيل: اععععععععععععع. استووووووووووب.