رواية عشق الفهد الفصل الرابع والثلاثون 34 - بقلم منة احمد

الدكتورة كتبت لها على خروج وأوصت أن يهتموا بها جيدًا وبأكلها وأن يبعدوا عنها أي ضغط نفسي أو زعل. فهد حاول يقرب من عشق أو يتكلم معها، بس عشق تتجاهله خالص. في بيت عشق: عشق: أنا هطلع فوق عشان أرتاح شوية. فهد: عشق. عشق كانت هتتجاهله وتطلع. فهد مسك إيديها: ممكن نتكلم؟ عشق نفرت إيديها من إيده بغضب: مفيش بينا كلام خلاص، وورقة طلاقي تكون عندي في أسرع وقت. عشق طلعت جري وسابته. سيف: أظن أنت سمعت هي قالت لك إيه.

فهد ببرود: أه سمعت ومش هطلق. سيف بغضب: إيه اللي مش هطلق؟ هي مش عاوزاك. فهد ببرود: وهي ملكي أنا لوحدي وليا، ومش هطلقها. وأنا وهي فرقنا بالموت. محمد: أنا مش عاوز كلام كتير، أنا مش مستعد أخسر بنتي. سامعين؟ وأنت يا فهد هتطلقها لأنك متستهلهاش، ولما كانت في إيدك خسرتها بغباء. سامع؟ هطلقهااا. فهد ببرود: وأنا مش مطلق. فهد سابهم ومشي ببرود. (ملحوظة: زين في مهمة فمش عارف حاجة) مروة: طب نستأذن إحنا بقى.

محمد: مفيش الكلام ده، أنتو هتقعدوا هنا. دي وصية مي وأحمد إني ألاقيكم وتقعدوا معانا في حمايتي. وأنا دورت عليكم كتير بس ملقتكمش، والحمد لله أديكم قدامنا. مروة بحزن ودموع: وهي عايشة كانت دايما واخدة بالها مني، وكانت بتدافع عني على طول لما بابا كان يضربني وتضرب مكاني ساعات. وهي أول حد وقف جنبي، وحتى بعد ما ماتت واخدة بالها مني. وحشتني أوي. عفاف بحزن: ربنا يرحمها. مازن: بس يا عمي مش هينفع نقعد هنا.

محمد: إيه اللي مش هينفع؟ أنتو ليكم شقة هنا، مي وأحمد سيبنهالكم ومقفولة. فوق. كلامي يتسمع. أنتو هتفضلوا قاعدين معانا على طول. محمد سابهم طلع لعشق. عفاف: أنا هخلي الخدم ينضفوها. وأنت يا مازن خد الشباب والبنات. بكرة إن شاء الله روحوا هاتوا حاجتكم، وانهارده خليكم قاعدين هنا لحد ما تنقلوا حاجتكم. مازن هيبات مع زين هو راجع بالليل. وطبعًا عارفين أسيل مع البنات، وعفاف أنتِ عارفة أوضتك اللي هنا.

ميرنا: وهيصاااا وهيصااا. دحنا هنخربها يا عيال. أسيل وهي بتطبل على الترابيزة: لولولولي. وهيصاااااا. وعند بيت أم فروق. منة وفريدة: هاي هاي. ميرنا: والشجرة طرحت برقوق. منه وأسيل: هاي هاي. أسيل: وادحرج وجري. منه وميرنا: يا رومان. أسيل: وتعالي على حجري. منه وميرنا: يا رومان. عفاف: يا رب الصبر. مخلفة مجانين. ميرنا: مش عاجبك طلقني. عفاف وهي بتحدف الشبشب عليها: غوري يا بت. ميرنا بعدت: مجتش فيا. وطلعت تجري.

منة تلفونها رن، فا راحت ترد. منة: الو. زين: يلهوي أحلى الو. منة بضحكة: عامل إيه؟ زين: الحمد لله يا قلبي. وحشتني أوي. منة بخجل: وأنت كمان. زين: يلهوي على الفراولة اللي طلعت ياخواتي. منة: هترجع إمتى النهارده؟ زين: بليل على الساعة 11 كده. إيه عندكم عاملين إيه؟ وكلمتوا عشق؟ منة بحزن واضح: عشق هنا. زين: إيه اللي حصل؟ في إيه؟ منة حكت له كل اللي حصل. منة بحزن: شالت كتير أوي. زين بحزن على أخته (هو بيعتبر عشق أخته)

: ربنا يعينها. هي كويسة دلوقتي؟ منة بحزن: بتضحك وتهزر، بس هي مش مبسوطة وجواها كتير. زين بحزن: طب هقفل دلوقتي. هتوحشني يا جميل. منة: امشي ياض. زين: ياض بحب شقاوة يا ناس... منة قفلت السكة في وشه. زين بصدمة: دي قفلت في وشي. ماشي يا بت يا عفاف لما أجلك. عند عشق: محمد: عاملة إيه يا قلبي دلوقتي؟ عشق حضنته بعياط: مش كويسة خالص. محمد: احكي يا قلبي.

عشق حكت له كل حاجة من أول ما فهد خطفها لحد اليوم، وقالت له إنها اتصابت هي وفريدة. محمد ببعض الغضب: كل ده يحصل ومحدش يقولي؟ ولا كأني عايش؟ عشق: مردناش نقلقك وأنت في المهمة بتاعتك. وسيف وزين كانوا معايا. محمد: وعرفوا مين اللي صوب عليكي أنتي وفريدة؟ عشق: مش عارفة. محمد في نفسه: لو طلع اللي في دماغي صح مش هرحمه. كفاية اللي عملوه زمان. محمد: أنتي عاوزة فهد يا عشق؟

عشق بتردد: مش عارفة. أنا بحبه بس لا مش هتنازل عن كرامتي أبداً تاني. أنا تايها أوي يا بابا. محمد وهو بيمشي إيده على شعرها: نامي يا قلبي نامي. عشق غمضت عينيها في حضنه ونامت على طول من كتر الإرهاق. محمد شالها حطها على السرير ونزل. فهد راح الفيلا، طلع الأوضة وافتكر عشق وإزاي كانت مليا حياته. فهد بحزن: هرجعك وهعمل المستحيل عشان تسامحيني. فهد دخل الحمام وخرج. نام على السرير بإرهاق. في بيت عشق: كانوا اتغدوا وقاعدين.

فريدة: طب أطير أنا بقى. عفاف: تطيري فين؟ فريدة ببعض الحزن إنها هتمشي: هروح. محمد: مفيش الكلام ده، أنتي هتقعدي معانا. فريدة: بس فهد. محمد: متقلقيش أنا هقول له. فريدة: إذا كان كده اديها قعدة. مازن راح باس راس أمه: أنا خارج. مازن بص لسيف: تعالي معايا، هخرج شوية مع صحابي. سيف: لا ماليش مزاج ومش قادر. مازن: ده أنت غلس ياض. سيف: ياض! هو أنتِ منه وأسيل وميرنا نضحوا عليك ولا إيه؟

مازن بضحك: شكلها كده. دول وباء زي فيرس كورونا كده 😂. ميرنا: بس ياض مين دول اللي وباء؟ عشق ببراءة: ده إحنا كيوت خالص. سيف: خااالص. أسيل ببراءة: وطيبين خالص وهاديين وملناش صوت. مازن: أوي أوي يا بت. بتشر منك الهدوء ده. أنتو بتهمسوا مش بتتكلموا. منة: ومش بنعمل مشاكل نهائيًا. سيف: عللللي يدييييي. فريدة بضحكة: والعكس صحيح. عفاف: ده أنتو اللي هياخدكم أبو دعى عليه. ميرنا: مين ده؟ أبو دعى عليه؟ ليلة قدر ساعة مغربيه؟

مروة: أنتي بالذات دعى عليكي لما قال يا بس. ميرنا: طب لي كده طيب؟ مازن: أنا ماشي اتأخرت. أسيل: ما تخلو عندك دم بدل الشربات ده وخرجونا. مازن: لا معطلكمش أنا. مازن مشي. سيف: لا مفيش الكلام ده. في مذاكرة عشان الرحلة ولا نسيتوا؟ فريدة: أنت هتذلنا على الرحلة دي. ميرنا: كل حاجة مذاكرة مذاكرة. إيه مولود بالمذاكرة؟ سيف: مش عاوز كلام كتير. على المذاكرة يلا. عشق: أنا الحمد لله براءة. سيف: مين قال كده؟ أنتي أولهم. يلاااا.

عشق: طب لي كده طيب. البنات قاموا طلعوا يذكروا بعبوس. بليل الساعة 1 ليلاً: خرجت من المستشفى. وكانت ماشية في الشارع. كان فيه تلت شباب باين عليهم عدم الوعي. شاب منهم: ما تيجي يا جميل. البنت خافت وجرت بسرعة. وهما جرو وراها. لحد ما دخلت لشارع مسدود وهما وراها. شاب تاني: مش هتعرفي تهربي. تعالي نقضي ليلة حلوة مع بعض. أنتِ تتبسطي واحنا نتبسط.

أميمة: اععععع. ساااعدوني. بقولك إيه أنت وهو غورو من هنا. أنا مش خايفة منك والله. هصوت وألم الناس عليكم. الشاب وهو بيقرب منها: محدش هينجدك منا. بلاش تتعبي نفسك في الصويت. محدش هيسمعك. وتعالي معانا بالذوق. أميمة كانت بتبعد لورا بظهرها وكان فيه حجرة، فا اتكعبلت فيها ووقعت. أميمة: ااااااااااه. اععععع. ساااعدوني ياااانااااس. ساااعدوني. الشاب قرب منها. أميمة: ابععععد. ساااعدوووني. ياااانااااس. الحقووووني.

الشاب لسه كان رايح يمسكها من شعرها. لقى إيد منعته. ....... : مالك بيها يا روح أمك؟