رواية عشق الفهد الفصل السابع والعشرون 27 - بقلم منة احمد

فريده لقت حد بيشدها، فا غمضت عينيها وحصرها في الحيطة. فريده: امممهممممهممم. ........ : اهدي، ده أنا. فريده سمعت صوته، هي عارفة كويس صوت اللي قلبها بيرفرف لما بتشوفه. (آه، اللي في دماغكم صح؟ 😂 إنهو الحب يا سادة 😂) فريده فتحت عينيها بصدمة. شال إيده من على بقها. فريده: سيف. سيف: قلبه وروحه وعقله وعشقه. فريده تنحت. سيف: مالك يا قلبي، تنحتي ليه بس؟ فريده: أنت سخن ولا إيه يا سيف؟ وحطت إيديها على راسه.

فريده: لا مش سخن.. طب أنا شكلي أنا اللي سخنة. وحطت إيديها على دمغها. فريده: لا مش سخنة، طب في إيه، هو بيتهيأ لي ولا حلم؟ طب. سيف قعد يضحك عليها. فريده بعبوس: أنت بتضحك على إيه؟ سيف: طفلة أوي. فريده بغضب طفولي: لااا مش طفلة. سيف بضحكة: ما هو واضح. فريده: ابعد بقى وسيبني عشان أنزل، ويلا الأكل جاهز. سيف: ابعد، تؤتؤ. فريده: سييييف. سيف: عقله وروحه. فريده: ده بجد؟ سيف: آه... بحبك. فريدة اتصدمت وفتحت بقها بصدمة.

سيف: اقفلي بقك أحسن لك. فريدة قفلت بقها بخجل. فريدة بخجل: طب طب، أوعى. سيف: يلهوووي على الفرولة يا ناس. فريدة وشها كله بقى أحمر من الخجل. منه من تحت: فرررررررريددددددددده فررررريده. فريدة: يلهووو دي منه بتنده، الأكل أوعى يا سيف بقى. سيف: هسيبك بس لسه مخلصناش كلامنا يا قطيتي. فريدة: ماشي، يلا ننزل. ونزلوا. منه: كنتي فين يا بنتي كل ده؟ فريدة بتوتر: كـ كنت بدور على تلفوني ونديت سيف عشان الأكل.

عفاف: طب يلا اقعدوا عشان تاكلوا. وقعدوا ياكلوا. عشق كانت قاعدة جنب فهد. وفريدة جنب سيف وقدامها مازن. ومنه قاعدة جنب زين من ناحية وأسيل من ناحية وقدام أسيل أسر. وعفاف جنبها مروة وجمب مروة مازن. عفاف: صحيح، أنا كلمت جدتكم. عشق: قلت لك أي وحشتني أوي. عفاف: هترجع هي وميمو ومحمد بكرة. عشق بفرح: بجد؟ منه: ميمو ونانا وبابا راجعين وهيصاااا وهيصاااااا لووووولي لوووولي وهيصااااا.

زين: فرقت المجانين اكتملت وشوفوا اللي هيحصل، المقالب ابتدت والمصايب مش هنلاحق عليها. سيف: رئيست المقالب هتشرف. أسيل: اعععععع وهتحلو وهيصااااا. فريدة باستغراب: مين ميمو؟ منه: أختي. فريدة: بجد ليكي أخت؟ منه: أيوه. أسيل بضحكة: الأوزعة. عشق: يلهوي لو سمعتك بتكره الكلمة دي. عفاف بضحك: آه أوي، فاكرة لما فتحت دماغ الولاد في المدرسة عشان قال لها كده.

عشق بضحك: آه، والمدير لما طلبها رحت له وخبطت ودخلت والمدير مشافهاش وقعد يقول هي فين وهي تقوله أنا هنا وهو يبص حوليه ويقول فين، مشافهاش غير لما وقفت له على الكرسي واتصدم لما شافها وقال لها: هو انتي اللي عملتي في الولاد كده؟ قلت له: آه. قال لها: انتي يا دوبكملتش نص شبر؟ وسألها عملتي كده ليه؟ قلت له: عشان بيقولوا لي يا أوزعة. المدير قال لها: لا ملوش حق وقعد يضحك. فريدة بضحكة: ليه بيقول لها يا أوزعة؟

منه بضحك: لما تشوفيها هتعرفي. عفاف لـ أسر: مبتأكلش ليه يا حبيبي؟ الأكل معجبكش؟ أسر: لا والله بجد تسلم إيديكي، الأكل طعمه حلو. قعدوا ياكلوا وخلصوا. ومروة وأسيل وفريدة ومنه وعفاف لموا السفرة. وراحوا قعدوا. فهد جاب لعشق دواها. فهد: يلا خدي الدوا. عشق أخذته بعبوس. عشق: يععع طعمه وحش أوي. عفاف: معلش يا قلبي، بالشفاء. عشق: بصوا بقى، زين وسيف وفهد وأسر ومازن عليهم تظبيط القعدة في السطح. أسيل: وأنا هعمل فشار بالكرميل.

فريدة: وأنا هحضر الشيبسي والشوكولاتات والمقرمشات. منه: وأنا هعمل عصير. عشق: وأنا هدور على فيلم نشغله. فريدة: بس أمانة عليكي ميكونش رعب. عشق: أكيد رعب، إيه هو إحنا ناقصين هم؟ عشق: انطلقوا. عشق خلت منه تجيب لها اللاب. والشباب طلعوا على السطح وفهد شال عشق وطلع بيها. والبنات راحوا المطبخ. وعفاف ومروة قعدوا يتفرجوا على التلفزيون. البنات خلصوا وطلعوا.

السطح كان تحفة، فيه شاشة كبيرة ويشوفوا السما والنجوم، وفي طاولة وطية وفي زرع. عشق شغلت فيلم على الشاشة وكلهم قعدوا. سيف جنب فريدة. فهد جنب عشق. ومنه جنب زين. وأسيل جنب مازن وأسر. أسيل: تعالوا ناخد صورة. وتصوروا. وقعدوا يتفرجوا على الفيلم. أسيل: يابت ده بيحبك، اه واقفي وااافقيييي. مازن: بس يا بت الهبلة. أسيل: هقول لماما إنك بتقول عليها كده. قعدوا يتفرجوا على الفيلم والفيلم خلص. عشق: تيجوا نلعب. كلهم: نلعب إيه؟

عشق: بصوا، هنشغل أغاني تمام وهنجيب كراسي أقل منا في العدد، كرسي ونحطهم جنب بعض وتلفوا حوليهم ونكتب أحكام ولما الأغنية تتطفي اللي مش هيقعد هنسحب حكم ويعمله وهيخرج بره اللعبة ونقص كرسي وهكذا لحد ما نخلص خالص والكسبان يطلب طلب. منه: حلو أوي، هنتسلى. عشق: أنا اللي هشغل وأطفي الأغاني. عشق: والشباب يجيبوا الكراسي من تحت وإحنا هنكتب الأحكام. زين: يبقى رحنا في داهية. الشباب نزلوا جابوا الكراسي وطلعوا. والبنات كتبوا الأحكام.

عشق: يلا نبدأ. عشق شغلت الأغاني. وشوية. وعشق طفت الأغنية وكلهم قعدوا ما عدا فهد. عشق سحبت حكم لفهد. عشق: ارقص سلو مع حد. فهد: إيه الحكم العسل ده؟ فهد راح شال عشق وحط كل رجل من رجليها على رجله وحوطها من وسطها. أسيل: اووووبااا أيوا يا فهد يا جامد. منه شغلت أغنية أطالة. (بتاعت وانت هديت ربنا ليا انت حبيبي وأغلى الناس) (مش عارفة اسمها 😂) فهد رقص بعشق وأسيل صورتهم. وكانوا كلهم بيغنوا مع الأغنية.

وفهد في الآخر شال عشق ولف بيها. عشق بفرح: ااااعععععع. كلهم صقفوا لهم. أسيل صفرت: أيوا يا فهد يا جامد. فريدة لعشق: أيوا يا عم محدش قدك. عشق ضحكت بخجل. فهد نزل عشق. عشق: يلا نكمل. ولعبوا وأسر كانت الخسرانة. عشق سحبت لها حكم. عشق: العبي خمسين ضغط. أسر: ماشي. ولعبت ضغط. زين: أيوا يا جامد. أسر خلص لعب الخمسين ضغط. منه بصدمة: ده أنا مبكملش الخمسة وبفصل. زين: ويا ريتك بتلعبيها صح أصلاً. أسيل بضحكة: حصل.

ولعبوا وكان الخسرانة أسيل. أسيل بعبوس: ااعععع لااا. عشق سحبت حكم. عشق: كلي ليمونة يا أسيل. أسيل: يععع لا ونبي مش بحبه، اعفو عني. عشق: نعفو عنها. زين: لاااا كده عنصرية. أسيل: وانت مالك ياض ده انت غلس. عشق: خلاص نسحب حكم تالت. عشق سحبت حكم تاني. عشق: كلي معلقة كمون. أسيل: ده إيه الحظ المهبب ده بس أععع. أسيل أكلت نص معلقة كمون وشربت وراها ميه على طول. أسيل: طعمه وحش أوي. زين: أكلتي نص بس على فكرة.

أسيل: اعععع مش هاكل تاني والله طعمه وحش أوي. عشق: خلاص كده بره فهد وأسيل وأسر، فاضل منه وسيف ومازن وفريدة. ولعبوا وكانت الخسرانة منه. منه: لا كده ظلم والله، هو قعد مكاني أععع. سيف: هو إحنا في حضانة يا بنتي؟ أنا اللي قعدت الأول. عشق سحبت حكم. عشق: غني. منه: ماشي. منه: احم احم احم. سيف: متنجزي يختي، بتحضري تعويذة؟ منه: بس ياض، إيه فهمك أنت.

منه بغني: بتونس بيك وانت معايا، بتونس بيك وبلاقي في قربك دنيايا، بتونس بيك وانت معايا وبلاقي في قربك دنيايا، لما تقرب أنا بتونس بيك، وأما تبعد أنا بتونس بيك، وخيالك بيكون ويايا ويايا، وإن جا صوتك صوتك بيونسني، وهواك في البعد في البعد بيحرسني، والشوق ينديلك جوايا، وأنا وأنا وأنا أنا أنا أنا بتونس بيك وانت معايااا. كلهم صقفوا لها. منه: شكراً شكراً، لا داعي للتصفيق. فريدة: بجد والله صوتك حلو، بسم الله ما شاء الله.

أسيل: بجد صوتك حلو، أنا صورتك وهنزلها على النت هتجيب لك بالهبل. منه: اشطات وهبقى مشهورة لوووولولي😂. عشق: صحيح يا بت ابعتي لي كل الصور والفيديوهات اللي صورتيها. أسيل: خلخوصة (خلصانة) عشق: نكمل. ولعبوا. ومازن اللي خسر. عشق سحبت حكم. عشق: ارقص سلو مع حد. مازن أخذ أسيل ورقص معاها. أسيل: شلني يا عبده. مازن شالها ولف بيها. أسيل: اععع. أسيل: حبيب قلبي أنت، يخليك لي يا رب. وكان فيه حد هيولع من الغيرة.

عشق: كده فاضل فريدة وسيف. ولعبوا. وفريدة وسيف قعدوا في نفس الكرسي جنب بعض. عشق: هنعيد تاني. ولعبوا وكان سيف الخسران. فريدة قعدت تنطط: اهاااااااااي 🥳🥳🥳🥳🥳🥳 هيصااا وكسيت هيصاااا وكسيبت. عشق سحبت حكم. عشق: تجيب لنا بيتزا من بره على حسابك. سيف: ماشي، أنا هفلس على إيديكم. عشق: وانتي يا فريدة هتطلبي طلب. فريدة: نسافر أي حتة يكون فيها بحر ونقضي أسبوع أو اتنين فيها زي رحلة كده لما جدة عشق وعمو محمد وميمو يرجعوا. إيه رأيكم؟

عشق ومنه وأسيل في صوت واحد: هو ده الكلام. سيف: والكلية يا هاوانم اللي نسيتوها. أسيل: صحيح، هما أصلاً عاملين رحلة في الكلية كمان شهر للساحل. منه: آه صح، وقالوا عادي لو جبنا قرايبنا. سيف: خلاص نطلع مع رحلة الكلية وتكون عشق اتحسنت شوية، بس خلال الشهر ده تذاكروا كويس أوي انتوا الأربعة غير كده مفيش رحلات. عشق: خلصناا. أسيل: بشياكة. منه: تعالوا ننزل تحت. ونزلوا كلهم. مروة: يلا بينا عشان نروح. عشق: باتوا معانا يا خالتو.

أسيل: آه بالله عليكي يا ماما. منه: آه يا رورو خليكم. عفاف: آه خليكم. مازن: خلاص خلينا بيتين يا ماما. مروة: خلاص ماشي. أسر لنفسه: بيقول لها يا ماما، هما إخوات ولا إيه؟ يا رب يكونوا إخوات. أسر: طب أستأذن أنا بقى، الوقت اتأخر وشكراً على اليوم الجميل ده. سيف: يعم خليك بات معانا النهاردة. عشق: أيوا يا أسور خليك بات. أسر: بس. عفاف: مابسش، هتباتوا معانا النهارده. ويلا العشا جاهز. راحوا اتعشوا وخلصوا.

عشق بنوم: خلاص مش قادرة، فصلت، عايزة أنام. فريدة ومنه وأسيل: وأنا. عفاف: سيف خد مازن وناموا في شقتك، وزين خد أسر وباتوا في شقتك، وعشق وفهد يناموا في أوضت عشق اللي هنا، وانتي يا فريدة عارفة أوضتك، ومنه خدي أسيل وشوفي لها الأوضة اللي تعجبها، وأنا ومروة هنبات هنا. وراحوا يناموا. في أوضة عشق. عشق: أنت هتنام هنا؟ فهد كان نايم على السرير. فهد: آه. عشق: طب وديني على الكنبة. فهد شدها ونيمها في حضنه. عشق بخجل: فهد.

فهد وهو مغمض عينه: نامي يا عشق. الصبح. ................... : يا ناااس يا لي هناااااااااااااا يااااااا فوووووفهههههه ياااعشققققق يااااامننننننننه.