رواية عشق الفهد الفصل السادس والعشرون 26 - بقلم منة احمد

فهد: عشششششق فهد شالها دخلها أوضة. وأسَر دخل وراه، وكلهم دخلوا. أسَر كشف على عشق. أسَر: هجمتها ذكريات قديمة، جا لها انهيار عصبي. أنا عطيتها مهدئ، هتفوق كمان شوية ومش هتكون فاكرة حاجة من اللي حصل. هي الحالة دي بتجي لها على طول. فهد: حصل معاها كده قبل كده وهي نايمة، كانت بتهلوس وتقول: ابعدوا عني، وابعدوا عن ماما، وتنادي عليهم. أسَر: حصل معاها حاجة تخص ولدها ووالدتها، أو اتعرضت لحاجة؟

سيف بحزن: هي الحالة دي بقت بتجيلها بعد ما اتخطفت وهي صغيرة. ودورنا عليها كتير بس معرفناش نوصل لها، وبلغنا الشرطة وملقوهاش. وبعد خطفها بأسبوع ماما اختفت، وبابا فضل يدور عليها وبلغنا الشرطة. وبعد اختفاء ماما بيوم، أنا لقيت عشق مرمية على باب البيت. وبابا حاولت أوصله معرفتش. وبعديها بيوم وصلنا خبر موت بابا وماما، وإنهم عملوا حادثة بالعربية وماتوا. وعشق بعد ما فاقت، جالها حالة وقعدت تصوت وتتحرك بهستيرية وتقول كلام بهلوسة.

فقدت النطق سنتين، وكانت بيجيلها حالة وتقعد تصوت وتتحرك بهستيرية. وفضلت كده لمدة شهر، وعرضناها على دكاترة كتير، وكانوا بيقولوا دي حالة نفسية وفي صدمة كبيرة حصلت لها وخلتها تفقد النطق. وكنا كل ما نسألها عن اللي حصلها تقعد تصوت وتتحرك بهستيرية. ومرة حاولت تموت نفسها. وبعد سنتين، في يوم كنت هعمل حادثة عربية، كانت هتخبطني. وهي اليوم ده اتكلمت

وفضلت تنادي باسمي وتقول: لا متسبنيش، أنت كمان زيهم. والحمد لله محصليش حاجة، وهي رجعت تتكلم تاني. بس الحالة دي كانت بتجيلها لما تفتكر بابا وماما، أو حد يتكلم عنهم. وعرضناها على دكاترة، والحمد لله الحالة دي بقالها كتير مش بتجيلها وبقت كويسة. أسَر: طب انتوا بعد ما بقت كويسة ومش بتجيلها الحالة، محاولتوش تعرفوا إيه اللي حصل معاها، أو تسألوها، أو تعرضوها على دكتور نفسي؟

سيف بحزن: عرضناها على كذا دكتور نفسي، مرضيتش تتكلم خالص، ومردتش تروح له تاني. وأنا خفت أضغط عليها، الحالة ترجع لها تاني. فهد بشك: أنت متأكد إن والدك ووالدتك ماتوا في حادثة، مش حاجة تانية حصلت لهم؟

سيف: الشرطة قالت إنهم عملوا حادثة بالعربية بتاعت بابا، وإن العربية ولعت بيهم. ولقوا جثتين في العربية والجثتين محروقين. والطب الشرعي أثبت إن الجثتين نفس مواصفاتهم، وإن سبب الحادثة إن الفرامل مكنتش شغالة. وإن في عربية خبطت العربية، والسواق اللي كان سايقها مات. فهد بغموض: في حاجة في الموضوع ده. أسيل: آه، في حاجة بتربط بين اللي حصل لعشق وأهلها واختفاء خالتو.

منة بتفكير: ممكن يكون إن الحادثة كانت مقصودة، وحد حاول يقتلهم، وفك الفرامل وخلى حد يخبطهم. فريدة: آه، احتمال. أسيل بتفكر: وإن اللي خطف عشق هو اللي ورا اختفاء خالتو والحادثة. فهد: ممكن، في حاجة بتربط بين اختفاء مامت عشق وموت أهل عشق وعشق والصدمة اللي حصلت لها والحالة اللي بتجيلها. كلهم مرتبطين ببعض. زين: آه، احتمال كبير. وكمان الكلام اللي بتقوله لما الحالة بتجيلها، كانت بتقول: ابعدوا عن مامتها، وبتنادي على باباها،

وبتقولي: الحقنا، وسيبوا ماما، وكلام غريب. فهد: آه صح، أنا سمعتها بتقول قبل كده كذا مرة وهي نايمة، وكانت بتهلوس كلام تاني. مازن: لازم نعرف إيه اللي حصل مع عشق خلال خطفها، ومين اللي خطفها. فهد: زين، تعرف تجيب ورق الطب الشرعي والحادثة؟ زين: ممكن، بس صعب قوي، عشان بقالها سنين ياما. فهد: حاول، عشان ده ممكن يفيدنا جدا. فريدة بهمس لهم: هووي، اسكتوا، عشق بتفوق. عشق فاقت. عشق فتحت عيونها: أنا فين؟ أسيل: إنتي شايفة إيه؟

عشق: خير، اللهم اجعله خير. شايفة أسود في أسود يا أختي. أسيل: حالتك خطيرة يا نوسة. عشق بخضة مزيفة: يلهوووتي، يعني هموت. منة: لا مش للدرجة دي يا راجل، هي صينية مكرونة بالبشاميل من بتاعت فوفه وهتشوفي كل الألوان. عشق: آه، ويا سلام بقى لو في ورق عنب. زين: يخربيتكم، همكم على بطنكم. منة وفريدة وأسيل وعشق في صوت واحد: بس بااااض. زين بخضة: بسم الله الرحمن الرحيم، الأربعة اتفقوا عليها. يلهوووي، ده أنا شكلي هكون من الشهداء.

فريدة: سلم على الشهداء اللي معاك. عشق بصت على مروة، لقتها بتعيط: خالتو القمر بتعيط لي بقا؟ مروة مسحت دموعها: ولا حاجة يا قلب خالتو. عشق: طب تعالي هاتي حضن. مروة راحت حضنتها. عشق بدموع: تعرفي، انتي شبهها، بتفكّريني بيها. مروة بدموع: وانتي شبهها أوي، كأنها انتي، نفس الشكل، حتى نفس طبعها ومرحها وكل حاجة. أسيل

بمرح لإخراجهم من هذا الجو: انتوا هتقلبوها نكد، عيلة نكدية، انتوا تاخدوا جائزة نوبل في النكد، بجد أنا حيه غلطة في العيلة دي. مروة: اخرصي يا زفتة. أسيل: أهم حاجة حب الأم، شيفين بتحبني إزاي. مازن: آه يختي، شيفين، من حبها فيكي عايزة ترميكي من البلكونة. أسيل: هو انتوا لي حاسسيني إنكم مش ضنايا وأنا مش من أهلكم؟ سيف: ده اللي هو إزاي؟ أسيل: زي السكر في الشاي. سيف: يخربيت ظرافتك.

أسيل: ابقى تعالي كل يوم. صحيح يا فوفه، أنا شامة ريحة فراخ بالبطاطس، صينية مش قادرة أقولك ريحتها دخلت قلبي كده. عفاف بضحكة: آه. أسيل: طب مش هتاكلونا ولا إيه؟ فريدة ومنة وعشق في صوت واحد: ولا إيه. وضحكوا. عفاف: الأكل جاهز خلاص، فاضل بس تحضير السفرة. أسيل قامت واقفت وسندت على العكاز: يلا يا بنات نحضر السفرة. منة قامت واقفت: أنا اللي هرص الأطباق. فريدة قامت واقفت: وأنا هاجيب الشوك والسكاكين والمعالق وهرصهم.

أسيل: وأنا هأشرف على حط الأكل. عفاف: وأنا هعمل إيه؟ مروة: وأنا؟ أسيل: انتوا اقعدوا مرتاحين، واحنا هنعمل كل حاجة. زين: أوعوا بس تاكلوا الأكل في المطبخ. أسيل: هو الكائن اللي بيتكلم ده مين؟ زين: أعرفك بنفسي يا قمر، أنا بقى ابن عم البت عشق وسيف ومنة. منة: و متبرين منه. فريدة: قصف جبهة. زين بحزن مصطنع: كده يا منونتي، أخص عليكي، ده أنا حتى هبقى جوزك في المستقبل. عشق: جوز مين ياض؟ هو أنا كنت وافقت؟

وبعدين معندناش بنات للجواز. زين: ملكيش دعوة انتي، فوفه موافقة صح يا فوفه؟ عفاف بضحكة: صح. عشق وأسيل وفريدة بصوا لبعض وقالوا في صوت واحد: بس احنا مش موافقين. زين: هتجوزها برضو. سيف: وأنا أخوها ومش موافق، مفيش جواز. زين: وربنا، هخطفها وهتجوزها برضو، غصب عنكم. زين بص لمنة وقال: هتجوزك يعني هتجوزك. منة اتكسفت ووشها بقى أحمر. زين: يلهوي على الفرولة اللي بموت فيها. أسيل: يمحنو. أسيل شدت منة: يلا يا أختي قدامي.

أسيل ومنة وفريدة راحوا المطبخ. سيف: وأنا هطلع أغير، ولما تخلصوا ابقوا نادوني. زين: وأنا هطلع أغير ونازل. سيف وزين خرجوا من الأوضة ومشوا. أسَر تليفونه رن. أسَر: عن إذنكم، هرد على التليفون بره. عفاف: براحتك يا حبيبي، البيت بيتك. أسَر خرج يرد على تليفونه. عفاف: تعالي يا مروة، نتفرج على التليفزيون لغاية ما يخلصوا، ونفتكر أيام زمان. مروة: يلا يا أختي. عفاف ومروة مشوا. فهد لمازن: إيه، وأنت مش ناوي تهوينا؟

مازن: لا، قاعد مع بنت خالتي وأختي حبيبتي. عشق: قلب أختك. فهد بص لها بغضب وغيره، وعشق سكتت. فهد: هتغور ولا أغورك بنفسي؟ مازن بخوف مصطنع: طب، وعلي إيه، الطيب أحسن. مازن مشي شوية ووقف على الباب. مازن: محتاجة حاجة يا قلب أخوكي؟ عشق: سلامتك يا قلبي. مازن مشي. فهد بغضب وغيره: قلبك، هه. عشق: آه، أخويا. فهد بغضب وحدة: لمي الدور يا عشق، أنا بس اللي قلبي، فاهمه. عشق مردتش. فهد قرب منها وبقى وشه قدام وشها. فهد: فاهمه؟

عشق بدون وعي: هاااا. عشق فاقت: أنا عايزة آخد شور وأغير هدومي، نادولي فوفه. فهد: طب ما أنا موجود، زي جوزك حتى. عشق: فهههههد، نديييلي فووووفه. فهد بصحكة: حاضر، خلاص، متصوتيش. فهد قام شالها. عشق اتخضت. عشق: أنت بتعمل إيه؟ نادولي قولتلك نادولي فوفه. فهد: حاضر، هناديلك، هدخلك الأول الحمام. فهد دخلها الحمام. عشق: يلا بقى نزلني وروح نادي فوفه. فهد نزلها وقعدها على طرف البانيو. فهد: مصممة بردو على فوفه؟ عشق: يلااا يا فههههد.

فهد مشي. عشق: قليل الأدب. فهد وقف على الباب وقالها: عارف. فهد خرج وراح قال لعفاف إن تروح تساعد عشق، وعفاف راحت هي ومروة يساعدوها. وبعد شوية عشق خلصت، وعفاف ومروة سندوها لحد السرير، وفهد راح شالها وخرجها بره، وقعدوا. ومازن وأسر قعدوا معاهم، وزين نزل قعد معاهم. فريدة جت عليهم: يلا، السفرة جهزت. فريدة: أنا هطلع أجيب تليفوني من فوق، وانتوا روحوا. عفاف: طب، نادي سيف معاكي. فريدة: حاضر.

كلهم راحوا على السفرة، وفهد شال عشق وقعدها على السفرة وقعد جنبها. وفريدة طلعت تجيب تليفونها وتنادي سيف. فريدة طلعت جابت تليفونها من شقة منة. وطلعت عشان تنادي سيف، فا وهي طالعة لقت حد بيشدها، وإيد بتتحط على بقها. فريدة: اامممممهههمممم. ...... : هدي، ده أنا.