رواية عشق الفهد الفصل السادس والأربعون 46 - بقلم منة احمد

نور بصدمة: ملاااااااااااااااااك هشام لحقها قبل ما تقع على الأرض. نور بخوف: بسرعة شيلها نوديها المستشفى. هشام شال ملاك وخرج بيها من الملاهي وراح حطها ورا في العربية. نور ركبت جنبها وهشام ركب وساق بسرعة. بعد شوية وصلوا المستشفى. هشام نزل وشال ملاك ودخل بيها المستشفى. هشام: دكتتتتوووور بسرعة. الدكتور جه وحطوها على عربية النقل ودخلو بيها أوضة. هشام ونور فضلوا بره. عند زين.

زين شاف كاميرات المراقبة وعرف إنها سمعته هي والدكتور. خرجت بعدها من المستشفى وركبت تاكسي. زين بخوف: هتكون راحت فين؟ كلهم في البيت ومش هناك بس معرفتهمش حاجة.. يارب تكون بخير. سيف: أنا عايز أعرف إيه اللي حصل يخليها تخرج من المستشفى كده. زين حكاله على كل حاجة. سيف بصدمة: عشششق. زين بحزن: آه والدكتور قال إنه تخيل وهي سمعته وهو بيقول وبعدها خرجت من المستشفى. مازن: يعني منه بتتكلم دلوقتي؟ زين: آه الحمد لله.

سيف: هي معاها تليفونها؟ زين: آه بس مش بترد. مازن بفكرة: اتعقب التليفون. زين: إزاي مجتليش الفكرة دي؟ سيف: عشان أنت غبي انجز. زين: رن على حد يتعقب تليفون منه عشان يعرف مكانها. فهد أخد منه وراحوا الفيلا. فهد لداده نعمة: خديها يا داده أوضة فريدة تستريح. فهد لمنه: وشوية وهأخذك ونروح لعمي محمد. داده نعمة: حاضر.. تعالي يا حبيبتي. داده نعمة أخدت منه وطلعوا على فوق ودخلوا أوضة فريدة. داده نعمة: محتاجة حاجة يا بنتي؟

منه: لا شكراً. داده نعمة: العفو يا بنتي لو احتاجتي أي حاجة قوليلي. منه بابتسامة بسيطة: ماشي. داده نعمة خرجت من الأوضة ومنه دخلت الحمام. فهد طلع الأوضة بتاعته. دخل الأوضة وكانت كلها مليانة بصور عشق وهي بتضحك وهي نايمة وصور كتير ليها في كل حتة على الحيطة. وكان فيه صورة كبيرة ليها فوق السرير. فهد بص للصورة الكبيرة: وحشتيني أوي يا عشقي.... انتي فين يا قلبي؟ عايشة إزاي؟ بتاكلي كويس ولا لأ؟ كويسة ولا لأ؟

فهد بفكرة إنها مش كويسة أو فيها حاجة قلبه وجعه. فهد: لا لا هي بخير والله. لو حد أذاها أو كان سبب في أذيتها ما أنا رحمة. فهد دخل الحمام. عند ملاك. هشام ونور كانوا واقفين بره مستنيين الدكتور يخرج. الدكتور خرج. نور بلهفة: هي كويسة؟ الدكتور: آه الحمد لله. إرهاق شديد وضغط على المخ وهي ضعيفة ومحتاجة تغذية. ياريت تهتموا بأكلها. هشام: تمام. ينفع تخرج النهارده؟ الدكتور: آه واهتموا بأكلها كويس. الدكتور مشي وسابهم.

نور دخلت لملاك. وهشام جاته مكالمة شغل ورد. وخلص وبلف خبط في حد. هشام: آسف جداً. سيف: ولا يهمك. سيف مشي وهشام دخل لملاك. سيف راح أوضة مريم دخل. لقى فريدة قاعدة. فريدة: لقيتوها؟ سيف بيأس: لا. زين اتعقب تليفونها ومستني يعرف مكانها. فريدة بخوف: لي؟ هي مش في المستشفى؟ سيف: آه. فريدة: إزاي راحت فين؟ زين دخل عليهم هو ومازن. سيف: وصلت لمكانها. زين كان لسه هيرد بس سمع صوت وصول رسالة. زين فتح التليفون. زين بصدمة: فيلا فهد.

سيف باستغراب: مالها فيلا فهد؟ زين: منه في الفيلا بتاعت فهد. سيف فهم هي راحتله ليه. سيف: طب يلا نروح نجيبها. فريدة: وأنا هاجي معاكم عشان هفضل هناك يومين مع فهد. مازن: وأنا هروح أشوف أميمة وهطلع على الشركة عشان عندي شغل. وانتو ابقوا طمنوني. سيف: ماشي. سيف وفريدة وزين خرجوا من المستشفى. سيف وفريدة ركبوا عربية سيف. وزين ركب عربيته ومشوا. وبعد شوية وصلوا. في عربية سيف.

سيف: هتكلمني على طول ويومين وهأجي أخدك وخلي بالك من نفسك وخدي أدويتك في مواعيد. ولو حصل حاجة كلميني على طول وكلي كويس. فريدة: إيه كل ده؟ سيف مسكها من خدها: قولي حاضر ونفذي وأنتي ساكتة. فريدة: حاضر علم وسينفذ..... إيه أوامر تانية؟ سيف: لا. نفذي أنتي دول بس. فريدة: حاضر يا سيفو. سيف: حضرلك الخير ياروح قلب سيفو وعيونه. هتوحشيني أوي بجد. مش عارفة هستحمل بعدك عني اليومين دول إزاي. فريدة بحب: وأنت هتوحشني أوي.

زين من الشباك: ما تخلص يا عم الروميو. فريدة خدودها احمرت من الخجل. سيف لزين: ده أنت غلس ياض. سيف لفريدة بهمس: انزلي. باخدودك اللي عايزة تتاكل دي. فريدة نزلت هي وسيف ودخلوا. وداده نعمة فتحتلهم. داده نعمة أول لما شافت فريدة حضنتها بفرح. فريدة: وحشتيني أوي يا داده. داده نعمة: وأنتي أوي يا حبيبتي. كده أهون عليكي؟ فريدة: معلش يا داده متزعليش. أنا جيت هقعد معاكم يومين وهقرفك. داده نعمة بحزن: يومين بس؟

فريدة: تلاتة. أربعة. أسبوع يا ستي ولا تزعلي نفسك. سيف: أسبوع إيه معلش. داده نعمة بصت لسيف باستغراب. فريدة بسرعة وهي بتحاول تغير الموضوع: داده ده سيف أخو عشق. فريدة أكملت بحزن: الله يرحمها. داده نعمة بحزن: الله يرحمها. فريدة: هي منه هنا؟ داده نعمة: آه. زين بسرعة ولهفة: طب هي فين..... منننه مننننننننه. فوق. كانت منه خرجت من الحمام وسمعت صوت زين فنزلت. زين شافها نازلة من على السلم جري عليها.

زين وهو بيتفحصها بعناية: أنتي كويسة؟ فيكي حاجة؟ منه بهدوء: أنا كويسة. زين بزعل: كده تقلقيني عليكي. سيف راح زقه بعيد عنها. سيف: وسع ياض. سيف حضن منه ومشي إيده على شعرها. منه حست بالأمان في حضنه. فهد نزل وراح حضن فريدة. فريدة حست بالأمان لأول مرة وفرحت أوي إنه حضنها. سيف خرج منه من حضنه. وفهد كذلك. فهد: كويس إنكم هنا. يلا تعالوا نتعشى مع بعض. سيف: لا هنمشي عشان فوفا كمان متعرفش إننا هنا أو هنتعشى بره.

فهد: رن عليها قولها. فريدة: آه خليكم. فهد لداده نعمة: الأكل جاهز يا داده. داده نعمة: أيوا يا بني. فهد: يلا يا جماعة. وراحوا ياكلوا. وسيف رن على عفاف وقالها. وعفاف فرحت إنهم قربوا من فهد. وبعد ما خلصوا أكل قعدوا مع بعض شوية يتكلموا. سيف: نستأذن إحنا بقى. فهد: خليكم بيتين انهارده معانا. سيف: لا مرة تانية إن شاء الله. سيف وزين ومنه مشوا. بعد ما مشوا. فهد لفريدة: إيه رأيك نتفرج على فيلم؟ فريدة بفرح: فكرة تحفة.

فهد: طب روحي أنتي اعملي الفشار وهاتي العصير والشوكولاتة اللي بتحبيها. فريدة بحزن: بس أنا يا فهد عندي السكر ومينفعش آكل شوكولاتة. فهد راح حضنها. فهد: عارف يا قلبي الشوكولاتة دي من غير سكر ومش هتأذيكي وطعمها حلو وهتعجبك. فريدة بفرح: بجد يعني هاكل شوكوولاته؟ فهد: آه يا قلبي... يلا بسرعة قومي هاتي الحاجة وأنا هشوف فيلم حلو. فريدة قامت بسرعة: فوريرة. فهد ضحك عليها وشغل فيلمه.

فريدة جابت الفشار والشوكولاتة والعصير وشيبسي وقعدوا يتفرجوا. وفهد خد فريدة في حضنه وهما بيتفرجوا. فهد لنفسه: عارف إني كنت مقصر معاكي جداً و عمري ما عملتك زي بقية الأخوات أو كنت جنبك. أنا آسف وهعوضك عن كل حاجة. ربنا يخليكي ليا. (نسيبهم بقى يتفرجوا على الفيلم ويفرحوا شوية 😂) في بيت عشق. كانوا وصلوا. وكان محمد وعفاف ومروا مش موجودين. كانوا عند ميرنا في المستشفى. وأسيل كانت لسه في المستشفى.

منه: أنا هطلع أنام عشان تعبانة. زين بلهفة: تعبانة؟ مالك فيكي حاجة؟ حاسة بحاجة؟ منه: اهدا أنا كويسة بس عايزة أنام ومصدعة شوية عادي. زين براحة: ماشي يا قلبي روحي نامي وارتاحي. منه طلعت. عند ملاك. كانت خرجت من المستشفى وراحوا الفيلا. وكانوا قاعدين مع بعض. هشام لنور: بكرة في اجتماع مهم في الشركة مع شركة فهد العمراني. نور: عارفة. وكل حاجة جاهزة والصفقة هتم إن شاء الله. ملاك: انتوا بتشتغلوا؟ هشام: آه عندنا شركات.

ملاك: هو أنا ممكن أشتغل معاكم؟ هشام: آه أكيد. بس هتعرفي؟ ملاك: آه إن شاء الله. هتعلم بسرعة. حنان: بس أنتي يا بنتي تعبانة ومحتاجة راحة. ملاك: أنا زي القرده يا حنون وحابة أشتغل وأختلط بالناس. حنان لملاك: بس مش تتعبي نفسك. ووقت ما تحسي إنك تعبانة تقولي لهشام. ملاك: حاضر.. خلاص هروح معاكم بكرة. نور بفرحة: اهااااااي هشتغل أنا وأنتي مع بعض.

هشام لملاك: مش كل الناس تتعاملي معاهم وتختلطي بيهم أو تصدقيهم. إن فيه ناس مش كويسة. وأنتي ونور خليكم مع بعض على طول. ملاك: ماشي. نور: مين قالك إني هسيبها أصلاً. ملاك بصتلهم بحب: بجد شكراً جداً على اللي بتعملوه معايا. حنان: أنتي بقيتي منا خلاص وهتفضلي معانا لحد ما ترجعلك ذكراكي وتعرفي مين أهلك. حتى لو مكنوش موجودين إحنا أهلك وهتفضلي معانا وانتي زي نور وهشام. نور: آه. ملام حنون صح؟ وأنا حبيتك أوي.

ملاك: وأنا والله حبتكم أوي. حنان: يلا قوموا ناموا عشان تقدروا تصحوا. وكل واحد طلع أوضته ينام. استووووووووب. هشام الجبالي: 28 سنة. طويل القامة. جسمه رياضي. عيونه عسلي وشعره أصفر وبشرته قمحية. ماسك الشركات بتاعتهم مع أبوه. ونور شغالة معاهم. واليوم عدى. وأسيل ومحمد وعفاف رجعوا البيت. لكن لسه ميعرفوش إن منه رجعت تتكلم. تاني يوم الصبح. عند ملاك. صحت من النوم ودخلت الحمام أخدت شاور وخرجت لبست الهدوم اللي نور جبهالها.

وكانت عبارة عن بنطلون أبيض وطوب أبيض وجاكت بينك وهيلز بينك. لابستهم وسابت شعرها مفرود. نور دخلت عليها الأوضة. وكانت لابسة بنطلون أبيض وطوب أبيض وجاكت أزرق وكانت فارده شعرها. نور: اش اش اش. إيه الحلاوة دي؟ ملاك بابتسامة: دي حلاوتك أنت يا عسل. نور بضحك: طب يلا عشان نفطر ونمشي عشان منتأخرش على الاجتماع. ونزلوا. حنان لما شافتهم قالت: بسم الله ما شاء الله قمرات. نور: والله ما في قمر غيرك أنت يا جميل.

حنان بضحك: يا بت يا بكاشة.... يلا تعالوا افطروا. هشام نزل وكان لابس بدلة رصاصي بقميص أبيض. هشام: صباح الخير. الكل: صباح النور. حنان: يلا يا حبيبي تعال كل. وقعدوا ياكلوا. وخلصوا ومشوا طلعوا على الشركة. عند فهد. فهد صحي على صوت رنة تليفونه. فهد رد وكان محمد صحبه. فهد: الو. محمد: أنت لسه نايم؟ قوم هنتاخر على الاجتماع اللي في شركة الجبالي. فهد: أنت عارف إني مش بتأخر على مواعيدي. ورق الصفقة جاهز؟ محمد: آه كل حاجة جاهزة.

فهد: تمام.. سلام. فهد قفل معاه ودخل الحمام أخد شاور وتوضى وخرج. صلى ولبس بدلة كحلي ورفع شعره لفوق ولبس ساعة وحط البرفيوم بتاعه. ونزل. فهد لداده نعمة: صباح الخير. داده نعمة بابتسامة: صباح النور. فهد: هي فريدة لسه نايمة؟ داده نعمة: أيوا. تحب أصحيه؟ فهد: لا خليها. وأنا رايح الشركة وهأجي عشان أتغدى معاكم. داده نعمة: تروح وتيجي بالسلامة يا حبيبي. فهد: الله يسلمك. داده نعمة: طب مش هتفطر؟ فهد: لا هبقى أفطر في الشركة.

فهد مشي وخرج من الفيلا وركب العربية. فهد للسواق: على شركة الجبالي. السواق اتحرك. قدام شركة الجبالي. عربية هشام وصلت. هشام نزل بهيبة. ونور وملاك نزلوا. ملاك بصت للشركة بانبهار. ملاك بانبهار: دي كبيرة أوي. هو فيه شركات كده؟ نور: آه وفي أكبر من كده كمان. شركة فهد العمراني أكبر من دي بكتير. هشام: يلا ندخل وكفاية رغي. نور مسكت إيد ملاك ومشوا جنب هشام ودخلوا.

الموظفين اتصدوا من الشبه الكبير اللي بين ملاك ونور واستغربوا مين دي وإزاي شبهها كده. بنت بصدمة: إيه ده؟ دي نسخة من أستاذة نور.... مين دي؟ بنت تانية: أكيد أختها دي شبهها أوي. بنت: ممكن. ده أكيد بس إزاي حازم بيه مش عنده غير نور وهشام؟ بنت: الله أعلم. هشام ونور وملاك دخلوا مكتب هشام. ملاك: هو فيه حمام هنا؟ نور: آه. أهو. وشاورتلها على الحمام اللي كان في المكتب. ملاك: ماشي. ملاك مشت دخلت الحمام. فهد وصل قدام الشركة.

ونزل بهيبته المعتادة. فهد لبس نظارته ودخل الشركة. البنات كانت بتتهامس على وسامته وجماله. فهد راح مكتب هشام. فهد للسكرتيرة: أنا فهد العمراني. فيه اجتماع مع أستاذ هشام. السكرتيرة: أيوا أيوا اتفضل. هشام بيه في انتظارك. فهد دخل المكتب. وكان هشام ونور قاعدين. فهد شاف نور وافتكر عشق. وإد إيه نور شبه عشق جداً. فهد ببرود سلم على هشام. هشام: أهلاً أستاذ فهد. أنا هشام الجبالي. فهد: أهلاً. تشرفت بمعرفتك. هشام: اتفضل اقعد.

فهد قعد. ملاك خرجت من الحمام في الوقت ده. ملاك وهي مش واخدة بالها من فهد: بت يا نور. فهد سمع صوتها اتصدم وبص لها بسرعة. ولما شافها اتصدم أكتر. وقام وقف بصدمة. فهد: عششششق.