رواية عشق الفهد الفصل التاسع والعشرون 29 - بقلم منة احمد

الصباح ميرنا: ااااعععععععععععع يلهووووتي الحقوووووني ياألهوووووي يااااااااسيييييييييف اعععععع منهههههههه منه وأسيل وفريدة كانوا في نفس الشقة مع ميرنا، والأوض بتاعتهم جنب بعض. قاموا مخضوضين. أسيل بخضة: إيه في إيه يلهوتي مصيبة؟ أسيل طلعت تجري على بره. والتلاتة اتقابلوا في الطرقة. وجريوا على أوضة ميرنا. ودخلوا عليها الأوضة لقوها واقفة على السرير. أسيل: في إيه؟ ميرنا: اعععع برررص الحقووني.

وبيبصوا لقوا برص كبير فعلاً وشكله يخوف. أسيل ومنه وفريدة بصدمة: برص اعععععععععع. وجريوا وقفوا على السرير. أسيل: ده اهو يلهوي اععععع مشي على الحيطة اععععع الحقووووونااااااا يااامااامااا يااسييييف ياااامااازن. فريدة: ياااااسيف ياااا فهددد الحقووووناااااااااااا. منه: ياااا زييييييننننن يااااامااااا اعععععع. وفي أوضة سيف كان لسه خارج من الحمام ولابس شورت ومش لابس التيشيرت. سمع الزيطة ونزل جري بسرعة. عند عشق

عشق: فههد فهد قوووم ياافهد قوووم بسرعة يااافهدددد. فهد: إيه في إيه وإيه الزيطة دي في إيه؟ عشق: مش عارفة البنات بيصوتوا قوم بسرعة نشوف في إيه يلا. فهد قام شال عشق وطلع بيها بره الأوضة وقابلوا عفاف ومروة. عفاف: إيه الزيطة دي في إيه؟ عشق: مش عارفة البنات بيصوتوا تعالوا نطلع نشوف. وطلعوا فوق. وفي نفس الوقت كان زين نازل جري هو ومازن. أول واحد دخل كان سيف. بقية العيلة دخلوا وراه سيف. وأسيل لبست بسرعة الظنط.

سيف: إيه في إيه؟ فريدة بعياط: اععع ب ببرص اععع. زين: برص. عفاف: طب تعالي يا مروة إحنا نعمل الفطار. مروة: آه يختي خوفتني على الفاضي. عفاف: لا اتعودي على كده لأنهم كلهم شلة مجانين وكل يوم مصيبة شكل. ومروة وعفاف مشيوا. ميرنا: اااااااعععع انتو رايحين فين وسيبنااا اععععععععععع يااامامااااا اععععععععععع. فهد: هو كل ده عشان برص؟ أسيل: آه موتوه. فريدة: لا لا حرام حرام طلعوه بس من هنا.

مازن: ده بجد انتوا صحيتوا البيت كله على صوتكم عشان برص خايفين من برص. أسيل: آه ده برص عارف يعني إيه برص اععععع بسرررع موتوه ابعدوه اعععععععع. عشق وهي بتتحرك بعشقيه: اعععع برررص لاااا نزلووني من هنااا اعععععععع. فهد: اهدي يا بت هتقعي متخفيش. فريدة بعياط: بالله عليكم حد يطلعوه اعععع. سيف: اهدي يا قلبي اهدي متخفيش. منه: موتوه يااسيف اععع. زين: طب إيه. مازن: هنموتو إزاي؟ فهد: طب عن إذنكم أنا بقا أنا ومراتي.

وفهد مشي بعشق. سيف: آه يا ندل خلعت بن الأيه. ميرنا: هو انتوا كمان خايفين من البرص اعععععع. زين: إحنا لا طبعاً ده إحنا مبنخفش من حاجة إحنا بيتخاف مننا بس صح يا رجالة. مازن: صح. سيف: طبعاً يابني هو إحنا إيه حد. أسيل: طب ورونا بقاا. زين بتوتر: أناا أنا آه صح يلهوي أنا عندي مامورية دلوقتي حالا. ومسك تلفونه وحطه على ودنه. زين: أيوا أنا جي حالا جهزوا المدافع والقنابل. ومشي بسرعة. ميرنا: جبان.

سيف: آه يا ندل ماشي يا زين الكلب. سيف بص لمازن ومازن بص له. مازن: هنعمل إيه. سيف: تعالي ورايه. سيف مسك المقشة وقرب هو ومازن. سيف ضربه بالمقشة أول لما جري. مازن جري بسرعة وقف على السرير جنب البنات. مازن: يلهووتي. ميرنا: اعععع حاااسب ياا سيف. أسيل: واضح أوي بجد إنكم مش بتخافوا من حاجة وبيتخاف منكم. منه: نورت يا خويه. مازن: نورك ياختي. سيف موت البرص ومسكهلهم. سيف: عاوزينه.

فريدة بعياط: لااااا اعععع بعدووو ارميه بسرعة اعععععععع. سيف رماه من الشباك. سيف: رميته خلاص أهدي يا قلبي متخفيش بطلي عياط خلاص مات. وراح مسحلها دموعها. أسيل: يععع مسكتوه بإيدك يا معفن. ميرنا: هقول لفوفه وهخليها تدعك إيدك بالكلور والفانش. سيف لمازن: انزل يا خويه انزل. مازن: أنا مخفتش على فكرة ده أنا بس كنت بحمي البنات عشان كده وقفت جنبهم. ميرنا: يا جدع. أسيل: صادق يا اخويه صادق. مازن: الله يخليكي يختي.

فريدة شافت أن سيف مش لابس التيشيرت. فريدة اتكسفت وخبّت عينيها بإيديها: اعععععععع. سيف: في إيه تاني؟ منه: بص لنفسك كده في المراية. سيف بص في المراية. سيف: مفيش حاجة عادي. أسيل: غور ياض استر نفسك. سيف بصدمة: استر نفسي هي وصلت لكد... لا أنا ماشي أحسن من هنا. مازن: خدني معاك. مازن وسيف مشوا. منه: يلا نروح نلبس عشان الكلية. فريدة: إنتي رايحة يا ميمو. ميرنا: أيوان. أسيل: إنتي في كليتك إيه وفي سنة كام؟

ميرنا: في تانية كلية هندسة. فريدة: مدخلتيش طب لي زي منه وعشق؟ ميرنا: لا خدت أنا مليش في إني آدي حقن وكده وقلبي رهيف وبدوخ أصلاً من الدم. أسيل: كلنا كده بس هنتعود عادي هي في الأول كده بس. فريدة: آه بجد أنا بخاف أوي من الحقن أصلاً. منه: متقلقيش في الأول كده بس. فريدة: هو إحنا هننزل تدريب في مستشفى الكلام ده صح؟ أسيل: آه مازن قالي بس مش عارفة هندرب فين. فريدة: طبعاً في مستشفى فهد.

منه: أشطا يلا بينا نغير هدومنا وناخد شور. ومشوا وسابوا ميرنا تغير هيا كمان. وتحت. كان فهد وعشق غيروا هدومهم وكانوا قاعدين. فهد كان لابس بدلة سودة. وعشق لبسة سويت شيرت أسود وتيشيرت وردي بيتي ورافعة شعرها كحكة عشوائية ونازل على وشها خصلات من شعرها. وفوق كانوا البنات خلصوا. منه وأسيل وفريدة وميرنا قرروا يلبسوا شبه بعض. والتلاتة لبسوا دريسات لونها بيبي بلو (لون السما) بس كل واحد شكل مختلف.

بتاع أسيل كان لحد رجلها ولبست عليه طرحة بيضة وحزام أبيض وشوز أبيض. وبتاع منه كان قبل رجليها بشوية ولبست شوز أبيض وعملت شعرها ضفيرة على جنبها. وفريدة لبست شبهها برضو وعملت شعرها ديل حصان جبته على جنبها. ميرنا لبست زيهم وسابت شعرها مفرود. وكانوا حاجة قمر كده. ونزلوا تحت. وسيف نزل وراهم كان لابس بدلة كحلي. وراه كان نازل مازن كان لابس قميص رصاصي وبنطلون أبيض. عشق: اعععع إيه الحلوة دي...

بجد أنا زهقت من قعدة البيت وعايزة أروح الكلية. فهد: هنات يا قلبي وهترجعي تاني الكلية.... صحيح الحرس مستنيكم بره هيبقوا معاكم على طول والسواق بالعربية هيوصلكم ويجيبكم. ميرنا: أنا الحمد لله مش معاكم في نفس الكلية. فهد: ما إنتي بردو كده سواق هيجيبك ويوديكي ومعاكي حراس زيهم برضو. ميرنا: طب أنا مالي طب. أسيل: لي كل ده بس؟ فهد: اسمعوا الكلام وأنتم ساكتين. سيف: صح وصلت لحاجة. فهد بغموض: قريب أوي. سيف: لينا قعدة.

وزين نزل وكان لابس تيشيرت أزرق وبنطلون أسود. وعفاف ومروة جم من المطبخ. ميرنا: إيه ده إنت خلصت المهمة والله وليك واحشة. زين: آه والله كانت مهمة صعبة أوي بس أنا محدش يقدر يغلبني. أسيل: آه ما هو واضح. فريدة بضحكة: ده إنت مسخرة. عفاف: مهمة إيه؟ عشق: إيه اللي حصل؟ أسيل: أصل فوق بعد ما نزلوا زين جتله مهمة خطيرة في نفس اللحظة وأهو قدامنا خلص المهمة في نص ساعة مش عارفة إزاي بيطير ولابس وخلع وسبنا.

منه بضحكة: والله لو بيطير مش هيبقى بالسرعة دي 😂. أسيل: ومازن يا حتة من عنيا عشان البرص جري لما قرب منه هو وسيف بقا جبنا على السرير وقال إيه بيحمينا بلا وكسة إنت وهو. عشق بضحكة: يلهووي 😂مش قادرة. منه: الوحيد اللي موته هو الواد سيف. ميرنا: صحيح يا فوفه ابقي حطيه في كلور عشان مسكته بعد ما موتوه المعفن. سيف: معفن ده إنت ميتمرش فيكم حاجة. عشق: يععع. عفاف: طب يلا الفطار جاهز. قاموا.

وفطروا والفطار مخلّاش من جنان الشلة المجنونة. وخلصوا ومشوا. البنات راحوا كليتهم. والشباب شغلهم. عند ميرنا كانت وصلت الكلية وخلت الحراس بره وهربت منهم. ودخلت وكانت ماشية خبطت في حد. ميرنا: مش تفتح ياعمي إنت حمار. ..... : أعمى وحمار. ميرنا: آه ومتخلف كمان بلاوي بتتحدف علينا على الصبح. ...... : لمي نفسك يا بت إنتي متعرفيش أنا مين. ميرنا: مين يعني وزير الداخلية ولا إيه ولا تفرق معايا. ......... : أنا هوريكي.

ميرنا: أعلى ما في خيلك اركبوه. ومشت وسابته. .......... : والله لوريكي يا شبر ونص إنتي. ميرنا راحت الكافيتريا. ميرنا: قرف كده على الصبح عكر مزاجي المتخلف ده. وجابت بيبسي وشيبسي (العشق 🤤) وراحت المدرج. وكان الدكتور دخل. ميرنا: يلهووتي هي ناقصة هخش وخلاص والي يحصل يحصل. ميرنا دخلت واتصدمت لما شافت الدكتور.