رواية عشق الفهد الفصل الثلاثون 30 - بقلم منة احمد

ميرنا دخلت المدرج اتصدمت لما شافت الدكتور. ميرنا: ياسنه ملحوسه علي دماغي ينهار ملحوس. وهي بتدخل من الباب، الباب خبطها ووقعها على وشها. ميرنا: اه ياني ياما، هو اليوم باين من أوله. اه يا ظهري يا شبابك اللي راح يا ميمو. كل المدرج ضحك عليها. الدكتور: سكوووت. منه بهمس: سكت حسك يا بعيد، كتك نيلة وأنت شبه توم كروز كده. ميرنا: بتضحكو على إيه، كتكم البلاه. الدكتور ببرود لميرنا: مش بدخل حد بعدي. بره. منه بهمس: يخربيت تنحتك.

ميرنا: معلش بقى عديها يا برنس، ده حتى أول يوم ليا. الدكتور ببرود: بره. ميرنا: كويس وفرت. عاوزين حاجة يا شوباب؟ ميرنا للدكتور: في انتين ورا بيحبوا في بعض، خلي بالك. ميرنا: بت يااااا رومااا ابقي كلميني. وخرجت جري، والمدرج كله ضحك عليها. الدكتور: سكووووووت. ميرنا: كتك الارف، دكتور متخلف. مش عارفة مين الحمار اللي عينه دكتور. هعمل إيه دلوقتي، مفيش غير المحاضرة دي عندي النهاردة. ميرنا اتصلت بمنه. ومنه ردت.

ميرنا: أيوا يا برص. منه: إيه يا زفتة. ميرنا: أنا اتطردت يا فوزي. منه: عملتي إيه يا وكسة. ميرنا: لما أجي هبقى أقولك. أنا جيالك. منه: تيجي فين يا بت، أنا عندي محاضرة كمان نص ساعة، والأمن مش هيرضوا يدخلوكي عشان مش طالبة في الكلية. ميرنا: أنا هتصرف وهخش. منه: طب غوري. وقفت التليفون في وشها. ميرنا: دي قفلت في وشي. ميرنا رنت عليها تاني ومنه ردت. ميرنا: سلام. وقفت السكة في وشها. منه

بصدمة وهي تنظر للتليفون: دي متصلة بيا عشان تقولي سلام وتقفل في وشي. المجنونة. فريدة بضحكة: مصيبة ميرنا دي. منه: دي جاية. فريدة: جاية فين هنا؟ منه: آه. أسيل: هتخشي إزاي؟ منه: مش عارفة. أكيد هتعمل مصيبة. عند ميرنا. خرجت واتسحبت من الحرس ومحدش شافها. ميرنا: الحمد لله فلِت من الخنزير دي. ميرنا وقفت تاكسي وقلتله العنوان ومشيت. ووصلت. ميرنا: كام يا سطا؟ السواق: 50 جنيه.

ميرنا: ليه يا عيني، جايبني من الأهرامات. هما 20 جنيه، ده آخري. السواق: لا أنا عاوز 50 جنيه حقي. ميرنا بدردشة: حقك تكسر حائك يا بعيد. السواق: لمي نفسك يا بت. ميرنا: اثبت حيلك. هتاخد 20 جنيه ولا لأ. السواق: هاتيه يا أختي، أهو أحسن من مفيش. ميرنا أعطته الـ 20 جنيه والسواق مشي. ميرنا: سواقين عاوزين الحرق. هعمل إيه؟ هخش إزاي؟ ميرنا جتلها فكرة. ميرنا ابتسمت بخبث. عند منه. منه: ربنا يستر ومتعملش كارثة.

ميرنا من وراها: وأنا وش ذلك برضه يا مونمن. منه بخضة: الله يخربيتك، هتقطعيلي الخلف. ميرنا: فدايا. ميرنا سحبت كرسي وقعدت. فريدة: دخلتي إزاي؟ ميرنا: بطريقتي. منه: عملتي إيه يا وكسة. ميرنا: هقولكم...... فلاش باك. ميرنا راحت قدام الباب وكانت بتدخل. الأمن: فين الكرنيه يا أستاذن. ميرنا عملت نفسها بتدور عليه في شنطيتها. ميرنا: أوبس، نسيتو. الأمن: مينفعش تدخلي.

ميرنا بدراما: أمانة عليك تسبني أدخل. أنا أختي برضه جوه وتعبانة في عقلها وممكن تعمل حاجة في نفسها. عقلها مجنون متخلف مش زينا. ومينفعش أسيبها لوحدها. وأنا كنت بحاسب التاكسي وهي دخلت وسابتني وأنا مش واخدة بالي. الأمن: طب استنى، هرجعلك. ميرنا: حاضر. الأمن مشي. ميرنا اتسللت ودخلت بسرعة وجرت لحد الكافتيريا. باك. فريدة بضحكة: يلهوي عليكي. منه: بقا أنا متخلفة في عقلي ومجنونة. أسيل بضحك: والله مفيش حد مجنون غيرك.

ميرنا: الله يكرمك يختي. منه: وعملتي إيه بقى في كليتك ولحقتي تخلصي المحاضرات؟ ميرنا: محضرتهومش أصلاً. منه: ليه يا مصيبة؟ ميرنا: مفيش واحد متخلف، تنح، رزل، غلس الدنيا كلها فيه، وبرود العالم كله. تحسيه كده تلجتين وديب فريزر في بعض. ومغرور بشكل متخلف. متخلف، متخلف جداً. منه: إحنا مش بنقولك أي مواصفاته. هببلك إيه؟ ميرنا: إنتي متزرزرة ليه عليها؟ منه بغيظ: عملك إيه؟

ميرنا: خبط فيا الأعمى وهزقته ومشيت. روحت المدرج لقيته هناك. فريدة: أيوا، إيه اللي علقوكي بيه بانك محضرتيش المحاضرة؟ ميرنا: ما هو الدكتور المتخلف اللي بيديني المحاضرة. أسيل: أصلاً. ميرنا: آه. وكله كوم ووقعتي قدامه وقدام المدرج كله كوم تاني خالص. أسيل: ينهار فضيحة. ميرنا: آه يختي آه. وطردني المعفن المقشف. بقا في واحد بجمالي ودمي الشربات تطرد كده. أسيل: لا، ملهوش حق. ميرنا بدراما: أنا انمرمت يا حسن.

فريدة: معلش يا أختي، هما اخسرنين أصلاً. ميرنا: آه والله. فريدة: يلهوي، يلا هنتاخر على المحاضرة. منه: طب والبلوة دي؟ ميرنا: هاجي معاكم عادي. منه: هتبقى مصيبة لو اتقفشتي. ميرنا: لا متقلقيش، اطمني خالص. حطي في بطنك بطيخة صيفي. منه: أنا مش خايفة غير من البطيخة الصيفي دي، ربنا يستر. ومشوا راحوا المدرج. ودخلوا قعدوا وشوية والدكتور دخل. ميرنا: إيه بابا كرومبو اللي دخل ده. فريدة بضحكة: آه والله، عندك حق. والدكتور بدأ شرح.

ميرنا: اععععععععععععععععع. الدكتور بغضب: إيه ده؟ إيه الصويت ده؟ ميرنا: صوووورصاااار. اعععع. ووقفت على المقعد، وفريدة كانت قاعدة جنبها، قامت وقفت على المقعد بخوف. فريدة: اعععع. الدكتور بغضب: إنتي مجنونة؟ إيه الهبل اللي بتعمليه ده يا حماره. ميرنا: اسكت وأنت شبهه كده بشنبك ده. الدكتور سمعها واتعصب جداً. ميرنا حطت إيدها على بقها بسرعة. منه: الله يخربيتك، إيه اللي بتقوليه ده؟ وفين الصرصار ده يا زفت؟ ميرنا: اهو.

أسيل: اعععع، يلهوووي. منه: لعععععععع، ده جاي عليا. اعععع. وقامت هي وأسيل ووقفوا على المقعد جنبهم. الدكتور بغضب: إيه التهريج اللي انتو بتعملوه ده؟ إنتو متخلفين. ميرنا بخبث وغيظ منه: إيه ده؟ ده على علي قرعتك، قصدي على دماغك. الحق. الدكتور بص على راسه وضرب بإيده عليها. المدرج كله ضحك عليه. الدكتور بغضب أكبر: وربنا لانا أوريكوا. قدامي على المعيد، وأنتوا التلاتة معاها، شكلكم أخوات. يلااااا.

ميرنا: مش عارفة إنت متزرزر ليه بس. الدكتور بغضب وصوت عالي: انزلوا. أسيل: ماشي، متزقش بس. ونزلوا هما الأربعة. منه: أنا عارفة إن رفدي هيبقى على إيدك يا بنت عفاف. ومشوا راحوا قدام مكتب المعيد. الدكتور بغضب: استنوا هنا لحد ما أنادي لكم. ودخل. فريدة بعياط: هنعمل إيه؟ ده شكله هيرفدنا. منه: فين مازن؟ أسيل: مازن مش هنا في الشركة بتاعته. بصوا، أنا هتصل بسيف يجي بسرعة. منه: يمشي بسرعة قبل ما يخرج. أسيل رنت على سيف ورد.

سيف بقلق: إيه يا يسو؟ إنتي مش في الكلية؟ في حاجة؟ أسيل: الحقنا يا سيف. سيف بخضة: في إيه؟ أسيل: تعال الكلية حالاً بسرعة يا سيف. سيف وهو بيقف بسرعة وبياخد مفتاح عربيته: حاضر، أنا جي حالا. فريدة أخدت منه التليفون. فريدة بعياط: سيف، تعال بسرعة. سيف: اهدي يا قلبي، متعيطيش. أنا جي اهو. سيف خرج بره الشركة وركب العربية وساق بسرعة. الدكتور خرج وخلاهم يدخلوا وزق فريدة لجوه، فـ وقعت: خشي يا زبالة إنتي وهي.

فريدة: ااااااااااااااه. منه وأسيل وميرنا اتخضوا: فررريده. سيف كان معاها على الخط وسمع كل حاجة. سيف بخضة: فريدددده، مالك؟ ردي. سيف زود سرعة العربية وساق بسرعة أكبر. منه ساعدت فريدة تقوم. ميرنا بغضب: إنت متخلف، إزاي تزقها كده؟ ومين الزبالة دول؟ ده إنت اللي زبالة بصحيح. الدكتور بغضب: لمي نفسك يا بت إنتي. إنتي فاكرة نفسك مين عشان تشتميني كده؟ يابت *****. سيف على الخط. سيف: آه يابن الـ ***. فريده ردي يا فريده. اسيل.

الخط قطع وسيف كان وصل ودخل بسرعة. عند ميرنا. اسيل بغضب: انت واحد همجي ومش محترم، لأنك لو محترم مش هتشتم طلبة عندك بالألفاظ دي. الدكتور بغضب: انتوا اللي مش محترمين وأهاليكم معرفوش يربوكم. اسيل بغضب: لا، احنا متربيين أحسن تربية وأحسن ميت مرة من أشكالكم، واحد متخلف ميعرفش عن التعليم والاحترام حاجة. الدكتور بغضب: أنا متخلف؟ والله لأوريك. الدكتور رفع إيده وكان هيضرب أسيل، بس فيه إيد منعته. فريده بعياط: سيف.

سيف بغضب زق الدكتور وضربُه بالبوكس. المعيد وقف بسرعة: سيف بيه، مينفعش كده. سيف: وينفع إنه كان هيضرب أختي. الدكتور: أختك هي اللي مش متربية، ولا هي ولا الاتنين دول. سيف مسكه من ياقة القميص بتاعه: دول متربيين أحسن منك يا ابن ***. وضربه بالبوكس ووقعه على الأرض. وسيف وقفه مسكه تاني من ياقة قميصه، ولسه هيضربه. قام المعيد راح بسرعة بعدهم عن بعض. المعيد: سيف بيه، مينفعش كده، اتفضل اقعد ونتفاهم.

المعيد بص للدكتور بمعنى إنه يسكت خالص، والدكتور سكت. سيف قعد. والمعيد قعد على كرسيه. والبنات وقفوا ورا سيف. والدكتور قعد قدام سيف. المعيد: أختك حضرتك اللي شتمت الدكتور، وهي والباقيين قللوا من احترام الدكتور في المدرج قدام الطلبة وشتموه. ووحدة منهم باين رفعت عليه إيدها في المدرج قدام الطلاب. ميرنا: آه يا كداب يا منافق. سيف بصرامة: ميرنا اسكتي. أسيل حصل إيه؟

أسيل: ميرنا في المدرج شافت صرصار، فا صوتت من خوفها وقفت على المقعد، فا الدكتور زعق. وأنا ومنه وفريده لما شفنا الصرصار خوفنا ووقفنا جنبها على المقعد وصوتنا. والدكتور زعقلنا وشتم ميرنا وقالها يا حمارة وشتمنا كلنا وخدنا للمعيد وزق فريده وقعها وقعد يشتم فينا قدام المعيد. الدكتورة: دي واحدة كدابة وقلة أدبها عليا. واللي جنبها دي، وشاور على ميرنا، قالت إن الصرصار على دماغي وخلتني أضرب نفسي.

سيف: اديك قلتها أنت اللي ضربت نفسك، مش هي اللي ضربتك ولا قلتلك تضرب نفسك. سيف أكمل بغضب: وأنا هوريك إزاي توقع خطيبتي، وإزاي كنت عايز تمد إيدك على أختي، وإزاي تشتمهم. سيف بص للمعيد: أنت سكت ومعملتش حاجة لما وقعها وشتمهم وكان هيضرب أختي. المعيد بتوتر وخوف، فا هو يعرف جيدًا مين هو سيف الأسيوطي ومن هي عائلة الأسيوطي، قال: سيف بيه، أنا أعتذر لك. وأي حاجة حضرتك هتقولها هتنفذ. سيف للدكتور: اسمك إيه يالا؟

الدكتور بتوتر: مصطفى. سيف: اسمك كامل؟ الدكتور قال اسمه كامل. سيف للمعيد: يعتذر منهم. المعيد: أكيد هيعتذر. المعيد بص للدكتور بمعنى إنه يعتذر، وهو ساكت. الدكتور بتوتر: آسف. سيف ببرود: لا، مش عاجبني. الدكتور بغيظ: آسف يا آنسات. سيف ببرود: يترفد حالا. المعيد: أنت مرفوض، روح خد حسابك. الدكتور بص له بصدمة ومشي بغضب وتوعد ليهم. سيف: اللي حصل ده لو اتكرر تاني، مش محتاج أقولك أنا ممكن أعمل إيه.

المعيد بتوتر: إن شاء الله مش هيحصل تاني. سيف أخد البنات ومشي. في البيت. عشق كانت قاعدة مع أميمة بعد ما خلصت الجلسة. ومروة وعفاف كانوا قاعدين معاهم. وعاملين يهزروا. وفجأة سيف دخل والبنات وراه. سيف بغضب لميرنا: أنا عايز أعرف دلوقتي، كنتي بتعملي إيه في الكلية عندهم؟ عفاف: في إيه؟ ميرنا بتوتر: ما هو بص، هو هو. سيف بزعيق: هتفضلي تهوهوي كتير؟

ميرنا بتوتر: أنا خلصت محاضرات وروحتلهم عادي عشان نروح مع بعض، وكان عندهم محاضرة، فا أنا حضرت معاهم المحاضرة عشان أثقف معاهم. سيف: تتثقفي؟ آه، قولتيلي. والحرس اللي كانوا معاكي فين؟ ميرنا بصت له بتوتر ومردتش. سيف: اتخرصتي دلوقتي صح؟ وإحنا مش قلنا فيه سواق هيجيبك ويوديكي؟ ميرنا: ما هو مكنش موجود ساعة ما خلصت. سيف: مرنتيش عليا ليه؟ قولي بقا إن تليفونك كان فاصل. ميرنا: عليك نور، كان فاصل. خلاص بقا يا اتش، متحبكهاش.

سيف: محبكهاش؟ طب يا ميرنا، لو عرفت تاني إنك هربتي من الحرس، هعلقك على الباب لحد ما يبنلك صاحب. ميرنا بصدمة نزيفة: أنا أهرب من الحرس؟ أخس عليك يا اتش، تعرف عني كده؟ سيف: وأبو كده كمان. ولو خرجتي ومشيتي من الكلية من غير السواق والحرس، هعمل منك شاورما. وإنتوا زيها برضه. أسيل: هو أنت جعان ولا إيه؟ سيف: لا يا اختي، قطعتكم القرف. سيف طلع وسابهم. عشق: في إيه؟ عفاف لميرنا: أكيد عملتي مصيبة، عملتي إيه يا زفتة؟

ميرنا: هو كل حاجة أنا اللي؟ عشق: إيه اللي حصل؟ أسيل قالت كل اللي حصل. عفاف لفريده: أنتِ كويسة يا قلبي؟ فريده بابتسامة: آه كويسة. ميرنا بضحكة: وكله كوم، ولما أشوف وش الدكتور وهو بيعتذر، يلهوي. منه بضحكة: واه، لما سيف أداله بوكس خلاه بقى في الأرض. أسيل: يستاهل. منه: أنا مش عارفة مين اللي عينه دكتور في الكلية ده، مينفعش يكون دكتور. أميمة: آخره مكانيكي. أسيل: و ميحصلش كمان. عفاف: طب يلا روحوا غيروا هدومكم.

واليوم عدى وجه تاني يوم. في أوضة عشق. عشق صحت قبل فهد. وقعدت تتأمله وتلعب في شعره. عشق: آه لو تعرف بحبك قد إيه يا فهدودي، ونفسي تكون بتحبني زي ما بحبك. عشق بستُه من خده وعينه اليمين وعينه اليسار ورأسه وشعره. وبقت تتأمل شكله وتلعب في شعره. فهد وهو مغمض عينه: عارف إني حلو. عشق اتخضت: يلهوي، فجعتني. فهد: سلامتك من الفجع يا جميل. عشق ضحكت. فهد: يلهوي على القمر لما يضحك. عشق بابتسامة: طب يلا قوم، عشان عايزة آخد شاور.

البنات صحوا ولبسوا نزلوا. والشباب صحوا ونزلوا. فطروا كلهم. والبنات راحوا كليتهم. وزين راح المخابرات، وسيف الشركة، وفهد راح الشركة، ومازن راح الكلية. عند ميرنا في الكلية. دخلت المدرج. وقعدت. وشوية والدكتور دخل. ميرنا: هو مفيش غيره اللي بيدينا؟ ميرنا لوحدها جنبها: هو الدكتور اسمه إيه؟ البنت: مالك؟ يخربيت جماله، حاجة كده قمر. ميرنا: طب اتنيلي يا اختي. مالك بدأ يشرح المحاضرة. مالك شاور على ميرنا: افقي. ميرنا وقفت.

مالك: اسمك إيه؟ ميرنا: ميرنا. مالك: جاوبي على السؤال ده. ميرنا جاوبت على السؤال بطريقة محترفة. مالك: صح، ما أنتِ شاطرة أهو. ميرنا: امال. مالك ببرود: بعد كده متجيش متأخر. اتفضلي اقعدي. ميرنا بهمس: يخربيت برودك. مر أسبوعان على أبطالنا. عشق، وفهد، كل مادة ما بتتحسن، وهي بقت بتعرف تقف وتمشي وهي ساندة على حد. منه وزين على طول بيشكلوا بعض زي ما هما، وزين قرر يعمل حاجة.

ميرنا بتروح الكلية وبتتشاكل مع كل الناس، وكل محاضرة لمالك بتحضرها. فريده وسيف بدأوا يقربوا من بعض. أسيل مشفتش أسر خالص وبتفكر فيه كتير ومش عارفة إيه السبب، وعايزة تشوفه ومتابعاه من على الأكونت بتاعه.