رواية عشق الفهد الفصل الثامن عشر 18 - بقلم منة احمد

قبل شويه عند فهد كان في الشركه وقاعد في اجتماع. حس بنغزه في قلبه جامد وكان قلقان على عشق وفريده. واحد من الحرس اللي مع عشق وفريده رن عليه. فرد فهد: الحارس: الهوانم يا بيه خرجوا من الكليه وواقفين على باب الكليه. فهد ببرود: تمام، خليك معاهم وأنا جي. قفل السكة. فهد ببرود: الاجتماع انتهى. فهد قام واقف ومشي. *** عند سيف كان في البيت. سيف: فوفه. عفاف: نعم يا حبيبي. سيف: أنا رايح أجيب منه من الكليه وأشوف عشق وفريده.

عفاف بخبث: وفريده؟ سيف: آه. عفاف بخبث: امممم. سيف عرف هي قصدها إيه: أنا ماشي أحسن عشان هتأخر. عاوزة حاجة؟ عفاف: لا يا خويه، اهرب اهرب. ماشي. سيف ضحك عليها ومشي. سيف خرج بره البيت وقابل زين وهو داخل. زين: رايح فين؟ سيف: رايح الكليه أجيب منه وأشوف عشق. زين: خدني معاك، عاوز أشوف عشق. وحشتني الجز... مه دي. سيف: ماشي، يلا. *** في الكليه. عشق ومنه وفريده كانوا واقفين قدام باب الكليه.

وكان في حد مصوب مسد. س ورصا. صه خرجت منه اخترقت جسم حد. منه: عششششششششششششق! وخرجت رصاصه من نفس المسد.س اخترقت جسم الأُخرى. وفي الوقت ده كان وصل فهد وزين وسيف وصلوا والرصاصه بتخترق جسم الأُخرى. سيف وفهد: فررررررررررريده.... عششششششق! ومنه أغمي عليها من الصدمة. وزين لحقها قبل ما تقع على الأرض. فهد جري عليهم هو وسيف. فهد وقف قدامهم مصدوم. وسيف قعد في النص بينهم. سيف مسك وش عشق: عشق، قومي ونبي متسبنيش. لااا.

سيف خبط على خد فريده: فريده، لااا. قومي. قووموا. سيف بصوت عالي: اسعاااااااف بسرررررررعه. فهد فاق: سيف شيل فريده وأنا هشيل عشق. بسرررعه وخدها في عربيتك أقرب مستشفى من هنا هي *****. وانت يا زين روح في عربية الحراس بسرعه. فهد شال عشق بسرعة: هتبقي كويسة. خليكي قوية. وحطها في العربيه. وسيف شال فريده وحطها في العربيه. وساقوا الاتنين بسرعة كبيرة أووي. فهد كان بيتفادى العربيات بسرعة.

ووصلوا ونزلوا بسرعة. فهد نزل شال عشق وسيف كذلك. وجروا بسرعة على جوه. فهد بصوت عالي: عاوز كل الدكاتررراا اللي في المستشفى بسرررعه. جابوا عربيات اللي بينقلوا عليها وحطوهم عليهم وأخدوهم غرف العمليات. والدكاتره دخلوا وفهد وسيف واقفين قدام غرفة العمليات. سيف: يارب. ونبي متخدهمش مني. مليش غيرهم. يارب. فهد كان واقف: يا رب يقوموا بالسلامة. أنا عارف إني غلطت في حقهم كتير بس والله هعوضهم. يا رب. وعدت ساعة ورا الثانية.

والعصر أذن. سيف: قوم نصلي العصر وندعيلهم. فهد بحزن: روح انت. ربنا مش هيسمع مني ولا هيتقبل مني وأنا عصيته كتير. سيف: ربنا غفور رحيم وهيسمحك. بس انت ادعي وتوب إليه. قوم يلا. فهد قام معاه. وراحوا الجامع. فهد مكنش عارف يتوضأ وكان زعلان أوي ومضايق من نفسه. سيف لاحظ ده، فأتوضأ قدامه. فهد شافه وعمل زيه. وراحوا صلوا وسيف علمه إزاي يصلي. فهد كان بيدعي: يارب سامحني. يارب أنا عارف إني مقصر معاك أوي. يارب. احفظهم يارب.

وفضل هو وسيف يدعوا ويصلوا. وبعد ساعة رجعوا تاني قدام غرفة العمليات. ولقوا الممرضات داخلين يجرو والي طالعين. فهد واقف. واحد منهم: فيي إييي؟ الممرضة: في مريضة قلبها وقف. ودكتور خرج بسرعة: عاوزين نقل د.م بسرعه. المريضة فقدت د.م كتير وحالتها خطيرة وفصلتها مش متوفرة هنا. فصلتها O _محتاجين متبرع في أسرع وقت. سيف بسرعة قال: أنا هتبرع. أنا نفس الفصيلة. الدكتور للممرضة: بسررعه خديه. والدكتور دخل بسرعة.

وراحوا بسرعة. وفهد قعد على الأرض وهدومه كلها. د.م. وخدوا د.م من سيف ياما. وزين كان جه عليهم بعد ما اطمن على منه. زين: طمني. هما بخير؟ فهد: لسه ما نعرفش حاجة. زين: يارب استرها. يارب يقوموا بالسلامة. زين قعد يدعيلهم. وسيف أصر يروح قدام غرفة العمليات. وبعد تلت ساعات. سيف: اتاخروا اوي. يا رب استرها. وشوية ودكاترة خرجوا. سيف وفهد وزين جريوا عليهم.

الدكتور بتاع عشق: المريضة اللي كانت معاكوا قصدو على فهد. الرصاصة كانت قريبة من القلب وخرجناها بصعوبة ونزفت د.م كتير وقلبها وقف كذا مرة بس الحمد لله ربنا سترها. وللأسف دخلت في غيبوبة مؤقته وهتفضل تحت الملاحظة لمدة 48 ساعة. وادعوا يعدوا على خير. فهد وزين وسيف اتصدموا. فهد بحزن: وهتتفتح امتى من الغيبوبة؟ الدكتور: الله أعلم. ممكن شهر، اتنين، سنة. على حسب استجابتها للعلاج. سيف بحزن: طب وفريده؟

الدكتور بتاع فريده: المريضة الرصاصة جت في الكلية بتاعتها واضطرينا نشلها. وهي بقت بكلية واحدة هتعيش عليها الحمد لله. مفهاش ضرر وقلبها وقف مرة خلال العملية بس الحمد لله. وهتفضل تحت الملاحظة لمدة 24 ساعة. فهد: طب أنا عاوز أشوفهم. الدكتور: دلوقتي مينفعش خالص. بعد 24 ساعة. ومشوا. فهد قعد على الأرض مصدوم. وسيف مبقاش قادر يقف. وزين لا يقل عنهم. وشوية ونقلوا عشق وفريده من غرفة العمليات. *** عند منه. منه صحت مفجوعة.

وافتكرت كل اللي حصل. قامت خلعت الكانولا وقامت من على السرير. حست بدوخة وقعدت تاني على السرير. الممرضة دخلت عليها. الممرضة: حضرتك قمتي لي؟ محتاجة حاجة؟ منه فضلت تعيط وقامت ومردتش على الممرضة ومشيت. الممرضة: حضرتك مينفعش كده. غلط عليكي. وحاولت توقفها بس منه مسمعتش ليها. وفضلت ماشية وخرجت من الأوضة. منه وقفت ممرضة: كان في بنتين جم هنا معايا متصابين.

الممرضة: آه قصدك على البنتين اللي جم من 5 ساعات. باين هما في أوضة العمليات. منه بعياط: فين أوضة العمليات؟ قلتلها الممرضة فين ومنه مشت بسرعة. منه راحت لقت فهد قاعد على الأرض وسيف قاعد جنبه وزين واقف مصدوم. منه: فييييين عشق وفريده؟ زين: اهدى. انتي تعبانة. إيه اللي خرجك من الأوضة؟ منه راحت قعدت قدام سيف: عشق وفريده كويسين صح؟ سيف مردش عليها. منه بنهيار وصويت: رررررررد عليااااا. هماااااا كويسين؟ سيف خدها في حضنه يهديها.

منه بعياط: هما بخير صح؟ سيف: الحمد لله هيبقوا بخير. بس انتي ادعيلهم. هما كويسين الحمد لله. منه فضلت تعيط وأغمي عليها. *** عفاف كانت في البيت قلقانة أوي وقلبها مقبوض عليهم. وبترن على سيف مش بيرد ومنه مش بترد. ومكنتش تعرف إن زين مع سيف. قامت رنت على زين. زين رد عليها بعد ما رنت 4 مرات. عفاف: زين الحقني. سيف راح يجيب منه من الكليه ولغايه دلوقتي مرجعوش. زين مش عارف يرد يقولها إيه. بس هي كده كده هتعرف. عفاف بخوف: في إيه؟

انطق. زين: إحنا في المستشفى. عفاف بخضة: اااي؟ في إيه؟ إيه اللي حصل؟ بناتي كويسين؟ سيف كويس؟ زين بحزن: فريده وعشق اتصابوا. عفاف أغمي عليها من الصدمة. زين: فووفه. فوفه ردي عليا. في إيه؟ زين قفل المكالمة وجري على البيت. وخاف إن اللي حصلها حاجة. وراح لقاها مغمي عليها واتخض وشالها حطها على الكنبة وفوقها. عفاف فاقت. عفاف بدموع: وديني عند بناتي بسرعة. زين: بس انتي... عفاف: من غير بس. وديني المستشفى ليهم. أو أنا هروح لوحدي.

زين خدها وراحوا المستشفى. ومنه الدكتور عطاها مهدئ. وعفاف عرفت اللي حصلهم وكانت منهارة والضغط وطى عندها وأغمي عليها. والدكتور كشف عليها. سيف حاول يتماسك على قد ما يقدر. وفهد في حالة صدمة وبرضه في نفس الوقت. وزين بيحاول يتماسك. عدى ساعتين. وفجأة لقوا الدكاترة بيجروا والممرضين على العناية. فهد وسيف اتخضوا ومش عارفين في إيه. فهد بصوت عالي: في أي؟ سيف وقف ممرضة. سيف بخوف: في أي؟

الممرضة بسرعة: المريضة اللي في الغيبوبة قلبها وقف.