رواية عشق الفهد الفصل الأول 1 - بقلم شيماء عبد التواب

بطلنا (فهد المنشاوي) أكبر رجل أعمال في الشرق الأوسط، 30 سنة، وسيم جداً، شعره أسود وعيونه خضراء، جسم رياضي. قاسي جداً مع كل الناس والكل بيخاف منه ويعمله ألف حساب. يجذب كل البنات وهو مش فارق معاه. (زياد الدمنهوري) صديق فهد المقرب، 30 سنة، جسم رياضي، شعر أسود وعيونه عسلية. مرح ويحب الهزار عكس فهد. بطلتنا (عشق) 21 سنة، فتاة جميلة، شعر بني ناعم طويل تخفيه داخل حجابها، عيون بنية، جسم متناسق. (ياسمين)

صديقة عشق المقربة، 21 سنة، جسم متناسق، شعر أسود قصير، محجبة، عيون زرقاء. في المول كانت عشق وياسمين يشترون ملابس جديدة لعيد ميلاد عشق الذي اقترب. ياسمين: أنا هاروح أجيب حاجة نشربها. عشق: أوك، متتأخريش. ياسمين: ماشي. تليفون عشق رن وكان المتصل ياسمين. عشق: إيه يا بنتي؟ ياسمين: أجيبلك بيبسي ولا عصير؟ عشق: بيبسي يا آخرة صبري. ياسمين: إشطا، يلا باي. عشق قفلت الخط وراحت تتفرج على الفساتين وهي وماشية. عشق خبطت في حد.

عشق: آآآآه، مش تفتح يا أعمى! فهد بغضب: أنا أعمى؟ عشق بعصبية: آه، أعمى. فهد بغضب: انتي واحدة قليلة الأدب ومش متربية ولسانك طويل! عشق ضربته بالقلم وطلعت تجري. وقفت تاخد نفسها وشافتها ياسمين. ياسمين: كنتي فين يا بنتي؟ وإيه وشك اصفر كده ليه؟ عشق: خبطت في واحد وضربته بالقلم. ياسمين بضحك: يخربيتك، مفترية! عشق: اسكتي نبي، أنا لو فضلت واقفة قدامه ثانية واحدة كان قتلني. ياسمين بضحك: عدت على خير، يلا بينا نكمل.

عشق: لا يا أختي، أنا هروح البيت مش قادرة أمشي. ياسمين: ماشي، يلا بينا. مشوا على البيت. عند فهد. فهد بعصبية: والله لأنـدمك، بقى أنا واحدة تضربني بالقلم؟ فهد لأحد الحراس: تجيبلي كل المعلومات عن البت دي خلال ساعة واحدة، فاااااااهم؟ الحارس: أوامرك يا فهد بيه. مشى فهد من المول وركب سيارته الغالية. فهد للسواق: على القصر. السواق: حاضر يا فهد بيه.

وصل فهد القصر وهو في قمة غضبه من تلك التي تجرأت وضربته. دخل غرفته، كانت باللون الأسود مثل قلبه، أخذ شاور وقعد مستني الحارس يجيبله المعلومات عن عشق. عند عشق وياسمين وصلوا العمارة. عشق: تعالي معايا فوق عشان نختار الزينة. ياسمين: إشطا، يلا بينا. طلعوا عند شقة عشق وخبطوا. الأم سعاد: جايه يا شوية جزم! عشق وياسمين: سوسو، وحشتيني! سعاد: يا بكاشة منك ليها، إيه ده؟ مجبتوش حاجة ليه؟

عشق وهي تدخل: ده موضوع طويل يا سوسو، المهم، فيه أكل إيه؟ سعاد: مفجوعة من يومك. ياسمين بضحك: وأنا كمان جعانة أوي. سعاد: تعالوا كلوني بالمرة. عشق: يعني لو أكلتك يا سوسو، مين هيعملي ورق عنب يعني؟ سعاد: ربنا يصبرني عليكم. سعاد جهزت العشاء وقعدوا اتعشوا، ودخلت البنات الأوضة يختاروا الزينة. بعد وقت استأذنت ياسمين ومشيت. عشق: داخلة أنا يا ماما، تصبحي على خير. سعاد: وانتي من أهل الخير يا حبيبتي. عند فهد استأذن الحارس ودخل.

فهد: جبت اللي قلتلك عليه؟ الحارس: أيوه يا فهد بيه، اتفضل ده ملف فيه كل حاجة عنها. الحارس: أوامرك يا فهد بيه. خرج الحارس برا وفهد نظر للملف بابتسامة مخيفة. فتح الملف وقرأ. فهد بابتسامة مخيفة: اممممم، اسمها عشق أحمد خليفة، 21 سنة، في كلية طب، والدها متوفي، تعيش مع والدتها. فهد بغضب: هندمك يا عشق، مش فهد المنشاوي اللي بنت تمد ايدها عليه. قفل الملف ونام.