رواية عشق الفهد الفصل الثاني 2 - بقلم شيماء عبد التواب

عند فهد استيقظ نظر لملف عشق وابتسم بخبث. قام وأخذ شاور وبدل ملابسه وخرج إلى شركته. وصل الشركة صعد إلى مكتبه فتح ملف عشق ونظر فيه. دخل زياد مكتب فهد. زياد: صباح الفل مجتش امبارح ليه. فهد: صباح الزفت على دماغك جهز نفسك عشان هتيجي معايا. زياد: هنروح فين. فهد بابتسامة خبيثة: هتجوز. زياد بعدم تصديق: نعم ياخويا هتت ايه. فهد: كلم المأذون وانجز انهارده هتجوز. زياد: طب فهمني يا صاحبي هتتجوز مين. حكى له فهد ماذا فعلت عشق معه.

زياد في نفسه: ياعيني عليك يا بنتي لسه صغيرة على البهدلة. فهد: انجز يا زفت اعمل اللي قلتلك عليه. خرج زياد من عند فهد وهو حزين على حال صديقه وعلى هذه المسكينة أيضا. أنهى فهد عمله وخرج من الشركة متوجهاً إلى بيت عشق. عند عشق كانت تنظف الشقة وهي تسمع مهرجانات. عشق بصوت عالٍ: لا كده أشطا بيس أنا هكون عريس وفرحان بجد فرحان وهرقص وأسوقها جنان أنا وأصحابي في فرحي. سعاد من الداخل: وطّي صوت الأغاني يا آخرة صبري.

عشق: يا سوسو مش بعرف أنضف غير كده. وفجأة الباب خبط. عشق: هفتح أنا. فتحت الباب وكانت ياسمين صديقتها. عشق: حماتك بتحبك، تعالي نضفي معايا. ياسمين: أشطا يلا نخلص بسرعة عشان الحفلة بليل. الباب خبط تاني. ياسمين: انتي مستنية حد. عشق: لا. فتحت عشق الباب واتصدمت، نعم هو نفس الشاب الذي ضربته. عشق بصدمة: انت عرفت بيتي إزاي. فهد بابتسامة ماكرة: مش هتدخليني. كادت أن ترد عليه ولكن سعاد أتت. سعاد: مين أنت يا ابني.

فهد: أهلاً بحضرتك أنا فهد المنشاوي وده صاحبي زياد، ممكن نتكلم جوا أفضل. سعاد: اتفضل ادخل يا ابني. دخل فهد وزياد، وعشق مازالت في صدمتها. ياسمين: عشق عشششششق. عشق: إيه فيه إيه. ياسمين: مالك وشك أصفر ليه. عشق بخوف: ده نفس الشاب اللي ضربته في المول. ياسمين بصدمة: نهار أسود وعرف البيت إزاي. عشق: مش عارفة ربنا يسترها. دخلت عشق وياسمين الأوضة. في الصالة. سعاد: تشربوا إيه.

فهد: ولا حاجة، أنا هدخل في الموضوع على طول، أنا اسمي فهد المنشاوي صاحب شركات المنشاوي. سعاد: أهلاً بيك يا ابني. فهد: أنا جاي أطلب إيد بنتك عشق. سعاد بتفاجئ: طب فين أهلك. فهد: أهلي كلهم متوفيين من زمان. سعاد بحزن: ربنا يرحمهم يا ابني. فهد: يارب، ها قلتِ إيه. سعاد: آخد رأي عشق الأول يا ابني. فهد: طبعاً، بس ممكن أنا اللي أسألها. سعاد باستغراب: ماشي، هنادي على البنات. قامت سعاد وراحت الأوضة. سعاد: عشق تعالي عايز اكي.

عشق بخوف: نعم يا ماما. سعاد: تعالي يا بنتي. خرجت عشق مع سعاد. في الخارج. زياد: أنت متأكد من اللي بتعمله ده، يعني هتتجوزها عشان تنتقم منها. فهد: اقفل الموضوع، أهم جم، اسكت خالص. سعاد: اقعدي يا ابني وأنا هجيب حاجة للضيوف. جلست عشق بخوف وتردد. فهد بابتسامة: أهلاً بمراتي المستقبلية. عشق بصدمة وكادت أن ترد عليه وسكتت عندما قال. فهد بابتسامة: لو موافقتيش اقرأي الفاتحة على روح مامتك. عشق بصدمة وخوف: قصدك إيه.

فهد: توافقي إنك تتجوزيني مقابل حياة مامتك. عشق بخوف: إيه، أنت إزاي كده. فهد طلع سلاحه من جيبه: يعني أعتبر إنك مش موافقة. عشق بخوف على والدتها: موافقة موافقة، بس متأذيش أمي. فهد بابتسامة: شطورة. أحضرت سعاد العصير. فهد: شكراً يا خالة، أنا اتكلمت مع آنسة عشق وهي موافقة. نظرت سعاد لعشق. عشق بخوف وتردد: موافقة يا ماما. سعاد: على بركة الله.

فهد: عندي طلب حابب إني أكتب كتابي انهارده عشان كلام الناس وكده، واكيد آنسة عشق معندهاش اعتراض ولا إيه. سعاد: بسرعة كده يا ابني. فهد: عشان محدش يتكلم عن آنسة عشق كده، أحسن. سعاد لعشق: إيه رأيك يا عشق. عشق بخوف: اللي تشوفيه يا ماما. سعاد: يبقى على بركة الله، موافقين يا ابني. فهد: زياد كلم المأذون خليه يجي. زياد: تمام. كلم زياد المأذون وحضر. وتم كتب الكتاب بجملته الشهيرة (بارك الله لكما وبارك عليكما وجمع بينكم في الخير)

سعاد: لولولولولولى، ألف مبروك يا بنتي كبرتي وبقيتي عروسة. عشق بخوف: الله يبارك فيكي يا ماما. ياسمين حضنت عشق بخوف عليها، فهي صديقتها الوحيدة. سعاد: تعالي يا ياسمين، خلي العرسان لوحدهم شوية. زياد: طب أنا أستأذن بقى، هستناك في العربية. فهد بابتسامة: مبروك عليكي الجحيم. عشق بخوف: أنت عايز مني إيه. فهد: حق القلم. عشق: أنا آسفة. فهد: توء توء، أسفك جه متأخر أوي يا عشقي. قام فهد وخرج من الشقة، ركب العربية وهو مبتسم.

أما عند عشق فكانت خايفة ومترددة، تقول لوالدتها ولا تسكت.