رواية عشق الفهد الفصل الرابع 4 - بقلم شيماء عبد التواب

خرج فهد من قصره وهو ينوي تربية عشق. ذهب إلى منزلها. سعاد: أهلاً يا ابني، نورت. فهد: بنورك يا خالتي، كنت عايزة أتكلم معاكي بخصوص الفرح. سعاد: اتفضل يا ابني. فهد: أنا المفروض أسافر بعد أسبوع عشان الشغل، عشان كده عايز أتجوز قبل ما أسافر. سعاد: بسرعة كده؟ طب لما ترجع من السفر بالسلامة. فهد: منا هتأخر هناك يعني ممكن ست شهور أو سنة كمان، وطبعاً أنا مقدرش أقعد الوقت ده كله وعشق بعيدة عني. سعاد: خلاص يا ابني، اللي تشوفه.

فهد: يبقى الفرح بعد تلات أيام. سعاد: على بركة الله. فهد: طب أنا أستأذن بقى عشان ألحق أجهز البيت وإجراءات السفر. سعاد: ماشي يا ابني، ربنا معاك. خرج فهد من بيت عشق وهو مبتسم وذهب إلى شركته. عند عشق، كانت تلعب مع الأطفال حتى تأخر الوقت. عشق للأطفال: يالهوي، أنا اتأخرت أوي، لازم أمشي قبل ما ماما تعمل مني كفتة. الأطفال بضحك: هتيجي تاني؟ عشق: طبعاً، هو أنا أقدر أعيش من غيركم. ودعت عشق الأطفال وذهبت إلى البيت.

عشق: السلام عليكم. سعاد: وعليكم السلام، اتأخرتي ليه؟ عشق: معلش يا سوسو، انتي عارفة إني بنسى نفسي وأنا مع الأطفال. سعاد: عقبال ما أشوف عيالك. عشق: إن شاء الله يا سوسو، أنا جعان. سعاد بضحك: هقوم أحضر العشاء، وانتي قومي غيري هدومك. عشق: تمام. بدلت عشق هدومها وارتدت بيجامة عليها رسمة كرتون. سعاد: يلا يا عشق عشان تاكلي. عشق: حاضر. جلست عشق مع والدتها. سعاد: أه صحيح، فهد جه انهارده. عشق بخنق: عايز إيه؟

سعاد: جه عشان يحدد معاد الفرح. عشق بصدمة: وانتي قلتي له إيه؟ سعاد بسعادة: هو قال إنه مسافر بعد أسبوع وهيتأخر، وهيعمل الفرح بعد تلات أيام، وأنا وافقت. عشق بصدمة أكبر: نعم؟ إزاي تحددو معاد الفرح من غيري؟ سعاد: مانتي كنتي هتوافقي برضو، المهم خلصي أكل وادخلي نامي عشان بكرة عندك يوم طويل. عشق بغضب من فهد: بس يا ماما. سعاد: بس إيه؟ يلا خلصي ونامي عشان هنروح نجيب اللي ناقصك بكرة. عشق بغضب: حاضر.

قامت عشق ودخلت أوضتها وهي غاضبة من فهد وتريد قتله. عشق في نفسها: والله لأوريك يا فهد. عند فهد، أنهى عمله وخرج من الشركة. فهد: زياد. زياد: إيه يا فهد؟ فهد: جهز نفسك عشان تحضر فرحي. زياد: امتى؟ فهد بابتسامة: يوم الخميس الجاي. زياد بصدمة: نعم؟ ده اللي هو إزاي؟ فهد: روحت انهارده عند مامت عشق واتفقت معاها. زياد: وعشق وافقت على الكلام ده؟ فهد بخبث: أكيد هتوافق، لأنها عارفة أنا أقدر أعمل إيه.

زياد في نفسه: يا عيني عليكي يا بنتي، لسه صغيرة على الشقى. فهد: زيااااد. زياد: ها، إيه؟ قولت إيه؟ فهد: سرحان في إيه؟ زياد: يعني انت متأكد من اللي بتعمله ده يا صاحبي؟ فهد ببرود: أيوه. زياد: لو أذيتها هتندم يا فهد. وتركه وذهب زياد. رحل فهد إلى قصره وهو يفكر في كلام زياد. (هتندم لو أذيتها) فهد لنفسه: كلهم زي بعض، كل همهم الفلوس وبس. فلاش باك. فهد وهو في مكتبه يراجع بعض الملفات، دخلت عليه فتاة جميلة ملامحها هادية.

ندي: فهد، وحشتني أوي. فهد بابتسامة: وانتي أكتر، كده ينفع مش أشوفك طول النهار؟ ندي: إيه، وحشتك أوي كده؟ فهد: كلمة وحشتيني قليلة أوي. فهد: ندى، عايز أتزوجك، كفاية لحد كده، إحنا عارفين بعض كويس، إيه اللي يمنع إننا نتجوز؟ ندي بتردد: مستعجل على إيه يا حبيبي، ما إحنا مع بعض أهو. عودة من الفلاش باك. فهد: كلكم زي بعض، كلاب فلوس وبس. بعد تفكير طويل، نام فهد. من هي ندى وماذا سيفعل فهد مع عشق.