رواية عشق الفهد الفصل الثالث 3 - بقلم شيماء عبد التواب

عند عشق دخلت والدتها وياسمين الصالون وكنت عشق متردده هل تخبر والدتها أم لا. حسمت أمرها وقررت ألا تخبرها. سعاد: "ألف مبروك يا حبيبتي، فهد شكله محترم وابن ناس وهيصونك." عشق: "الله يبارك فيكي يا ماما." سعاد: "إحنا لازم نجيب بقية الحاجة اللي ناقصاكي." عشق: "تمام، أنا هدخل الأوضة أرتاح شوية." سعاد: "ماشي يا حبيبتي." دخلت عشق الأوضة ولحقت بها ياسمين. ياسمين بخوف على عشق: "هتعملي إيه يا عشق؟ ده شكله عايز ينتقم منك."

عشق بعند: "وأنا مش هسكتله، مش عشق أحمد خليفة اللي تتهدد." ياسمين: "ناوية على إيه؟ عشق: "هخليه يندم إنه اتجوزني، بس الصبر." ياسمين: "وأنا معاكي في أي حاجة." حضنتها عشق وظلوا يفكروا لفترة ليست طويلة كيف يربوا فهد المنشاوي. بعد وقت رحلت ياسمين. عند فهد المنشاوي في العربية. زياد: "فهد، أنت متأكد من اللي بتعمله ده؟ فهد: "أيوه." زياد: "أنت كده بتدمر نفسك قبلها." فهد: "زياد، اقفل الموضوع." وصل فهد القصر ورحل زياد.

فهد: "داده، جهزي العشا." الداده: "حاضر يا ابني." بعد العشاء دخل فهد غرفته ونام وهو مبتسم. في صباح جديد على أبطالنا، عند عشق استيقظت وهي سعيدة ولا تعلم لماذا. عشق بابتسامة: "سوسو." سعاد: "شكلك مبسوطة." عشق: "جداً جداً." سعاد: "يارب دايماً أشوفك مبسوطة." عشق: "يارب يا ماما، أنا هاروح أجهز نفسي عشان هخرج." سعاد: "تخرجي فين؟ عشق: "هاروح دار الأيتام أقعد مع الأطفال شوية يا ماما، بقالي كتير ماروحتش وأكيد زعلانين مني."

سعاد: "ماشي يا حبيبتي، خلي بالك من نفسك." عشق: "حاضر." لبست عشق فستان من اللون الوردي وحجاب أبيض وكوتشي أبيض وخرجت من البيت ذاهبة لدار الأيتام. عند فهد، أحد الحرس يرن على فهد. فهد: "في إيه؟ أحد الحرس: "الآنسة خرجت." فهد بغضب: "اسمها مدام، وروح وراها واعرفلي راحت فين." الحارس: "أمرك يا فهد بيه." لحق الحارس عشق. عند فهد كان غاضب جداً، كيف لم تخبرني أنها خرجت. فهد: "لحظة، هي هتقولي إزاي وهي مش معاها رقمي."

قام فهد ودخل أخد شاور وبدل ملابسه وأمسك هاتفه واتصل على عشق. عند عشق كانت تلعب مع الأطفال، رن هاتف عشق برقم ليس مسجل. عشق: "السلام عليكم ورحمة الله وبركاته، مين؟ فهد: "إزاي تخرجي من غير ما تقوليلي؟ عشق وقد عرفته: "مش ترد السلام الأول، عموماً، أخرج براحتي، وأنت مين يعني عشان أقولك خارجة ولا لأ؟ فهد بغضب منها: "أنا جوزي يا أستاذة يا محترمة." عشق: "جوزي بالتهديد مش كده؟

أنت هددتني بأمي عشان كده وافقت إني اتجوزت، غير كده مكنتش تحلم أصلاً إني أوافق بواحد زيك." فهد: "هتندمي على كل كلمة يا عشق." عشق: "توء توء، مش عشق اللي تندم على حاجة يا فهد بيه." فهد بإعجاب بشجاعتها: "القطة بقى ليها لسان." عشق: "وبتعمل كمان، يلا سلام." عشق في نفسها بخوف: "يالهوي عليا، كان لازم أعمل نفسي شجاعة، ده أكيد لو كان قدامي كان قتلني فوراً." عند فهد كان غاضباً جداً من عشق كيف تتحدث معه بهذه الطريقة.

قام فهد وارتدى بدلة أنيقة وهو ينوي فعل شيء ما. ماذا سيفعل فهد.