رواية عشق الفهد الفصل الرابع عشر 14 - بقلم شيماء عبد التواب

فهد: ايدي وجعتني أوي، تعالي شوفيها كده. اقتربت منه عشق. عشق: مافيش حاجة في إيدك، هديلك المسكن. أمسكها فهد وقربها منه أكتر. عشق: بتعمل إيه؟ فهد: بحبك. دخل زياد دون طرق الباب كعادته، وابتعدت عشق سريعًا عن فهد. زياد بأحراج: احححم، شكلي جيت في وقت غلط. فهد: أيوه. زياد ببرود: تعالي يا مرات أخويا، جبت أكل عشان ناكل أنا وإنتي. عشق: وفهد؟ زياد: لأ، الدكتور قال إن فهد هياكل حاجات مسلوقة. فهد بتذمر: نعم، ده ليه إن شاء الله؟

زياد: عشان إنت تعبان. فهد: أنا كويس. زياد: توء توء، لازم تسمع كلام الدكتور عشان تخف بسرعة. كانت عشق تنظر إليهم وتضحك بشدة عليهم. فهد: بطلي ضحك إنتي التانية، يرضيكي آكل أكل مسلوق؟ عشق بضحك: عشان تخف بسرعة. زياد: تعالي ناكل، أصلي أنا جعان أوي. فهد: امشي يا زفت من هنا. عشق بضحك: يلا، أنا جعانة. زياد: جبت شاورما، ريحتها بس جوعتني. عشق: هات واحد شاورما طيب. فهد: امشوا إنتوا الاتنين. زياد: لأ.

عشق: إنت لسه تعبان، ارتاح شوية. فهد بعصبية، أمسك زجاجة المياه من جانبه وحدفها على زياد. قام زياد يجرى. زياد: اهدى يا عم، كنت بهزر معاك. فهد: امشي من هنا أحسن ما أقوملك. زياد: لأ، وعلى إيه، الطيب أحسن. كانت عشق تضحك عليهم. زياد: عايزة حاجة يا مرات أخويا؟ عشق: شكراً. فهد: إنت لسه هنا؟ جرى زياد وخرج برا الأوضة وقفل الباب. زياد: هو اتعصب ليه؟ ومشى خارج المستشفى بأكملها إلى الشركة. عند فهد وعشق.

فهد: هتفضلي بتضحكي كدا كتير؟ عشق بضحك: خلاص، سكت أهو. فهد بغيظ: طب تعالي. عشق: أجي فين؟ فهد ببراءة: شوفي إيدي بتوجعني ليه. عشق: منا شوفتها، مافيش حاجة. فهد: لأ، فيه، هي بتوجعني. عشق وقد فهمت ما ينوي عليه: اممممم، ماشي. اقتربت منه عشق وأمسكت ذراعه. كاد فهد أن يقبلها، ولكن... داست عشق على ذراعه جامد. فهد: اااااااه، إيه اللي عملتيه ده؟ عشق ببراءة: كنت بشوفها. فهد: فتقومي تدوسي على دراعي؟ عشق: أنا. فهد: اومال أنا؟

عشق: أيوه إنت، أنا ما عملتش حاجة. وتركته وخرجت بسرعة وذهبت إلى الطبيب. عند فهد بعد خروج عشق. فهد بابتسامة: ماشي يا عشقي، هتهربي مني لحد إمتى؟ ذهبت عشق إلى غرفة الطبيب وطرقت الباب. الطبيب: ادخل. دخلت عشق. عشق: السلام عليكم. الدكتور: وعليكم السلام، اتفضلي اقعدي. عشق: شكراً. فهد هيخرج إمتى من المستشفى؟ الطبيب: حالته كويسة، يقدر يمشي النهاردة، بس لازم ياخد الأدوية في وقتها، وأهم حاجة الراحة التامة. عشق: تمام، عن إذنك.

الدكتور: اتفضلي. خرجت عشق من عند الطبيب وذهبت إلى فهد. دخلت عشق. عشق: روحت سألت الدكتور تقدر تمشي إمتى، وقالي إنك بقيت كويس. فهد: تمام، يلا بينا. عشق: تمام، يلا. اتصل فهد على زياد. زياد: كنت عارف إني مش ههون عليك. فهد: تعالي يا زفت عشان توصلني القصر. زياد: ماشي يا عم، متزقش. أقفل فهد الهاتف في وجه زياد. عشق: قصر إيه؟ إحنا مش هنروح الشقة. فهد: مرات فهد المنشاوي النهاردة هتنور القصر. عشق: قصر إيه؟

فهد: عشقي، أنا أكبر رجل أعمال في الشرق الأوسط، يعني أكيد عندي قصر. عشق: ماشي، يلا. دخل زياد. زياد: جهزتوا؟ فهد: أيوه، يلا. خرجوا الثلاثة من المستشفى وركبوا العربية، وبعد وقت ليس بقليل وصلوا إلى القصر. نزلت عشق من العربية وأسند زياد صديقه فهد. كانت عشق مبهورة من جمال القصر. دخلوا القصر. الخادمة: نورت يا فهد بيه. فهد: سعاد هانم فين؟ كادت أن تجيب الخادمة، ولكن صمتت عندما سمعت. "فهد بيه بيسأل عليا، أنا؟ لا لا، مش مصدقة."

ماذا سيحدث ياترى؟ مين سعاد وهتعمل إيه مع عشق؟