رواية عشق الفهد الفصل الثالث عشر 13 - بقلم شيماء عبد التواب

زياد: إيه اللي ممكن يحصل لو ما فاقش؟ الدكتور: للأسف هيدخل في غيبوبة، والله أعلم هيفوق منها امتى. عشق سمعت الكلام ده وفقدت الوعي. زياد مسكها قبل ما تقع ودخلها غرفة. دخل الطبيب فحصها وخرج. زياد: خير يا دكتور، حصلها إيه؟ الدكتور: اتعرضت لصدمة وضغطها عالي. زياد: هتكون بخير؟ الدكتور: إن شاء الله، هي محتاجة ترتاح شوية وتاخد الأدوية في وقتها، وبإذن الله هتكون بخير. زياد: شكراً يا دكتور. الدكتور: العفو، عن إذنك.

رحل الطبيب وذهب زياد لغرفة فهد ونظر إليه من الزجاج. زياد: فوق يا صاحبي، مراتك محتاجالك وأنا كمان محتاجلك أوي. قعد زياد على الكرسي وبكى على رفيق عمره. بعد وقت، استيقظت عشق وقامت تبحث عن فهد. خرجت عشق من الأوضة، رأها زياد. زياد: حمد الله على سلامتك يا مدام عشق، خرجتي من الأوضة ليه؟ عشق ببكاء: فهد فين؟ زياد: في العناية. عشق: عايزة أشوفه. زياد: ممنوع أي حد يدخله. عشق ببكاء وصراخ: لا، أنا عايزة أشوفه، ابعد عني.

أبعدته عشق وذهبت في اتجاه غرفة العناية، ولكن منعها زياد. زياد: اهدّي يا مدام، هشوف الدكتور الأول. عشق بهدوء قليلاً: ماشي. جلست عشق على الكرسي وذهب زياد إلى الطبيب. زياد: فهد عامل إيه دلوقتي يا دكتور؟ الدكتور: للأسف حالته مش مستقرة. زياد بقلق: يعني إيه؟ الدكتور: ادعيله، أنا هروح أكشف عليه تاني. زياد: تمام، اتفضل. ذهبوا إلى غرفة فهد ودخل الطبيب وفحص فهد، وبعد وقت خرج. ذهبت إليه عشق مسرعة. عشق: هو كويس صح؟ هيفوق امتى؟

الدكتور: للأسف يا مدام، حالته لسه مش مستقرة. عشق: عايزة أدخل عنده. الدكتور برفض: مينفعش، ممنوع دخول أي حد عند المريض. عشق برجاء: خمس دقايق بس، والله مش هعمل صوت. الدكتور: تمام، خمس دقايق بس. عشق بفرحة: ماشي. الدكتور: تمام. وذهب الطبيب ليفحص باقي المرضى. دخلت عشق أوضة فهد وقربت منه.

عشق ببكاء: فوق عشان خاطري، مش هعمل حاجة تعصبك تاني، بس فوق، وأنا هعمل كل حاجة أنت عايزها، متسبنيش لوحدي، مش عارفة امتى اتعلقت بيك كده، بس حبيتك، حبيت طيبتك وحنيتك وعصبيتك، حبيت كل حاجة فيك، أيوه أنا بحبك، فوق عشان خاطري، فوق عشان حبيبتك عشق يا فهد. وظلت تبكي بمرارة. فاق فهد. فهد بضعف وتعب: ع.. عشقي. نظرت إليه عشق بسرعة. عشق بفرحة: فهد، أنت كويس؟ فهد بتعب: كويس. عشق: هنادي الدكتور وهجيلك بسرعة. خرجت عشق من غرفة فهد.

زياد: خير، بتجري ليه؟ عشق: دكتور بسرعة، فهد فاق. زياد بفرحة: بجد؟ فهد فاق؟ عشق: أيوه والله. ذهب زياد مسرعاً إلى الطبيب. زياد: دكتور، فهد فاق. الدكتور: متأكد؟ زياد: أيوه. الدكتور: تمام، هروح أكشف عليه. ذهبوا إلى فهد. كانت عشق تبكي وفهد يحاول تهدئتها. فهد: خلاص بقى، أنا كويس. عشق بطفولية وبكاء: بس أنت تعبان. فهد بضحك على شكلها: لا، أنا بقيت كويس. دخل الطبيب وزياد. قامت عشق واقترب الطبيب من فهد.

الدكتور: حمد الله على سلامتك يا فهد بيه. فهد: الله يسلمك. كشف الدكتور على فهد. الدكتور: حضرتك محتاج فترة راحة وتاخد الأدوية دي في معادها. فهد: تمام، عايز أطلع من هنا. الدكتور: إحنا هنوديك أوضة عادية، بس مينفعش تخرج من المستشفى قبل ما نطمن عليك. كادت أن تتكلم فهد، ولاكن قاطعته عشق. عشق: تمام يا دكتور. خرج الطبيب ونقلوا فهد في غرفة عادية. زياد: كده يا صاحبي تقلقني عليك. فهد: الحمد لله، أنا بخير، متقلقش.

نظر فهد إلى زياد نظرة فهمها. زياد ببرود: أنا بقول أنام معاك انهاردة بقى. فهد بغيظ: نامت عليك حيطة يا بعيد. عشق: إيه في إيه؟ زياد: مفيش يا مرات أخويا. فهد: قوم يا زياد هاتلي عصير. عشق: هروح أنا. فهد بغيظ أكبر: اقعدي إنتِ، زياد هيروح. ضحك زياد على صديقه. زياد: ماشي، هروح أجيب عصير وحاجة ناكلها. فهد: واتأخر براحتك. ضحك زياد وخرج. عند فهد وعشق. فهد: امممممم، كنتي زعلانه عشانى؟ عشق ببراءة: أيوه. فهد: بحبك يا عشقي.

عشق بصدمة: ها؟ فهد: إيدي وجعتني أوي، تعالي شوفيها كده. عشق: مفيش حاجة في إيدك، هديلك المسكن. أمسكها فهد وقربها منه أكتر. عشق: بتعمل إيه؟ فهد: بحبك.