رواية عشق الحمزة الفصل الثاني والعشرون 22 - بقلم فاتن جمال

في أي؟ هدي: شروق اتخانقت مع شريف وشريف ضرب مي، وشروق ضربته وقالت: "إياك إيدك تتمد على أمي تاني، أنت سمعت". وكملت كلامها وقالت: "وشروق قالت إنها هتسيب البيت". حمزه: طيب هي فين؟ مي: فوق في أوضتها. حمزه طلع وخبط على باب أوضة شروق ونادى عليها بس مرديتش. وفجأة فتح الباب ودخل، ولقى شروق قاعدة على الأرض وضمة نفسها وبتعيط. حمزه بخوف عليها قرب منها وقعد جانبها وحضنها، وهي حضنته.

حمزه: حبيبتي اهدى، مفيش حاجة، اهدى وكل حاجة هتكون كويسة. شروق بدموع وعياط: حمزه، متبعدش عني، أنا خايفة. حمزه: حبيبتي، أنا مستحيل أبعد عنك. شروق بعدت عن حضنه شوية. حمزه حط إيده على شعرها وقال: "بابا أول مرة يضرب ماما، أنا زعلانة إني مديت إيدي على بابا، مكنتش عايزة أوصل لكده يا حمزه". حمزه: طيب ممكن تهدي وتيجي معايا؟ شروق: مش عايزة أروح أي مكان. حمزه قام وقف ونزل لمستواها وشالها.

شروق: حمزه لو سمحت نزلني، أنا مش عايزة أروح أي مكان. حمزه: لا، هتيجي معايا. شروق: طيب نزلني، مينفعش نخرج كده. حمزه نزلها وقال: "هستناكي في العربية". شروق بحزن: حاضر. حمزه نزل، ومي وقفته وقالت له: "شروق عاملة إيه؟ حمزه: هي بقت كويسة، بس محدش يطلع ليها، وانتي روحي نامي. مي: بس أنا كنت عايزة أطمن عليها. حمزه: خالتو، هي نامت خلاص، ممكن انتي كمان تروحي تنامي، مفيش حد صاحي غيرك، وموضوع عمي شريف أنا هحله.

مي: ماشي يا حبيبي، تصبح على خير. حمزه: وانتي من أهل الخير. حمزه خرج من القصر وقال للحرس: "أنِسة شروق هتخرج دلوقتي، مش عايز حد في البيت يعرف إنها خرجت، سمعته؟ الحرس: حاضر يا باشا. شروق نزلت، وحمزه فتح لها باب العربية. شروق: ممكن أعرف إحنا رايحين فين؟ حمزه: شوية وهتعرفي. شروق بصوت هادئ: وانت من امتى بتقول أصلاً؟ حمزه سمعها وقال: كويس إنك عارفة. بعد وقت وصلوا مكان على البحر. حمزه نزل من

العربية وقرب من شروق وقال: ممكن تنزلي؟ شروق نزلت وليس بتبص. حمزه غم عينيها. شروق: حمزه، انت بتعمل؟ حمزه: هش، مش عايز أسمع صوتك الجميل ده شوية. شروق: طيب ممكن أفهم بجد إحنا فين؟ حمزه: هنبعد شوية عن العالم. شروق بزعل: مهم، بعدنا هنرجع تاني؟ حمزه: حبيبتي، طول ما أنا جنبك هخليكي بعيدة عن العالم كله. عند أدهم ومراد: أدهم: ياله يا مراد، خد هدي روحها، الوقت اتأخر. مراد: ياله يا هدي، تصبح على خير يا أدهم.

هدي: تصبحي على خير يا لي لي. أدهم ومراد بستغراب وقالوا: لي لي؟ ليان وهدي بصوا بستغراب عليهم. هدي قالت: أيوه، أنا حبيتها أوي، عشان كده هدلعها لي لي. مراد قرب من أدهم وقال: هدي شكلها حبتها. أدهم: أوي. ليان: وانتي من أهل الخير يا هوبا. أدهم ومراد بصوا لبعض وقالوا: هوبا؟ ليان: أيوه، هوبا حبيبتي. أدهم: لا، ده شكل الموضوع كبير. مراد: هدي يا حبيبتي، انتي تعرفيها من قبل أدهم وإلا إيه؟ هدي: لا يا حبيبي.

أدهم: حبيبي وحبيبتي، متلم نفسك ياله. مراد: أي خطيبتي ومراتي. أدهم: طيب، حسابك معايا بعدين. مراد: أشوفك. مراد وهدي مشيوا. وادهم وليان مشيوا. عند مراد وهدي: مراد وصل هدي القصر، وهدي نزلت من العربية. مراد نزل وقف جنبها وقال: هتوحشيني أوي. هدي: وانت كمان. مراد مرة واحدة خدها في حضنه وقال: أخيراً جه اليوم اللي كنت بتمناه. هدي: بدلته نفس الحضن وقالت: بحبك أوي. مراد: وأنا كمان بموت فيكي. هدي: طيب ياله، باي.

مراد: باي يا روحي. ولسه هدي ماشية شوية سمعت صوت ضرب نار. بتبص لقت مراد وقع على الأرض. قالت بصوت عالي: مراد! هدي جريت عليه وقالت: مراد! مراد: متخافيش، أنا كويس. هدي: مين اللي ضرب نار؟ الحرس جم جري عشان ضرب النار. الحارس: أنِسة هدي، جرالك حاجة؟ هدي: لا. الحارس: مراد بيه، جرالك حاجة؟ مراد: لا، بس تعالوا شيلوا الجثة دي من هنا. وكمل كلامه وقال: هدي، ممكن تدخلي، أنا كويس، متخافيش.

هدي: لما أفهم اللي حصل ده، وبعدين أنا مش هدخل وأسيبك. مراد: حبيبتي، كان بيرقبنا من وإحنا في المطعم، وأدهم شافه. وكمل كلامه وقال: وأنا بسلم على أدهم، أداني المسدس بتاعه وقالي: خد بالك. ولما نزلنا من العربية، شفته وهو بيدوس على الزناد، فسبقته وضربته بالنار. هدي: طيب، هو مين؟ مراد: أوعدك أعرف وأقولك. وقرب منها وباس جبينها وقال: تصبحي على خير. هدي بتردد: لا، مش هسيبك.

مراد: حبيبتي، مينفعش، عايز أرن على أدهم وعلى الضابط، مينفعش يجي وإنتي واقفة. هدي دخلت وهي قلبها هيقف من الخوف على مراد، بس دعت ربنا إنه يبقى بخير. عند حمزه: خد شروق في اليخت بتاعها. شروق: ممكن تفك اللي على عيني؟ حمزه: ممكن طبعاً. شروق شالت اللي على عينيها وقالت: إحنا بنعمل إيه في نص البحر؟ حمزه: حبيبتي، كل ما تكوني مضايقة هنيجي هنا نبعد عن العالم كله عشان ميكونش في غيري أنا وانتي.

شروق حضنت حمزه وقالت: انت مصدر أماني وسعادتي في الدنيا كلها. حمزه: حبيبتي، أنا عايش عشانك. وبعد عنها شوية وقال: اطلبي أي طلب النهارده، كل طلباتك أوامر. شروق بفرحة: بجد؟ حمزه: بجد. شروق: أممم، مش عارفة أطلب إيه. حمزه: ضحك وقال: متأكدة إنك مش عارفة؟ شروق: لا، خلاص عرفت. حمزه: إيه؟ شروق: وهتوافق؟ حمزه: بس قولي الأول. شروق: لا، انت قلت هتوافق. حمزه: وأنا موافق عشان حمزه الهادي مبيرجعش في كلامه.

شروق: أنا عايزة أشتغل معاك في الشركة. حمزه باستغراب وقال: أنا كنت فاكرك هتقولي تعال نجيب ولد شبهك. شروق: انت قليل الأدب. حمزه: من صغري. شروق: حمزه بجد، نفسي أشتغل معاك. حمزه قرب منها وقال: حبيبتي، مينفعش، انتي عارفة إننا متخانقين. شروق: مانا هقول إني عايزة أعرف حقي في الشركة. حمزه عقد حواجبه وقال: والله؟ شروق بدلع: أيوه، لازم أعرف أنا ليا إيه. حمزه قرب أكتر وقال: ليكي كل حاجة. شروق ضحكت وقالت: والله، وأي كمان؟

حمزه: ضحكتك عندي بالدنيا. شروق: حبيبي. حمزه: كونا بتقول إيه بق؟ شروق بضحك: كنا بنقول على الشغل. حمزه: لا، شغل إيه دلوقتي. شروق: حمزه، وافق عشان خاطري. حمزه: بشرط. شروق: شرط إيه؟ حمزه: هي خلصت. شروق بكسوف وابتسامة هزت راسها بأيوه. حمزه: والله العظيم. شروق ضحكت وقالت: حمزه، بطل تكسفني. وكملت كلامها وقالت: مقولتش الشرط إيه. حمزه: أخد بوسة. شروق قربت بسته من خده وقالت: اهو موافق بق. حمزه: موافق.

شروق: وهبدأ الشغل من امتى؟ حمزه: من دلوقتي، تعالي بق أقولك هتعملي إيه. وقرب منها وشالها ونزل بيها.