رواية عشق الحور الفصل الرابع والسبعون 74 - بقلم مروه شحاته

تزين القصر لاستقبال العيد. الجميع سعيد بعودة عائشة سالمة وبتوائمها الأربعة. حور ضاحكة: يكون في عونك، وأنا اللي قلت التربية الصعبة. عائشة وهي تحتضن ساجد: حقه ياحور، ده أنا بموت بجد. بسمة ضاحكة: مش كان نفسك تبقي ماما؟ اشربي ياحبيبتي. زينب: ربنا يبارك فيهم ياعيشة، المهم انتي تيجي هنا. مش هينفع تقعدي في بيتك لوحدك. عائشة: مش هينفع يا أمي عشان سليم. زينب: وإيه المشكلة عندك؟

جناحين فوق، خديهم انتي والعيال، وأهو تبقي في وسطنا. عائشة: لأ، سليم مش هيوافق. ماما سيبيني على راحتي. زينب بحده: هو أنا كلمتي معدتش بتتسمع في البيت ده ولا إيه؟ حور: ماما سيبيها على راحتها، هي أدرى بظروفها. جلست عائشة أمامها: عشان خاطري متزعليش، بس أنا مش عاوزة سليم يتحرج. ربتت على شعرها: يابنتي عاوزة أشبع من العيال، وإنتي لو رحتي البيت هتتلبخي فيهم ومش هشوفك. عائشة: طيب سيبيني أنا أكلمه. زينب: طيب ياعيشة.

قبلت حور خدها: أحبك يازوزو يا عسل انتي. زينب ضاحكة: بطلي ياشقية. ها، رتبتوا كل حاجة؟ حور: كله تمام، خلصنا وقلنا نقعد نتكلم شوية. بسمة: أمال فين عشق ياحور؟ حور: راحت مع أنيس ويحيي يتفرجوا على الدبايح. بسمة بحنق: أنا معرفش الواد ده جايب القلب الجامد ده منين. حور: راجل زي أبوه. التفت الجميع إلى غيث الذي دخل من الباب، وفي إحدى يديه يحيي، والأخرى أنيس وعشق. أسرعت عشق لترتمي بين ذراع حور: شكلها يخوف أوي يا ماما. حور:

هي إيه دي؟ يحيي ضاحكاً: البقرة أول ما عمو جاسر دبحها فضلت تصوت، وبابا جابنا على هنا. ضربت عشق قدمها بالأرض وقالت بطفولية: بتتريق عليا يايحيي؟ أنا مخصماك. أسرع يحيي إليها وقال: طب خلاص متزعليش. كان الجميع مشغولاً بيحيي وعشق، ولم يلتفت أحد إلى الصغير الذي تسلل ببطء ليحمل إحدى التوأم الفتيات النائمة، ليعلن انتصاره. أنيس: عمته، أنا هاخد دي، النبي النبي. التفت الجميع إلى أنيس الذي يحتضن الصغيرة. عائشة بلوعة:

بنتي، سيبها يا أنيس. أنيس بطفولية: لأ، دي بتاعتي. حور بخضة: بتاعتك إيه؟ هي قطة؟ سيبها يابني الله يهديك. أنيس: لأ، أنا هخلي بالي منها. تقدم غيث نحوه لينتزع الصغيرة من يده، وذهبت حور نحوه لتضرب يده: افرض كانت وقعت منك. اوعي تعمل كده تاني. سقطت دموع الصغيرة، لتقترب منه عشق وتربت على خده. أنيس بتذمر: سجود بتاعتي. قال جملته وتحرك ناحية جناح والدته ركضاً. غيث ضاحكاً: هي دي سجود بجد؟ عائشة وهي تحتضن الصغيرة: آه هي. غيث:

طب الواد ده عرفها إزاي؟ بسمة: تصدق صح، ده أنا لسه مش بعرف أفرق بينهم. زينب: حور، ادخلي طيب بخاطره وفهميه بالراحة. حور: حاضر ياما. زينب: غيث علاء مجاش؟ غيث بغيظ: لأ، لسه. زينب: طب اتصل. استعجلوا. تجمعت العائلة على طاولة الطعام الكبيرة، على رأسها جاسر، وتجلس زينب في مواجهته تتأمل أولادها وأولادهم بعيون دامعة. جاسر: مش بتاكلي ليه يا ست الكل؟ ابتسمت زينب وهي تطعم غيث الصغير الساكن أقدامها:

بآكل ياحبيبي، ربنا يتم علينا نعمته وتتجمعوا حواليا دايماً. يؤمن الجميع.