رواية عشق الحياة الفصل السابع 7 - بقلم ميسون عبدالمجيد

حياة بصريخ: سييييييف! وهوب عربية خبطت سيف. حياة جريت عليه والناس كلها اتلمت حواليه. حياة بزعيق وخوف: اطلبو الاسعاااف بسرعة! كيان جري عليهم. وقف بصدمة: سيف قووم ي صاحبي انت اقوي من كدة. بعد مرور عدت ساعات في المستشفى. حياة بقلق: هما بيعملو ايه كل دا؟ كيان بقلق أكتر: خير ي حياة إن شاء الله. اهدي بس. چيدا جت تجري: في إيه ي حياة طمنيني سيف كويس؟ حياة بقلق: لسة ي چيدا لسة.

ليلي بعياط: ااااه ي حبيبي ي سيف. ي رب أنا مليش غيره. ي رب خليك معاه ورجعهولي بالسلامة ي رب. حياة قربت منها قعدت قدامها ومسكت إيديها بحنيه. حياة: اهدي حضرتك. إن شاء الله هيكون بخير وهتعدي. اهدي انتي. ليلي بصتلها بأمل وابتسامة. خرج الدكتور، كلهم جريو عليه. كيان بقلق: خير ي دكتور؟

الدكتور: هو كويس. حادثة بسيطة الحمدلله. بعيد عن المخ والقلب. بس حصل له كسر في الدراع وهيركب شريحة ومسامير. وكلها ست شهور سنة بالكتير إن شاء الله وهيرجع أحسن من الأول. حياة: طب نقدر ندخله؟ الدكتور: هو نايم أثر البنج ومش هيصحى دلوقتي خالص. ممكن يقعد لغاية بليل أو بكرة. فا أنا بفضل حضرتكم تمشوا وتجولوا بكرة. حياة: لا أنا هفضل معاه. كيان: خلاص تعالي ي طنط أوصلك وأنا هرجع أبات معاه أنا وحياة.

ليلي بخوف: لا أنا مش هقدر أسيبه. كيان: ي حبيبتي بكرة الصبح هاجي آخدك بنفسي عشان تطمني عليه. تعالي انتي كمان ي آنسة چيدا. تعالي أوصلك في طريقي. چيدا: تمام. حياة لو احتجتي أي حاجة رني عليا. حياة هزت راسها بالموافقة. بعد وقت. كيان وصل ليلي الڤلة واطمن إنها كويسة. ولسة چيدا معاه. چيدا: هو أنت صاحب سيف من بدري؟ كيان بابتسامة: أنا وسيف صحاب من أيام ابتدائي. چيدا ابتسمت بزهول.

كيان: يعني مع بعض بقالنا أكتر من عشرين سنة. يعني لو إخوات مكنوش هيفضلوا مع بعض طول المدة دي. چيدا بابتسامة: شكلك بتحبه أوي. كيان: سيف مش بس صاحبي. سيف أخويا الكبير. وفي أوقات بيكون لي أب. رغم إننا قد بعض بس فكره مختلف عني وفكره أكبر. بيعرف يحتويني ويفهم مالي. چيدا مبتسمة بحب. كيان بصلها وابتسم. في المستشفى. كيان خبط ودخل. لقي حياة قاعدة على كرسي قدام سرير سيف وبتنام على نفسها. كيان بهمس: حياااة.

حياة فاقت وقامت قربت منه. كيان: كنتي روحتي بدل قعدتك دي. حياة بإرهاق: لالا أنا تمام. هقعد معاه لحد ما يفوق. كيان: طيب يستي خدي كلي الساندويتش دا وإنتي قاعدة. حياة أخدته وابتسمت. كيان خرج برا وهي فضلت قاعدة مع سيف. عدة ساعات والصبح بدأ يطلع. سيف بيفتح عينه وحاسس بتعب شديد. بيبص حواليه بيحاول يفتكر إيه آخر حاجة حصلت. بيبص لقى حياة قاعدة على كرسي قدامه ونايمة. حياة حست بحركته بدأت تصحى. حياة بتفرك في عنيها: أنت كويس؟

وبتقوم وحست جسمها هيتشل أثر النوم على الكرسي. سيف بتعب: هو أنا مالي حصلي إيه؟ حياة: ولا حاجة. حادثة بسيطة. يدوب كسر في الدراع وهتركب شريحة وشوية مسامير. سيف بصدمة وتعب: لا تصدقي بسيطة. حياة ضحكت بخفة: هنده لك الدكتور وكيان هنا من امبارح على فكرة. حياة دخلت التويلت وجه الدكتور وكيان لسيف. بعد وقت. كيان بيقعد جنبه: ألف سلامة يا عم. الدكتور طمنا وقال إن كلها ست شهور ودراعك هيبقي زي الفل. سيف هز رأسه بحزن.

كيان بابتسامة: بس إيه دا دي حياة طلعت بتعشقك مش بتحبك بس. سيف بصله بصدمة ورفعة حاجب. كيان بيضحك: اه والله من امبارح وهي على قعدتها كده ومش راضية تتحرك من جنبك. دي بتحبك أوي. سيف ابتسم بخفة. دخلت ليلي جري وبتحضنه بحذر. ليلي بدموع: ألف سلامة عليك ي روح قلبي. كدة تموتني من الرعب عليك. سيف بيبوس إيديها بحب: ربنا يخليكي ليا ي ست الكل. ليلي بدموع: ويخليك ليا ي حبيبي. مش متخيل كنت عاملة إزاي من غيرك امبارح وأنا قاعدة لوحدي.

حياة بتدخل وبتقعد. كيان: حياة إنتي من امبارح هنا وسيف بقي كويس. روحي ارتاحي إنتي بقى. حياة قامت: ماشي. بس خلي بالك منه. ليلي: شكراً على وقفتك مع ابني. حياة ابتسمت بهدوء وخرجت. بيعدي الوقت والأيام والشهور. چيدا وكيان بقوا صحاب جدا. وحياة طول الوقت مع سيف بتساعده في شغل الشركة من البيت. وقربوا من بعض جدا. وجه معاد عملية سيف عشان يحوش الشريحة اللي في دراعه. حياة واقفة برا وقلقانة وكيان وليلي وكلهم.

وسامعين صوت تألم سيف من جوه. عدا كام ساعة وسيف كان خرج من العمليات بس كان بيرتاح. حياة بابتسامة: حمدالله على سلامتك. سيف بابتسامة وتعب: الله يسلمك. كيان: الدكتور قال تنتظم على العلاج الطبيعي لمدة كام شهور ودراعك هيرجع أحسن من الأول. سيف ابتسم بتعب. كيان بابتسامة: طب بمناسبة اللمة الحلوة دي. أنا بطلب إيد چيدا رسمي قدام الكل. چيدا بصتله بصدمة وذهول. وهو ضحك وطلع خاتم. حياة حضنت چيدا بفرحة. وكيان لبس چيدا الخاتم.

كيان بابتسامة: حبيتك. چيدا بخجل: وأنا أكتر. كلهم خرجو. اتبقى سيف وحياة. حياة بابتسامة حزينة: الست شهور خلصوا. أعتقد مهمتي خلصت. بس للأسف مقدرتش أعملك حاجة. ديما لقيت إن مفيش فايدة. ورجعت فرنسا. وأنا بردو اللي كنت معجبة بيه خطب وقرب يتجوز. أعتقد خلاص بقى. سيف باصصلها وساكت. حياة قامت: سلام. أشوف وشك بخير. واتفضل. وقلعت الدبلة ومشيت كام خطوة. سيف: حياة. حياة بصتله. سيف: قربي لحظة. حياة قربت منه وهو مسك إيديها.

سيف: أنا كمان هقلع دبلتي. بس هقلعها من اليمين أحطها في الشمال. حياة بصدمة وعدم فهم: يعني إيه؟ سيف بابتسامة: يعني أنا دلوقتي اللي بعرض عليكي تتجوزيني. بس المرة دي مش لمدة ست شهور. لا. المرة دي لآخر العمر. حياة مبتسمة بصدمة. سيف بتعب وحب: مش عارف إمتى أو إزاي أو ليه حبيتك. بس فجأة. مقدرتش أتخيل حياتي من غيرك ي حياة. حياة بذهول وفرحة بداريها: طب إزاي كده؟ سيف: حبيبتك وهحبك وبعشقك. ومش متخيل إنك تبعدي عني.

حياة بابتسامة: أنا كمان بحبك. سيف حضنها بحب.