رواية عشق الحياة الفصل السادس 6 - بقلم ميسون عبدالمجيد

چيدا: أهلك. حياة بخوف: مالهم؟ چيدا أخدتها بعيد: مامتك اتصلت بيا وبتقول إنك لازم تسافر لهم الأسبوع الجاي، وإنك مش بتردي على تليفونك. حياة بغباء: أوف بجد، تليفوني فاصل من امبارح. ماشي يا جي، أنا هرن عليها أشوف إيه الحوار. خرجت چيدا. واتبقى حياة وسيف. سيف بص لها: خير، في حاجة مش كويسة ولا إيه؟ حياة: لا عادي، ماما عايزاني أسافر لهم كمان أسبوع ضروري. سيف بص لها: وهتسافري؟ حياة: للأسف. عن إذنك لحظة.

ونزلت تجيب حاجة تشربها تاني. لقت كيان قاعد، نفخت بضيق ووقفت جنبه، بس لاحظت إنه ماسك راسه وشكله مصدع جدا. حياة قربت منه: اتفضل. كيان بص لها بضيق: إيه دا؟ حياة: برشام للصداع، اتفضل. كيان أخده. حياة: طب حتى قول شكراً يا ستار منك. كيان بهدوء: متشكر. ولسة هيمشي. حياة بتقف قدامه: هو أنا زعلتك في حاجة؟ كيان: لا. حياة: امال من يوم ما شفتني وانت مش طايقني ليه؟ لا بجد رد عليا.

كيان: أنا آسف لو كنت ضايقتك بكلامي، بس أنا في حاجة حصلتلي كدة خلتني كرهت تقريباً الستات كلها. حياة: صدقني صوابعك مش زي بعضها زي ما بيقولوا، مش معنى إنك اتخذلت من حد قريب منك كدة تكره كل اللي حواليك. لا، أي حاجة خلقها ربنا فيها الحلو والوحش، بس إحنا ساعات غصب عننا بنقرب من الوحش. حاول تنسى أي حاجة وحشة حصلت وكأنك بتتولد من جديد، وحب نفسك عشان تقدر تحب اللي حواليك. كيان بص لها بابتسامة وكأن أول مرة يبتسم من مدة.

كيان: تعرفي، رغم إن اللي يشوفك من بعيد يقول طفلة أو واحدة مجنونة، بس جواكي حد عاقل وبيفهم. حياة: ورغم إن كلام حضرتك معظمه إهانة، بس في بعض الشكر. كيان ضحك وهي كمان، وطلعت. في مكتب سيف. ديما: تمام، كدة تقريباً اتفقنا، نبدأ في العرض على طول. سيف: آه تمام، بس ديما ارجوكي مش عايز أي غلطة. كيان: طيب، كدة هيبقى في اجتماع للمهندسين. سيف: آه طبعاً، عشان نفهمهم الجاي هيبقى إيه. الباب خبط، دخلت حياة. ديما قامت: تمام، كدة خلاص.

ومشيت من جنب حياة. كيان قام وبص لحياة بابتسامة: حياة هانم. حياة ضحكت بخفة. وسيف بيبص لهم بصدمة. كله خرج، اتبقى سيف وحياة. سيف بذهول: هو إيه اللي حصل دا؟ حياة بتضحك بخفة: كيان صديقي الجديد، بيسلم عليا. سيف بصدمة ورفع حاجب: كيان وصديقك؟ حياة ببرود: أها. سيف بعينين حادة وبرود: طب تمام، اتفضلي بقى الملفات دي رتبيها كلها، مش هتقضي اليوم كله تلفي في الشركة. حياة أخدتهم بغيظ: ماشي، وع فكرة بقى كيان أكيت وأطيب منك. ومشيت.

سيف بغيظ: بقت كدة، تمام تمام. بعد وقت. خرج سيف من الشركة ومعاه حياة. سيف: خليكي هنا لحظة، هعدي أجيب حاجة من المحل دا. حياة: ماشي، تمام. سيف بيعدي ودخل محل، جاب منه حاجة في شنطة وخرج. لسة بيعدي وبيشاور لحياة عشان تيجي. سيف بيعدي الرصيف. حياة بصراخ: سيييييييييف.