رواية عشق القاصي الفصل الرابع 4 - بقلم ياسمين سلطان

عشق بدموع وبدأت تحكي كل اللي حصل. قصي بدأ يتعصب ويحاول أنه يبقى هادي قدامها عشان ما تخافش. وبعد ما خلصت: قصي: أنا عايزك تهدي. تمام، أنا دلوقتي هاخدك الشقة بتاعتي. وقبل ما تعترضي: قصي: أنا مش بقعد فيها. عشق بعد ما هدت: عشق: تمام، شكراً جداً ليك. قصي: إحنا بقينا أصحاب، فبعد كده مفيش شكر، أوكي؟ عشق: أوكي. قصي: ها ياستي، شكلك عايزة تقولي حاجة. عشق بتردد:

عشق: بصراحة آه. أنا عايزة أشتغل عشان أصرف على نفسي، وأكيد أنا مش هفضل في بيتك كتير. فلو تعرف مكان ينفع أشتغل فيه، يبقى شكراً. قصي بجدية: قصي: بصي يا عشق، بعيداً عن الكلام اللي أنتِ قلتيه، أوكي؟ البيت بيتك. أما على الشغل، أنتِ أصلاً شكلك صغيرة، فما تشيليش هم حاجة. عشق بأمل: عشق: هو آه أنا عمري 18 سنة، بس بعرف أتكلم 6 لغات، وأكيد في مكان عايز ناس كده. وكمان أنا بدرس إدارة أعمال وخدت كورسات كتير. قصي بصدمة:

قصي: أنتِ عمرك 18 وبتكلمي 6 لغات وكمان بتدرسي إدارة أعمال وفاهمة فيها؟ عشق: أيوه والله. قصي: طيب بصي، إحنا وصلنا. يلا نطلع ونكمل كلامنا فوق. عشق: أوكي. ونزلوا من العربية. وهما طالعين، قصي طلب أكل ودخلوا الشقة اللي عشق مبهورة بيها. قصي: عجبتك الشقة؟ عشق: جميلة جداً. قصي: ها ياستي، اقعدي واحكيلي بتعرفي إيه تاني.

عشق: هو يعني أنا بعرف أتكلم إنجليزي، إيطالي، فرنسي، تركي، كوري، ويوناني. وبعرف كل حاجة عن إدارة الأعمال زي السكرتارية وكده. قصي بصدمة: قصي: لا، برافو عليكي. بصي، أنتِ من يوم السبت السكرتارية الخاصة بتاعتي وكمان مترجمة الشركة. عشق بصدمة وفرحة: عشق: بتتكلم بجد؟ يعني أنا خلاص هشتغل؟ بس هو أنت عندك شركة؟ قصي بضحك: قصي: يعني عمري 30 سنة وبقول هاتكوني السكرتارية الخاصة، ومش هيبقى عندي شركة؟ عشق بكسوف:

عشق: أنا آسفة، بس من الفرحة. قصي: لا عادي، ولا يهمك. وشوية والباب خبط. قصي: دا أكيد الأكل. راح خد الأكل من الراجل ودخل. قصي: يلا عشان نأكل. وأمشي أنا. وهاجي بكرة آخدك وأعرفك على أهلي. هاتحبيهم أوي، أنا واثق. وكمان أختي في سنك عشان بكرة إجازة. عشق: أوكي. وبعد ما أكلوا، قام قصي وقال: قصي: أنا همشي بقا. خلي بالك من نفسك. عشق: حاضر. وأنت كمان. تصبح على خير. قصي: وأنتي من أهل الخير. سلام. ومشى. عشق دخلت، خدت دش، ونامت.

صباح يوم جديد في بيت أبو عشق. أحمد: سماح، ادخلي أوضة عشق بتلاقيها فاضية وفيها تلفونها. سماح بخبث وصريخ: سماح: ألحق ياحج. اتفضحنا ياحج. اتفضحنا. أحمد: خير يا ولية؟ في إيه؟ سماح: بنتك ياحج هربت. يلهوي. أحمد: إيه؟ ما ممكن بتجيب حاجة من تحت وجاية. اتصلي بيها. سماح: لا ياحج. هربت. حتى التلفون أهو ومفيش هدوم جوه. أحمد: يادي المصيبة. أقسم بالله لو لقيتك يابنت الـ... هاموتك. تلفون عشق رن، وكانت قمر وسما مكالمة جماعية.

قمر: ألو عشق يا بنتي. بنرن عليكي من بدري. سماح: أيوه يا ختي. خير؟ قمر: هيا في عشق يا طنط. سماح: وأنتي يا روح طنط، متعرفيش أن قليلة الرباية هربت مع عشيقها؟ سما: إيه اللي أنتِ بتقوليه ده يا طنط؟ يعني إيه هربت؟ وعشيق إيه؟ عشق متعرفش ولاد. سماح: ولله يا ختي ده اللي حصل. هربت وجابت لنا العار ولي أبوها. قمر: تمام يا طنط. ولو عرفتوا حاجة، ياريت تقوللنا. سماح: طيب يا ختي. وقفل سماح. في المكالمة قمر وسما: سما: يعني راحت فين؟

قمر: والله ما أعرف. بس أكيد في حاجة خلتها تمشي. سما: قصدك أن عشق سابت البيت بسبب... قمر: أكيد. بس إيه هو بقا السبب؟ عند عشق. صحيت وخدت دش وغيرت هدومها. وشوية والباب خبط. وكان قصي. قبل قليل. كان قصي واقف قدام المرايا بيظبط هدومه وخرج من الجناح ونزل. في أوضة السفرة كانت العيلة كلها قاعدة ما عدا سما. قصي: صباح الخير. الجميع: صباح النور. قصي: هيا فين سما يا ماما؟ أمال: بتكلم أصحابها يا حبيبي.

قصي: اممم. تمام. ماما، في ضيفة هتكون معانا على الغدا. أمال: مين ياقصي؟ قصي: لما تيجي. أنا أصلاً هاروح أجيبها. أمال: تمام يا حبيبي. قصي وهو بيقوم: قصي: طيب، هامشي أنا. أوكي؟ الجميع: تمام. وخرج قصي. ونزلت سما وقعدت. أمال: مالك يا حبيبتي؟ زعلانة ليه؟ سما: ابدا ياماما. في موضوع كده مزعلني. أبوها: طب إيه هو الموضوع اللي مزعل أميرتي؟ سما بتنهيدة وحكتلهم اللي مرات أبو عشق بتعمله لحد ما سابت البيت بسبب ما مجهول. أمال بحزن:

أمال: يا حبيبتي يا بنتي. طب وهيا فين دلوقتي؟ سما بحزن: سما: معرفش والله يا ماما. عند قصي. خرج ركب العربية وراح لعشق. شوية ووصل وطلع. خبط. فتحت عشق. قصي: ها، خالصتي؟ نمشي؟ عشق: آه، خلصت. وخرجوا. وشوية ووصلوا. دخلو وكان العيلة كلها قاعدة. أول ما دخلوا وسما شافتها بصدمة: سما: عشق؟ عشق بصدمة: عشق: سما؟ أنتِ بتعملي إيه هنا؟ قصي: إنتوا تعرفوا بعض؟