رواية عشق القاسي الفصل الحادي عشر 11 - بقلم ياسمين سمير

يعلن هاتف روعة عن وجود رسالة. قاسم: مين أحمد؟ روعة: دا... معرفوش. أخذ منها قاسم التلفون، ثم فتح الرسالة، ليلقى مضمونها: "أنا بحبك". قاسم بغضب: مين أحمد دا؟ روعة بخوف: معرفوش. يمسكها قاسم من شعرها: لآخر مرة هسألك عن أحمد دا. روعة: سيب شعري يا قاسم، إنت بتوجعني. قاسم: وإنتي بتخونيني؟ روعة: أنا مخونتكش. يسحبها قاسم خارج السرير: أمّال إيه دا؟ بعتلك "أنا بحبك" يبقى إيه؟ أخوكي في الرضاعة؟

روعة: أنا مسمحلكش تشك فيا، إنت عارفني كويس. قاسم: الظاهر كدا، معرفش حاجة عندك. روعة بدموع: معرفش والله، هو بعتلي كدا ليه. قاسم: آه يعني تعرفيه. روعة: سيب شعري، هفهمك كل حاجة. يترك قاسم شعرها: قوولي. روعة: دا أحمد أخو روان صاحبتي. قاسم: روان مين؟ روعة: إنت متعرفهاش، إنت شوفت معايا ريم بس. وروان صاحبتنا كمان، بس مش بنروح مع بعض دروس. قاسم: آه وبعدين. روعة: كانت على طول بتقول إن أحمد أخوها دا معجب بيا. قاسم: وإنتي؟

روعة: أنا مش معجبة بيه، هي كانت على طول بتقول إنه هيتقدملي بس بعد ما أخلص الثانوية بس... قاسم: بس إيه؟ كملي. روعة: إنت اتجوزت. قاسم: وإنتي زعلانة؟ روعة: لا. قاسم: بجد؟ روعة: بجد. ممكن آخد الفون بقا أكلم ريم؟ قاسم: هتفتحي السماعة؟ روعة: حاضر. تأخذ منه الهاتف لترن على صديقتها. بعد قليل، تفتح ريم. روعة: ألو، أيوا يا ريم. ريم: روعة، إنتي فين؟ برن عليكي كتير. روعة: أنا كويسة، إنتي عاملة إيه.

ريم: بخير. إنتي كنتي فين طول المدة دي؟ تنظر روعة إلى قاسم ثم تكمل: روعة: كنت مشغولة أووووي. ريم: تليفونك كان مقفول يا روعة. روعة: آه، ماهو كان فاصل شحن وأنا كنت بدور على شاحن. ريم بشك: متأكدة. روعة: آه. ريم: بقالك شهرين بتدوري على شاحن يا روعة. روعة: سيبك بقا من الفون والشاحن، إنتي عاملة إيه؟ وحشتيني. ريم: إنتي أكتر. مش هتنزيلي إسكندرية بقا؟ تنظر روعة إلى قاسم ثم تضع يديها على الهاتف. روعة بصوت واطئ: أقولها إيه؟

قاسم: قولي لها "لما أقول لقاسم الأول". روعة: حاضر. روعة: لما أقول لقاسم الأول. ريم: دا الوحش دا. تنظر إلى قاسم لترى ملامحه اتغيرت. روعة: وحش إيه؟ ريم: أصل البت روان خوفتني الصراحة. روعة: روان قالتلك إيه؟ ريم: أصلها كانت عندي من فترة وكدا وقالتلي إزاي أطمن عليكي وإنتي مع قاسم، وفضلت تقول بقا إن أحمد ممكن يقتل قاسم عشانك. ينتبه قاسم إلى الكلام. روعة بخوف: يقتل؟

ريم: دا هبل. هيا شكلها متعرفش قاسم دا قد إيه. الله يكون في عونك يا قلبي. روعة: طيب يا ريم، هكلمك تاني. ريم: متقفليش تليفونك، أنا بخاف عليكي. روعة: حبيبتي متخافيش، أنا هنا في عيلة بتحبني وقاسم كويس معايا. ريم: بجد يا حبيبتي. روعة: بجد يا حبيبتي. ريم: الحمدلله يا رب، كنت خايفة بصراحة من ساعة روان ما كلمتني. روعة: لا يا حبيبتي متخافيش، يلا سلام. ريم: سلام يا حبيبتي. تغلق الهاتف ليسحبه منها قاسم.

قاسم: احكيلي بقا حكاية أحمد دا. روعة: زي ماقولتلك والله. قاسم: متأكدة إنك مش مخبية حاجة؟ روعة: أخبي إيه وأخبي ليه؟ أصلاً كان قدامك كل الكلام. قاسم: طيب. تتجه روعة إلى السرير وتنام، لينام بجوارها قاسم. قاسم: حبيبتي. روعة: لا رد. يضع قبلة على خدها. قاسم: أنا آسف. تنظر إليه روعة. روعة: أول مرة تقولها. قاسم: أنا اتجننت لما شفت "بحبك" معرفتش أنا بعمل إيه. روعة: خلاص يا قاسم، ممكن تسبني أنام. يُحضنها

قاسم من الخلف: أنا موحشتكيش؟ روعة: تؤ تؤ. قاسم: من قلبك. روعة: اممم. قاسم: بس إنتي وحشتيني وأنا واثق إنك وحشتيني. روعة تنظر إليه: وإيه الثقة دي؟ يرمي قاسم تلك الفوطة التي تحيط بخصره ثم يطفئ الأنوار: أقولك أنا جايب الثقة دي منين. تمر الأيام بهدوء. في غرفة سامر: سامر: أنا حبتها صح؟ أنا حبتها. أيوا حبتها. يدخل في هذه اللحظة قاسم. قاسم: حبيت مين؟ سامر: قاسم! إنت هنا من إمتى؟

قاسم وهو يجلس على السرير: من ساعة. أيوا حبتها... حبيت مين بقا؟ سامر: أها، لا محبتش حد. قاسم: أمّال. سامر: مفيش يا قاسم. قاسم: لو فيه واحدة أنا أخوك، عرفني. سامر في سره: مراتك اللي دخلت قلبي من أول نظرة. سامر لقاسم: مفيش، لو فيه هقولك. قاسم: هحاول أصدق. يلا أنا نازل، سلام. سامر: سلام. في غرفة فاطمة تحدث صديقتها نرمين: فاطمة: إزيك يا نرمين. نرمين: إزيك يا فاطمة، فينك بقالك فترة مش بتكلمني؟ ولا عشان مفيش فلوس؟

فاطمة: لا مش كدا، كنت مشغولة شوية. نرمين: الله يكون في عونك يا حبيبتي. فاطمة: عايزة إيشي حاجة. نرمين: حاجة إيه؟ فاطمة: هقولك. في الأسفل تجلس سنية وروعة. سنية: مفيش حاجة في السكة؟ روعة بعدم فهم: حاجة إيه؟ سنية: عيل كدا... أنا نفسي في عيل يشيل اسم قاسم. روعة: آه إن شاء الله يا ماما. سنية: إن شاء الله، دا يبقى يوم المنى لما يخلفلي قاسم، هيشيلك على كفوف الراحة. روعة: بس يعني لسه شوية، إحنا لسه متجوزين بقالي خمس شهور بس.

سنية: ودول شوية؟ دا أنا اتجوزت من هنا حملت من هنا. روعة: ههههه، مبقاش زي زمان بقا يا ماما. سنية: على رأيك. يأتي قاسم ينضم إليهم. قاسم: بتقولوا إيه؟ روعة: لا مش بنقول. قاسم: بس أنا سمعت. روعة: سمعت إيه؟ قاسم: سمعت بقا وخلاص... عايزك فوق. روعة: حاضر. قاسم: عن إذنك يا أمي. سنية: اتفضل يا ابني. يأخذها قاسم ثم يصعدان، يقابلهم سامر. قاسم: رايح فين؟ سامر: نازل تحت. قاسم: مش ناوي تروح الكلية بقا. سامر: آه، بكرة إن شاء الله.

روعة: إنت في كلية إيه؟ يرد قاسم الذي كان يحتضنها: طب. روعة: آه، ربنا معاك. ينظر إليها سامر بحزن: آه. قاسم وهو ينظر إلى روعة: يلا. روعة: عن إذنك. سامر: آه، اتفضلوا. في غرفة قاسم يغلق الباب ثم يلتفت إلى روعة. قاسم: أنا مش حابب تتكلمي إنتي وسامر. روعة: بس إحنا متكلمناش، دا أنا حتى معرفش هو في كلية إيه. قاسم: بس بردو يا ريت تقطعي الكلام معاه. روعة: حاضر... كنت عايزني ليه؟ قاسم يتقرب منها: كنت عايز أشرب سيجارة.

روعة: البتاعة دي تاني؟ مش إحنا اتفقنا إنك مش هتشربها؟ قاسم: أنا قولت أقولك قبل ما أشرب عشان آخد البوسة ومشربهاش. روعة: آه عشان كدا عايزني. قاسم: أيوا. تقترب منه روعة أكثر ثم تضع قبلة على شفتيه. تحاول الابتعاد ولكن قاسم يضع يديه خلف رأسها لتمنعها من الحركة ثم يقبلها. روعة: حرام عليك، كنت هموت. قاسم: بعيد الشر... يلا ننزل. روعة: يلا. تمر الأيام ويسافر سامر إلى كليته بالقاهرة.

في المطبخ تقف روعة وفتحية وتجلس سنية بالقرب منهم. روعة وهي تضع يديها على رأسها: تلاحظ سنية: مالك يا بتي؟ روعة: مش عارفة يا ماما، حاسة إني دايخة من الصبح. سنية: طب تعالي اقعدي. قبل أن تذهب إليها، تسقط مغشية عليها. بعد قليل في غرفة قاسم، تنام روعة في سريرها، يجلس قاسم بالقرب منها وسنية، وتقف الدكتورة للكشف على روعة. بعد الكشف: قاسم: ها يا دكتورة، مالها؟ الدكتورة: لا لازم تيجي المستشفى. قاسم: في إيه؟ إنتي شاكة في حاجة؟

الدكتورة: أيوا، بس لازم أتأكد من حاجة تانية بردو... يا ريت في أقرب وقت... عن إذنكم.