رواية عشق القاسي الفصل الرابع والثلاثون 34 - بقلم ياسمين سمير

يرن هاتف قاسم. قاسم: أيوا يا محمد. محمد: أيوا يا بيه. قاسم: عرفت حاجة جديدة؟ محمد: أيوا، بس مش عارفة دي هتفيدك ولا إيه يا بيه. قاسم: قول. محمد: هي اتفقت مع واحد اسمه هاني إنه يخلص على واحدة. قاسم باستغراب: يخلص على مين؟ محمد: معرفش يا بيه، دي مشددة عليه ما يقولش لحد، بس أنا عرفت إنه سافر إسكندرية من يومين. قاسم بصدمة: إسكندرية؟ محمد: أيوا يا بيه. يغلق قاسم الهاتف ثم يذهب إلى سيارته بأقصى سرعة ليخرج عن القصر تمامًا.

عند روعة. تحمل ليث تحاول إسكاته. روعة: مالك بس يا ليث؟ تتجول روعة في أرجاء الفيلا تحمل صغيرها. روعة بدموع: بتعيط ليه بس؟ أول مرة تعمل كده. تدخل ريم. ريم: فيه إيه؟ روعة بدموع: مش عارفة، بيعيط من شوية ومش راضي يسكت. ريم: طب هاتيه كده. تحمل ريم ثم تتجول هي الأخرى. ريم: مالك بس يا سي ليث؟ تعبنا معاك كده ليه؟ روعة: بس بس بس، مالك يا روحي؟ ريم: نروح لدكتور؟ روعة: مش عارفة. ريم: فين نقابك؟ روعة: فوق.

ريم: خدي ليث، هطلع أجيبه وأجي. روعة: هاتيه. تحمل ليث ثم تقرب إلى قلبها وتبدأ بقراءة القرآن. روعة: اهدى يا حبيبي، مفيش حاجة هتحصل، بابا هيرجع قريب، اهدى اهدى. يهدأ الطفل فجأة. تقوم روعة بتقبيله وتتجول به حتى يذهب إلى نوم عميق بين أحضانها. ريم: يلا، أنا جبت النقاب. روعة بصوت واطئ: هووص، نام. ريم باستغراب: إزاي؟ روعة: مش عارفة، هو سكت وبعدين نام. ثم تتابع وهي تنظر إلى صغيرها بين يديها: يا روحي، شكله كيوت خالص وهو نايم.

ريم: تعالي نروح العيادة عند أحمد. روعة: لا لا، أحمد تاني لا، نسيت اللي حصل في المستشفى. ريم: أيوا صح، طب هتعملي إيه؟ روعة: هو نايم دلوقتي. ريم: مش نطمن؟ روعة: ممكن يكون كان عياط بس، خير إن شاء الله، أنا هطلع أحطه في سريره وأنزل. ريم: تمام، وأنا هجهز الغدا. روعة: تمام. تصعد روعة وتضع الطفل بحرص. روعة: يا حبيبي أنتَ. تضعه ثم تذهب إلى الباب لتسمع صوت بكائه. روعة: إيه بس؟

ثم تذهب إليه وتحمله مرة أخرى ويهدأ الطفل بين أحضانها. في المطبخ. ريم: إيه رجعتي بيه ليه؟ روعة: أول ما حطيته صحي تاني. ريم: ههههه، يبقى عايز يفضل في حضنك. روعة: شكله كده. ثم تجلس على الكرسي الموجود بالمطبخ. ريم وهي تعد الطعام: ما حكتليش ليه إيه اللي حصل في اليوم اللي قاسم فسحكم فيه؟ روعة وهي ترضع ليث: مفيش يا ستي، دخلنا المول والسينما وجينا بليل. ريم: بس؟ روعة بارتباك: أيوا، بس فيه حاجة تانية.

ريم: لا مفيش، بس مفيش حاجة حصلت. روعة وهي تتذكر لمسات قاسم إليها بتلك الليلة: لا لا. ريم: متأكدة؟ روعة: أيوا يا بنتي، طبعًا. ريم: تمام، يلا تحبي ناكل هنا ولا بره ولا في الجنينة؟ روعة: في الجنينة أحسن. ريم: تمام، اطلعي أنتِ عشان ليث وأنا هجيب الأطباق. روعة: تمام. بعد قليل في سيارة قاسم. قاسم بعصبية: ردي بقى، ردي يا روعة. لا أحد يجيب على الهاتف. يرمي قاسم الهاتف على الكرسي المجاور إليه. عند روعة. ريم: هاتيه عنك.

روعة: لا لا، سيبيه. ريم: عشان تعرفي تاكلي. روعة: هعرف... قوليلي بقى إيه رأيك في سامر؟ ريم باستغراب: سامر مين؟ روعة: أخو قاسم. ريم: ماله؟ روعة: يعني هو شاب كويس ومحترم، وفي طب، يعني كويس بردو. ريم: آه، أنا مالي بردو. روعة: غبية، يعني مفيش إعجاب كده ولا كده؟ ريم: إعجاب إيه يا روعة؟ لا طبعًا مفيش، دا وكمان إزاي ارتبط بأخو طليقك؟ روعة: فين المشكلة؟ ريم: لا مفيش مشكلة خالص.

روعة: بصي يا ريم، بصراحة والله أول لما جيتي في القصر حسيت إنك منه، وإنتي وسامر حسيتكم شبه بعض، ولو على قاسم ف أنا هفضل أحبه، ولا حد دخل قبله ولا هيدخل بعده حياتي، سوا طلقنا أو لا، وأنا مش كل يوم عندك، يعني أكيد هشوفه، لأن ليه الحق يشوف ابنه. ريم: بس أنا يا روعة، لسه في أولى هندسة، انتي مستوعبة؟ روعة: عادي على فكرة. ريم: معتقدش، وكمان مش حاطة في بالي فكرة الارتباط، أخلص الهندسة الأول. روعة: خلاص براحتك، بس فكري.

ريم: مش بفكر. روعة: وحياتي عندك فكري. ريم: خلاص هفكر، اسكتي بقى. روعة: شاطرة. يحل المساء على أرجاء الفيلا وما زال ريم وروعة يجلسان في الجنينة. أما بالخارج. شخص: إزيكم يا رجالة؟ رفعت وسامح: اتفضل. الشخص: لا والله شكرًا، أنا بس كنت عايز أعرف فيلا... رفعت: لا معرفش، إحنا بنحرص بس. الشخص: آه، شكرًا. ثم يتركهم ويرحل. أما عن هاني فقد قفز عند انشغال سامح ورفعت. بالداخل يقف هاني بعيدًا. هاني في نفسه: هي دي. روعة: الفون؟

ريم: خضتيني، فيه إيه؟ روعة: الفون، شكلي نسيته فوق من الصبح، أكيد قاسم وماما سألوا عليا. ريم: طب هاتى ليث. تعطي روعة صغيرها إلى ريم وتذهب إلى الأعلى. أما عن هاني فاستغل انشغال ريم بمداعبة ليث وذهب إلى الداخل. في غرفة روعة. تحمل هاتفها. روعة: يالهوي 100 مكالمة من قاسم. تقوم روعة بالاتصال على قاسم. قاسم: روعة روعة، انتي فين؟ روعة: إيه يا قاسم؟ فيه إيه؟ قاسم: انتي فين؟

روعة: في البيت، معلش نسيت الفون فوق وكنت تحت أنا وريم. يطمئن قاسم: أنا خلاص قربت عليكي. روعة باستغراب: قربت فين؟ قاسم: قربت على إسكندرية. روعة: بجد جاى إسكندرية؟ قاسم: أيوا، بس أهم حاجة افضلي مع ريم ومتسبيش ليث لواحده، واطلعي بره هتلاقي رجالة قاعدة برا الفيلا... روعة، روحتِ فين؟ تنصدم روعة من الشخص الذي ظهر من العدم. قاسم على الهاتف بقلق: روعة، روعة، اطلعي بره الفيلا. روعة بخوف: أنتَ أنتَ مين؟ دخلت هنا إزاي؟

يسمعها قاسم: روعة، اجري، روعة، روعة، روعة. أغلق هاني الهاتف. هاني: صوتك ما يطلعش. روعة بخوف: فيه فلوس وفيه مجوهرات كتير. هاني بابتسامة يقترب من روعة وروعة ترجع لورا. يكتم هاني نفسها ثم يقوم بغرز السكين بقلبها عددت طعنات لتسقط روعة ويفقد الوعي. قاسم بالسيارة يزيد من سرعته. قاسم بعصبية: انتو فين يا بهايم؟ رفعت: إحنا قدام الفيلا يا بيه. قاسم: ادخل البيت بسرعة، انفض. ثم يغلق الهاتف. رفعت: تعالى معايا. سامح: فيه إيه؟

رفعت: قاسم بيه قال ندخل الفيلا يبقى ندخل. دق دق. تقوم ريم بفتح البوابة. ريم: نعم؟ رفعت: إحنا لازم ندخل. ريم: تدخلو فين؟ وانتو مين؟ سامح: يا أبلة، قاسم بيه قالنا لازم ندخل. ريم: تدخلو فين؟ اتفضلو امشو بدل ما أطلب البوليس. يأتي قاسم بسيارته سريعًا ينزل منها كالبرق. يفتح قاسم البوابة دون النظر إلى أحد. قاسم: فين روعة؟ ريم: فوق، طلعت تكلمك. يذهب الجميع إلى الأعلى ليرى أن روعة في الغرفة وبجوارها دم.

ريم بصوت عالٍ: ررررروعة. يجري قاسم لحملها. قاسم: روعة، روعة، اصحي يا روعة، متسبنيش يا روعة. ينزل بها سريعًا ثم يذهب إلى سيارته. بعد قليل في المشفى. تنام روعة في غرفة العمليات. روعة: دا صوت ليث، أيوا أنا عارفه كويس، وحاسة بقاسم، متزعلش مني يا قاسم، بحبك أوي، حتى لو دي آخر مرة أكون معاك فيها، هتفضل في قلبي، خلي بالك من ليث، دا ابننا يعني حتة مني ومنك، واهتم بفاطمة، هي بتحبك، وسلميلي على ماما سنية كتير، لأن من بعد عمتي

(يااااه عمتو وحشتيني كتير، خلاص جايا لك) كانت هي أمي، وخالي سامر يتجوز ريم عشان تهتم بليث معاك. ترى روعة نفسها تقف في مكان مليء بالخضرة. روعة: عمتو، عمتو، انتي هنا. العمة: روعة، وحشتيني. روعة: إيه الصوت دا؟ العمة: دا الدكتور عايز يصحيكي عشان ليث وقاسم. روعة: قاسم. العمة: عايزة ترجعي لهم؟ روعة: أيوا. يُرى إيه اللي هيحصل؟ دا اللي هنعرفه البارت القادم إن شاء الله.