رواية عشق القاسي الفصل السابع عشر 17 - بقلم ياسمين سمير

روان: يعني اتصل بيه جي؟ روعه: ..... ريم: روعه فكري جوزي ممكن يعمل أي لما يشوفك وانتي ماشية و بتهربي منه. انتي مش متوقعة الموضوع ممكن يوصل لأي. روعه: بس أنا فعلاً تعبت من هنا. ريم: تعبتي إيه؟ انتي بلسانك قولتي إنك مبسوطة عشان لقيتي عيلة بتحبك. انتي اتجننتي؟ روان: متسمعيش كلامها ياروعه، انتي من حقك تنزلي إسكندرية براحتك، دي بلدك. ريم: روان اسكتي من فضلك. ياروعه بطلي هبل. تقف روعه: أنا موافقة. روان بفرحة: يس. ريم: غبية.

روان: بصي الناس اللي تحت دي كتير، يعني هنمشي من غير ما حد يشوفنا. روعه: تمام، ماشي. هروح الحمام بس وأجي. روان: تمام، عقبال ما أتصل بأحمد يجيب العربية ونمشي على طول. في الحمام. تقف روعه أمام المرايا. روعه: اللي بعمله دا صح؟ ثم تنظر لانعكاس صورتها وتخرج. يخرجوا يلقوا أحمد في انتظارهم. أحمد: روعه، كويس إنك جيتي. الشخص الهمجي دا ميستاهلكيش. ريم: أنت تسكت خالص. أنا مش طايقاك ولا أنت ولا أختك. روان: في إيه ياريم؟

ريم: روعه، إحنا لسه ممكن نرجع ولا من شاف ولا من دري. روان: إنتي ليه مش عايزة تنزلي إسكندرية مع إن دا من حقها؟ ريم: بقولك اسكتي بقا. أحمد: ممكن ياريم تسكتي أنتي؟ يلا عشان نمشي قبل ما حد يشوفنا. روعه: يلا ياريم. ريم: يارب يكون اللي جاي أحسن، مع إني أشك. اتفضلي. تركب روعه وريم بالخلف، وأحمد بجواره في الأمام. في القصر. قاسم وهو يتفقد الحاضرين: هي منزلتش ليه؟ قاسم لأمه: هي روعه فين؟ سانيه: ماهي فوق يابني مع أصحابها.

يتركها ويذهب للأعلى. قاسم: روعه ياروعه. روووووعه. يفتح الحمام. لا يجدها ولا يجد خصلة من شعرها في الحوض. قاسم بغضب: لا ياروعه، لاااااااااااااااا. يذهب للأسفل. قاسم: مشوفتش الواد اللي جاي من إسكندرية؟ سامر: أحمد. قاسم: آه. سامر: لا، دا اختفى مرة واحدة. بحسبه مشي. قاسم: هات العربيات والرجالة وتعالى وريا. سامر: في إيه؟ قاسم بغضب: اسمع اللي قولتهولك وبس. يذهب إلى سيارته ويذهب. بعد وقت قليل يرى سيارة على الطريق.

يسحب قاسم مسدسه: نهايتك على إيدي. يقوم قاسم ورجالته بإيقاف السيارة. ينزل ثم يخرج أحمد. يقوم بلكمه عدد لكمات. روان: سيب أخويا ياههمجي. ريم: شوفتي دا اللي قولتك عليه. روعه: بخوف وبدأ التعب يظهر عليها. سامر: خلاص ياقاسم، الواد هيموت في إيدك. يضرب قاسم ولا يهتم بالكلام. يضع سامر يديه على قاسم: خلاص، الواد هيموت. يقوم قاسم برميه على الأرض: تاخده على القصر. روان: هتعمل إيه في أخويا؟ قاسم: وخد دي كمان.

ثم يتجه إلى الباب الخلفي ويفتحه. ينظر قاسم إلى روعه نظرات حزن. ريم: والله ياقاسم... قاسم: هشششش. خد دي كمان معاك ياسم. ريم: يالهوي، وأنا مالي؟ متقولي حاجة ياروعه. تبدأ روعه بالتعرق وتتساعد أنفاسها. قاسم: هتنزلي ولا هتمشي لوحدك؟ تبدأ روعه بالنزول. في لحظة وقوفها على الأرض تقع. قاسم بخوف: روعه، روعه. تبدأ روعه بفقدان الوعي. قاسم وهو يحملها: روح أنت على القصر. سامر: أنا هاجي معاك. يتابعه بسيارته حتى وصولهم للمشفى.

يحملها ويتجه بها. قاسم: بسرعة، بسرعة. يأخذها الممرضات إلى غرفة الكشف وتمنع دخول أي شخص. الممرضة: ممنوع. قاسم بعصبية: أنتي اتجننتي؟ ممنوع إيه دي مراتي. سامر: قاسم اهدى، هما هيكشفوا عليها والدكتور هيطلع. متخافش. يذهب قاسم لخبط رأسه بالجدار: لي، لي، لي. عايزة تسيبيني لي؟ عملتي كدا؟ بعد وقت قليل يخرج الدكتور. يجري إليه قاسم وسامر. قاسم: طمني، في إيه؟

الدكتور: مفيش خطر. هي أغمي عليها من الخوف. ويا ريت دا ميتكررش لأنه خطر جداً على الطفل. سامر: طب ممكن نشوفها؟ صح؟ الدكتور: أيوا. يدخل قاسم إلى غرفة روعه. يجلس أمامها. قاسم: ارفعي وشك. وهي ترفع رأسها ولا ترد. قاسم: عايزة تمشي؟ روعه: لا رد. قاسم وهو يقف: تمام، عايزة تمشي؟ هتمشي بس بعد ما تجيبي ابني وأمشي. روعه وهي تنظر إليه بدموع: يعني إيه؟ قاسم: يعني بعد ما تولدي ابني، ممكن تمشي عادي. عشان في الوقت دا هكون مش محتاجك.

روعه: أنت اتجوزت عشان أخلف وبس؟ قاسم: أيوا، وأنتي قررتي تمشي. روعه: بس أنا مش هسيب ابني. قاسم: مش بإذنك انتي. أنا اللي أقرر. أنتي مالكيش قرار. روعه بدموع: مش هتاخد ابني مني ياقاسم. قاسم: هاخده. روعه بصوت عالٍ: مش هتاخده. مش هتاخده ياقاسم، مش هتاخده. يتركها قاسم ويخرج. سامر: في إيه؟ صوتها عالي ليه؟ قاسم: مفيش. ارجع أنت على القصر. ولما تخلص المحلول هاخدها ونرجع. سامر: طب هي كويسة؟ قاسم: وأنت شغال بالك ليه؟

دي مراتي أنا. سامر: مقصدش ياقاسم، أنا بس بطمن. قاسم: اتفضل يلا. سامر: ماشي، همشي أهو. بس خلي بالك، مفيش أم هتسيب ابنها. حط نفسك مكانها يا عم. ثم يتركه ويرحل. يجلس قاسم بجوار الغرفة وعقله لا يستوعب أن روعه تريد تركه. بعد قليل يأتي الدكتور. قاسم: ينفع نمشي؟ الدكتور: بس ياريت محدش يأثر عليها. هيا قربت تولد ودا بيأثر عليها. قاسم: ماشي. يتركه ويدخل. بمجرد دخوله تضع روعه يديها على بطنها المنتفخة.

قاسم: متخافيش، مش هاخده دلوقتي. بس هاخده ياروعه. روعه: مش هسبهولك ياقاسم، مستحيل. قاسم يحملها ويخرج. روعه: سيبني. قاسم: اسكتي. تضع روعه رأسها على صدره. تحاول إسكات عقلها. يصلان إلى القصر. يحملها ويدخل بها. سانيه تجري عليه: في إيه يابني؟ قاسم: مفيش يامي، روعه تعبانة شوية. سانيه: مالها؟ هيا كويسة والطفل؟ قاسم: كله تمام يامي. يذهب بها إلى غرفته تحت أنظار الجميع. يضعها على السرير ويخلع النقاب لها. روعه: قاسم.

ينظر قاسم إليها دون كلام. روعه: مش هتاخد ابني مني، صح؟ قاسم: نامي ياروعه. ثم يتركها ويذهب. مازن: في إيه ياعم؟ اختفيت مرة واحدة ليه؟ قاسم: مفيش ياعم، كنت بشوف حاجة كدا. كمل الفرح يلا. مازن: مشوفتليش عروسة. قاسم: هه. هتموت وتتجوزي؟ اهدى، تقل شوية. مازن: أكتر من كدا؟ أما في القصر وبالبدروم (مخزن صغير تحت البيت) ريم: عجبكم كدا؟ روان: دا إنسان همجي. أول ما أطلع من هنا هبلغ عنه.

ريم: دا إن طلعنا أصلاً. أنا بس خايفة على روعه. أحمد: هو ممكن يعملها حاجة؟ ريم: أنت متكلمنيش خالص. كل دا منك ومن أختك. روان: أنا أول ما أطلع من هنا مش هكلمك تاني. ريم: اتنيللي، اتنيللللي. دا إن طلعنا أصلاً. أنتو متعرفوش قاسم. أحد الرجال: مش عايز أسمع صوت. صدعتونا. أما بالخارج. سامر: عملت إيه؟ قاسم: مفيش، نايمة. سامر: متخدش قرارات وأنت متعصب. اهدى وحاول تعرف هي كانت عايزة تمشي ليه. ينظر إليه قاسم ولا يرد.

يخلص الفرح ويجمع العائلة بالداخل. منال (أم مازن) : بشكركم جدا. سانيه: على إيه؟ منال: على الفرح واللمة دي. سانيه: نهله دي بنتي زيها زي روعه وفاطمة بالظبط. منال: آه صحيح، أمال روعه فين؟ مشوفتهاش. قاسم: هي تعبانة شوية عشان الحمل. هيا بتستريح فوق. منال: آه، ربنا معاها ويكملها على خير. قاسم: يارب. عن إذنكم. مازن: إيه ي كبير؟ دا لسه فيه سهرة. قاسم: الساعة واحدة. سهرة إيه يامازن. مازن: يعني مفيش سهر؟

قاسم: سامر عندك أهو، بيحبه. أنا طالع أنام ياعم. مازن: دا إحنا هننبسط. قاسم: لا ياعم شكراً. عن إذنكم. سامر: قاسم. قاسم: نعم. تقترب سامر من قاسم: واللي في البدروم هتعمل معاهم إيه؟ قاسم: سيبهم، لما أفوقلهم. ثم يتركه ويصعد. أول ما يدخل الغرفة ينصدم. قاسم بصدمة: ... مممكن يكون شاف إيه؟ ولا إيه اللي بيحصل؟ رأيكم.